¹ Une che yakobo, jwakutumichila jwa akunnungu ni jwa ambuje che yesu kilisto, ngunnembela mwaya wandu wa akunnungu wose wampilingene ku chilambo kose ngunkomasya. ² Achalongo achinjangu ili yakusengwa pa nkukila masauko gagali gose. ³ Nchimanyililaga kuti kulinjikwa kwa chikulupi kukunyichisya upiliu. ⁴ Nkole usyene wakuti kupililila kukwenu kupanda masengo mu nkati mpaka kumbesi kuti nkule ni kuwa wamalilwe mpela yaikuti palusaka akunnungu pangapuchilwa ni chindu chachili chose. ⁵ Nambo mundu jwalijose mu mpingo wenu,lwansongwa lunda wapopelelo akunnungu wakwapa wandu wose mwamiyinji ni kwa ntima wambone nombejo chachipegwa. ⁶ Nambo apopeleje ali akwete chikulupi lipamba lyalili lyose pakuwa mundu jwali ni lipamba ali mpela litumbela lya mu bahali lyalikujugalikwa ni mbungo ni kwauswa akuno ni akunokuno. ⁷ Mundu jwati yeleyo akaganisya kuti chapochela chili chose kutyochela kwa ambuje. ⁸ Jwelejo ali mundu jwagalaukagalauka ni ngakukombola kulamula chindu chakupanganya. ⁹ Nambo nlongo jwakulupilile jwaali jwakulaga akusachilwa asengwe katema akunnungu pakunkwesya. ¹⁰ Mlongo jwakulupilile jwali jwachipanje akusachilwa asengwe katema paakuntusya pakuwa jwachipanje chasowe mpela uluwa lwa mwikonde. ¹¹ Lyuwa likukopochela ni kuwala nnope ni kuumusya masamba uluwa wakwe ukugwa ni usalale wakwe ukusowa iyoyopeyo jwachipanje nombeyo chawe mmasengo mmasengo gakwe. ¹² Jwana upile mundu jwakupilila nkulinjikwa pakuwa amalaga kupunda kulinjikwa chapegwe chindu mpela songwa ta umi ambuje jwalanjile wakwanonyela. ¹³ Mundu alinjikwaga akajila ngulinjikwa ni akunnungu pakuwa akunnungu ngakunlinga mundu kwa kutenda yangalu mbana nombe akunnungu ngakulinjikwa kwa kutendelwa yangalumbana. ¹⁴ Nambo mundu akulinjikwa pakukwekwelemwa ni kutanjikwa ni tama jakwe atende yangalumbana. ¹⁵ Mwajilechelaga tama jintawala jikwichisya sambi ni sambi syapundaga sikwichisya chiwa. ¹⁶ Achalongo achinjangu wakunonyelwa nkalambuchikwa. ¹⁷ Kila ntuuka wambone ni waumaliliwe ukutyochela kwinani kwa atati akunnungu wawagumbile lulanga jwanga kugalaukagalauka, nombewo ngakulosya chimanyisyo chachili chose kuti chagalauche. ¹⁸ Kwa unonyelo wakwe nsyene watweleche kwa litala lya lilowe lya usyene kuti tuweje mpela milimbumu yepanganyikwe yakwe yose. ¹⁹ Achalongo achinjangu wakunonyelwa mmanyilila chindu yakuti mundu jwalijose awe jwachitema kupilikana nambo ngasawa jwachitema kuwecheta namose kutumbila. ²⁰ Pakuwa wandu waali ni kutumbilo ngakukombola kupanganya yambone paujo pa akunnungu. ²¹ Kwayele nneche masyowelo genu gangalumbana ni ipanganyisyo yenu yangalumbana mpochele kwa kulitulusyan lilowe lyalipandikwe mmitima jenu lyalikwe kunkulupsya. ²² Nkalilambusya mwachinsyene nambo wandu wakupanganyichisya masengo lilowe lya akunnungu ngawa wakupilikanila pe. ²³ Pakuwa naga mundu ali jwakupilikanila pe lilowe lya akunnungu nombe ngawa wakulipanganya lyalipikene chandanane ni mundu jwakulilola ku meeso mu lundala. ²⁴ Ni paakumalisya kulilola yatite ni kutyoka, kwakamo akuluwalila yatite pakuwa. ²⁵ Nambo mundu jwakugalolechesya uchene malajisyo ga usyene gagakwalechesya wandu ni akwendelechela kugapanganyichisyo masengo pamgapikanila pa ni kugalilwala jiwele mundu chapegwe mu indu yose yakupanganya. ²⁶ Mundu aganisyaga kuti akwajogopa ni kwapopechela akunnungu, nambo ngakusiwila lulimi lwakwe, kwapopelela kwao akunnungu nganikukola mate ni akulilambusya nsyene. ²⁷ Litala lya kwapopelela akunnungu lyalili lyambone lyangali chilewo paujo pao lili ali kwakamuchisya wamolekwa ni wawililwemni achikwankwao ni nkankwawo ni nkalisakasya kwa kwa indu yangalumbana ya pachilambo.