¹ Sambano mpilikane wanyamwe waipanje nlile ni kutila kwa malumbo kwa ligongo lya kulaga kwakukunnugulila. ² Ipanje yenu iwosile ni minjilo jenu jilikwe ni chimbulukulu. ³ Sahabu jenu ni mbujo syenu ukutu ni ukutu wakwe chimwe umboni pasikati jenu pakuwa chiijonaje iilu yenu mpela mooto yakukuti kutinisya wanyamwe unjichile ipanje kwa mowa ga mbesi. ⁴ Nganimwalipa awala wawapangenye masengo mmigunda mpilikanile yakuti kulila kwa wandu kugowola mmigunda jenu kuiche mmpikanilo ga ambuje waali ni ukombole. ⁵ Ntemi mchilambo kwa utame wakulisengwasya kwa nnope nlijimbesye mwachinsyene mpela ng'ombe jajili chile kwa lyuwa kusingwa. ⁶ Mwalamwile ni kwaula wandu wambone paujo akunnungu wanganankanila wanyamwe. ⁷ Kwayele achalongo achinjangu mpililileje mpaka pataiche ambuje nlile jwakulima yakuti pakulindilila kwa kupililila aila yaipandile isogose magungulo gambone ni yakuti pakujilindilila wa jandanda ni ja mbesi. ⁸ Iyoyo peyo ni wanyamwe wakwe mpilile nkole mitima jakulumba ligongo kwika kwa ambuje kuwandichile. ⁹ Achalongo achinjangu nkanyinyitilana mwachinsyene pe ntakula mulikwa ni akunnungu jwakulamula awandichile kwika. ¹⁰ Achalongo achinjangu mwasakaga kulila chisyosyo cha kulindilila ni kupililila mmasausyo mwakumbuchile wakulondola wawasalaga utenda wa kutyochela kwa ambuje ni wanyamwe nsyasye chitabu chao. ¹¹ Tukwawilanga weleo akwete upile pakuwa wapilile npilekene ngani sya kupililila ku che ayubu ni nkwimanyilila ambuje iwantendele kumbesi pakuwa ambuje agwumbele chanasa ni umbone. ¹² Kupunda yeleyo achinjangu nkalumbila kwa kwinani atamuno kwa chilambo atamuno kwa chindu chachili chose njileje elo waga nkusaka kuti ni ngwamba iwaga nkusaka kuti ngwamba pelepo nganlamulikwa ni akunnungu. ¹³ Ana apali mundu jwalijose mu mpingo wenu jwakusauka apopeleje jwakusangalala ajimbe nyimbo sya kulapa. ¹⁴ Ana apali mundu mu mpingo wenu jwakulwala?wawilanje achakulu ilongola wa mpingo wa wandu wakunkulupilila kilisto wapopelele ni kwapakasya mauta mu liina lya ambuje, ¹⁵ Ni akula kupopelela kwa chikulupi chikunnamisye jwakulwala nombe ambuje chanlamye naga watesile sambi chalecheleswe. ¹⁶ Nsalilane sambi syenu kwa jwine ni jwine ni kupopelelana kuti nlamiswe mapopelo gakwe mundu jwambone paujo pa akunnungu gana machili gakupanganya gamajinji. ¹⁷ Che elia waliji mundu mpela uwe wapopelele kwa kuchelila kuti jikanya ula ni nganijinya ula pachilambo ya itatu ni miesi sita. ¹⁸ Nipele wapopelele sooni ni ula janyele kutyochela kumaunda ni chilambi chasogwesye magungulo. ¹⁹ Achalongo achinjangu waga mundu jwalijose mwa wanyamwe asochelaga ni kuuleka usyene ni mundu jwine ammusyanga, ²⁰ Nipele mmanyilile kuti mundu jwaliyose jwankummusya sambi kutyochela nkusoya kwakwe jwelejo chankulupusye mundu kutyochela mchwa ni kwatenda akunnungu wa tyochesye sambi syao syejinji.