¹ Jwambopesi jwankulu jwalijose jwasagulikwe pasikati ja wandu awichikwe kwatumichila akunnungu kwa liwamba lya wandu kuti apele sadaka ni kutyosya mbopesi kwa ligongo lya sambi sya wandu. ² Pakuwa asyene wo nombe alepetele mumatala gamajinji kuti akombole kwa tendela chanasa wandu wose wakutenda sambi ni ngakuchimanyila chitu. ³ Kwa ligongo lyo akuwajilwa kutyosya mbopesi ngawa kwa liwamba lya sambi sya wandu pe, nambo ni kwa lwamba lya sambi syakwe nsyene. ⁴ Ni ngapagwa mundu jwakuliwika nsyene jwakuchimbichikwa kwa kutenda awe jwambopesi jwankulu nambo akusachilwa awe jwankulu nambo akusachilwa awe jwawilanjikwe ni akunnungu mpela ila che haluni iwatite pakuwilanjikwa. ⁵ Iyoyo kilisto nganalipa uchimbichisyo nsyene kwakulitenda nsyene kuliwaka badala jakwe akunnungu wawechete kwao mwejo ni mwanangwangu lelo ndili atati wenu.'' ⁶ Ni mpela yatite pa kusala pane,''mwejo ni wambopesi badala ja melkizedi.'' ⁷ Che yesu pawatamaga pa chilambo pano wapopele kwannope ni kulilila ajula ni kwa ligongo lya kunchimbichisya akunnungu wampilikene. ⁸ Namose waliji mwana jwa akunnungu mmasauko gao waimanyi kunjitichisya akunnungu. ⁹ Ni pawamasile kuwa wa utindimisyo mu yose waliji ndande ja ukulupusyo wa mowa gose pangali mbesi kwa wandu wose wakwajitichisya. ¹⁰ Nipele akunnungu wansagwele awe jwambopesi jwankulu mpela uwatite kuwa umbopesi wa melisedeki. ¹¹ Tukwete indu yejinji yakusala nkati nganiji nambo ikumba kunsalila wanyamwe pakuwa wanyamwe ngankumanyilila kwa chitema. ¹² Isyene pa katema kano ikawajile mme wakuliganya nambo ikunsowa chiwela kuti mundu jwine anjiganye majingo gandanda nkati malowe ga akunnungu badala ja kulya chakulya chakulimba nkwendele kang'wa mawele mpela mwanache. ¹³ Pakuwa mundu jwalijose jwakutama kwa kung'wa mawele pe ali mpele mwanache jwannandi ngakukombola kumanyilila majigambo gankuti kwitenda kwenda indu yambone paujo pa akunnungu. ¹⁴ Kwa upande wine chakulya cha kulimba cha wandu achakulungwa ni awala wakukombola kulekanganya indu yambone ni yangawa yambone.