¹ Wanyamwe wanache mwachichisye achawelesi wenu ligongo nkunkulupilila ambuje pakuwa yeleyo ili yambone. ² Mwachimbichisye atyati wenu ni achikulu wenu oakuwa lyeleli lili lilajisyo lyandanda lyaliji ni chalangano. ³ Ni pachinkole upile kwenu nio nkombole kutama yaaka yejinji pachanya chilambo.'' ⁴ Nombe wanyamwe acha achati mkachimasya wanache wenu nambo mwalele kwakajamuka ni kwajiganya mpela ambuje yatite pakulajisya. ⁵ Wanyamwe achikapolo mwapilikanichisye ambuje wenu wa pachilambo pano kwa kwachimbichisya ni kwapilikanichisya ni ntima wambone mpela nkwatumichila kilisto. ⁶ Kulitimalika kwenu ngawa pe apala wanyambuje wenu pankulolegana ligongo kwasengwasa nambo mmanje wanyamwe nndi achakapolo wa kilisto. ⁷ Mpanganye masengo genu kwakusa ngalala mpela nkwatumichisya ambuje ni ngawa mpela nkwatumichila wandu, ⁸ Mmanyile kuti mundu jwalijose jwakutenda yambone atamuno ali kapolo pane jwalechele chapochele mbote jakwe kutyochela kwa ambuje. ⁹ Ni wanyamwe achakulu wa pachilambo iyoyo kwa achiukapolo wenu nneche kwajogoya mmanyilile ambuje wamo wangali. ¹⁰ Nipele kwakumalichisya njime nkulimbusya nkulumbikana ni ambuje ni kwakukumuswe ni amchili gao gamakulkungwa. ¹¹ Njigale yakumenyanila yose yampegwilwe ni akunnungu kuti nkombole kugakanila malindi ga shetani. ¹² Pakuwa ngondo jetu ngatukumenya na wandu nambo tukumenyana umwenye ni utawala wa mbumu ni watawala masoka gigali kwinani. ¹³ Nipele mbwalanje ya kumenyanila yose ya akunnungu ligongo mpate kwiima uchenene ligongo lya pachimmale kila chindu chinjime uchenene. ¹⁴ Nipele njime nkulimbila usyene uweje mpela nkanda mchiumu mwenu ni kuwoneka kwenu wambone paujo pa akunnungu. ¹⁵ Ntendanje yelei nndi tayali mmakongolo mwenu kwa kulachila lilowe lya akunnungu lya chitendewele. ¹⁶ Kupunda yeleyo yose chikulupi genu nkombole kujisima mipamba jose ja mooto jauja mwovu. ¹⁷ Mwalanje kofia ya ukulupusyo nio lipanga lya mbumu lili lyilowe lya akunnungu. ¹⁸ Pamo ni mapopelela mumpopelele mbumu jwa akunnungu mowa gose kwa chele chilo lelo nlilolele kwa uchenene kwa ligongo lyam wakulupilile wose. ¹⁹ Mpopelele kwa ligongo ile mbate ntenga pangugopola kang'wa jangu mpolele kuti ngombole kwamanyisya wandu yantemela ya ngani jambone pangali lipamba. ²⁰ Ni kwa ligongo lya lilowe lya akunnungu une ndiliu jwa ntenga jundawikwe minyololo kuti mechete pangali lipamba nkati mwao mpela inguti pasusachilwa kuwecheta. ²¹ Nambo wanyamwe nombe mwimanye indu yangu ikuti pakwendelela, che Tikiko alongo ajangu chammanyisye kila chindu. ²² Ngutuma kukwenu kwa ligongo lya chimndu chi ansalile nga sya nkati uweji ni kumytala sya mitima jenu. ²³ Chitendewele ni unonyelo iwe kwenu achalongo achinjagu pamo ni chikulupi kutyoka akunnunguy atati mni ambuje che yesu kilisto. ²⁴ Upile uwe pamo ni wose wakwanonyela ambuje che yesu kilisto kwa unonyelo ula wangawa.