¹ Uneji che paulo nduna une ngawa nduna kwa sagulikwa ni wandu ni ngawa kwa kupila mundu nambo kwa kupitila che yesu kilisto ni akunnungu atati wawasusisye kutyochela kwa waule. ² Pamo ni achalongo wangu wose ni une tukugajandichila makanisa ga kugalatia. ³ Upile uwe kwenu ni chitendewele chikutyoka kwa akunnungu atati wetu ni ambuje che yesu kilisto. ⁴ Walityosisye ase asyene kwa ligongo lya sambi syetu ili kuti atukulupusye ni aga mowa ga gangalumbana kwa unonyelo wa akunnungu wetu ni atati. ⁵ Kwao uwe ukulu mowa gose pangali mbesi. ⁶ Kusimonga kuti ngalauchile chitema wiyii jine ngusimonga kuti ngalauchile kwatalika kutyoka kwao weleo wammilasile kwa upile wa kilisto. ⁷ Ngapagwa injili jine nambo apali wandu wane wakuntindiganya wanyamwe ni kusaka kugalausya injili ja che yesu kilisto. ⁸ Nambo iwaga atamuno achikatumetumekutyochela kwinani changanyisye kwenu injili jangajikulandana ni ajila jitwannalichile uweji, alwesechekwe ni akunnungu. ⁹ Mpela patwatite kuwecheta kundanda ni sambano nguwecheta soni iwaga chapagwe mundu juchanlalichile kukwenu injili jinganilandana ni jinjipochele alaaniche.'' ¹⁰ Kwani sambano ngusosa usyene wa wandu au akunnungu?ngusosa kwa sengwasa wandu?iwaga najendelechesaga kulinga kwanonyelesya wandu ineji ngawa katumetume jwa kilisto. ¹¹ Alongo achinjangu kusaka wanyamwe mwimanyilile kuti injili jinannaliichile ngajikutyokana ni wandu. ¹² Nganinajipochela kutyoka ku wandu wala nganinyigangwa badala jake jaliji chaliji chiunukuko chiche yesu kilisto wangu. ¹³ Mmmasile kupilikana maisha gangu ga panyuma kupilikana ni dini ja chiyahudi, inatite pakulilagasya kwa chikali likanisa lya akunnungu kupunda chipimo ni kulileka. ¹⁴ Najendeleche ni dini chiyahudi kupunda achinjangu wajinji wayahudi nachalile kwa nnope kukuya isyowelo wangu atati wangu. ¹⁵ Nambo akunnungu wawajilwe ni une wasagwile kutyoka mulutumbo achikulu wangu wamilasile une kupitila upile wao. ¹⁶ Wamunukulile mwanangwe munkati mwangu kuti nalichile ngani jambone nkati che yesu kilisto kwa wandu wangawa wayahudi nganinyaulakukwausya wandu wane yakuti kuganisya. ¹⁷ Nganinyaula ku yelusalemu kwa wanyawala wawaliji achinduna nganawe une badala yake napile kuwaalabu ni nausyile ku damesiki. ¹⁸ Nipele baada ja yaaka itatu nakwesyile kwaula ku yelusalemu kukwalola che kefi,natemi nao kwa mowa kumi na tano. ¹⁹ Nambo nganinaona achinduna wane pangawa che yakobo apwao ambuje che yesu. ²⁰ Nnole paumbujo pa akunnungu ngangulambusa kwa achila chingulemba kwenu. ²¹ Nipele napite musi wa shamu ni kulikia. ²² Naliji ngangumanyika mumeeso mwa makanisa ga wayahudi aga gagaliji ni wakilisto, ²³ Nambo waliji achipikangaga tu,''welewo achitulagasyaga kwa nnope akulalichila chikulupi chawachialibuji.'' ²⁴ Waliji achinnapaga nnungu kwa ligongo lyangu.