¹ Achalongo achinjangu wakwiganya wajinji pakuwa nkumanyilila kuti uweji utukwiganya tukulamulikwe kwa chikali nnope kwapunda wandu wane. ² Uweji wose tukulewa mwamijinji nambo waga mundu ngakula mu nkuwecheta kwakwe jwelejo ali jwamalikwe nombejo akupakombola kuchilongosya chiilu chakwe chose. ³ Uwe tukuwika chipande chamwana cha chisyano chachitawikwa kwa migoji nkang'wa sya falasi kuti tukombela kuilongosya iilu yao kwaula kwakuli kose kwatukusaka uweji. ⁴ Iyoyopeyo ngalawa namose jili jekulungwa nnope jikujegalikwa ni mbungo jakalipa nambo jikulauswa ni chipanje cha mwana cha chibao ni jikwaula kwakusaka jwakujilongosya. ⁵ Iyoyopeyo lulimi luli chiwalo mwana nnope pa chiilu nambo lukulilapilila indu yekulungwa nnope nganisye mwotye kanandi yaukuti pakolesya litinji lyekulungwa nnope. ⁶ Nombe lulimi mpela lugumbele igongomalo ya pachilambo lilimi chiwalo cha mwana nambo lukukombola kuchinyakasya chilu chose lukutinisya umi wetu chitandile kupangwa mpaka kuwa kwa mooto waukutyochela ku jehanamu. ⁷ Mundu akukombola kulanga unyama yailiyose nombe amasile kukombola kulanga unyame ya mwitinji ni yaili yose ni inyama yaikukwawa yailiyose ni yaikutama mmeesi. ⁸ Nambo ngapagwa mundu jwakukulombola kukulanga limi luli lwangalumbana ni ngalukumboleka lulanga ni lugumbele sumu jajikuulaga. ⁹ Kwa lulimi tukwalapa ambuje ni atati wetu ni kwa lulimi lulilo tukwalwesya wandu wagumbikwe chisau akunnungu. ¹⁰ Mu kanglwa jimo mukukopochela malowe ga upile ni malowe ga kulwesya achalongo achinjangu ngaikuwanjilwa indu iweje yeleyo. ¹¹ Ana chisima chikukombola kukoposya kwanakamosi gambone ni meesi ga njete? ¹² Ana achalongo achinjangu chitela cha ntiti chikulupi kusogosya isogosi ya tini?ngwamaba chisima cha meesi ga njete ngachikukombola kukopsya meesi gambone. ¹³ Ana nduni jwali ni lunda ni umanyilisi pasikati ja wanyamwe?nipele alosye yeteyo kwa lwende lwakwe lwambone kwa litala yeleyo kwa ipanganyo yaikupanganyikwe kwa kulitisya ni lunda. ¹⁴ Nambo waga mmitima jenu mugumbele wiu ni uchimwa ni lipamo, nkasisa usyene kwa kulilapa ni kusala unami. ¹⁵ Lunda lwati yeleyo ngalukutuluka kutyochela kwinani nambo luli lunda lwa pa chilambo lwele lunda luli lwa chiundu ni lukutyochela kwa shetani. ¹⁶ Pakuwa papali ni wiu ni lipamo pana utindikanyo yose yangalimate. ¹⁷ Nambo lwele lunda lwalukutyochela kwinani luli lwakusalama lukusaka chitendewele ni kulitimalika lulichile kupilikanila malowe ga wandu lugumbele chanasa ni ipanganyo yambone nganilukosa lusaga namuno lulamusya. ¹⁸ Wandu wakuchinonyele chitendewele akupanganya indu yai kwikanewo chitendewele kwa wandu wane mbesi jakwe wandu akutendekwa wambone paujo pa akunnungu.