¹ Waiche wandu wane ku antiokia kutyochela ku yudea ni kutanda kwajiganya acholongo wala achitiji,''iwaga ngammumbala mpela malinga ni chisyowelo chiwalamumwileche musa, ngankombola kukulupika.' ² Katema che paulo ni che banaba pawaliji akukanilana nawo yankati ngajo, nipele waasagwile che paulo ni che banaba pamo ni mpingo wa wandu wakunkulupili kilisto wampele wa kuaantikia ko ajaula ngane kwa achinduna ni achachekulu ku yelusalemu kukunguluchila nganijo. ³ Nipele pawalajisye ni likanisa wapitile ku foinike ni kusamalia achilalichilaga lilowe lya akunnungu kwa wandu wa ilambo ine waichenao kusengwa kwa achalongo wose, ⁴ Pawaiche kuyesalemu wapochele ni wandu wa mulikanisa ni achinduna na achikuluu ni wasalile nje yanayose iwatendele ambuje akunnungu pamo nao. ⁵ Nambo wandu waane wankulupilile nnungu uwialiji mu mpingo wa mafalisayo wajimi ni kuwecheta,''ili yambone kwaumbasya ni kwajiganya kugakamulaichesya malajisyo ga akunnungu gawapele che musa.'' ⁶ Nipele che achindina na achekulu wajimi pamo kuliganisisya yeleyo. ⁷ Pagamasile gele mausyanogo gigaliji gamale che petulo wajimi ni kuwecheta ,''achalongo achinjangu nkumajilila kuti mowa gambone gigapitile akunnungu watusagwile uwe kuti kwa kang'wa jangu ilambo ine ipikane lilowe lya akunnungu ni kukulupilila. ⁸ Akunnungu wakumanyilila miitima aliwaumboni kukwao, akwapa mbumu jwanswela mpela yatite pakutupa kwetu; ⁹ Ni nganatenda usagu pasikati jetu ni wanyao, wajitesyile miitima jao kuwa jeswela kwa chikulupi. ¹⁰ Kwa chichi mkwalinga akunnungu, kwakula twika wakulijiganya misigo ja kutopa janga kombola kutwichila achambuje wetu natamuno uweji? ¹¹ Nambo tukukulupilila kuti tutukulupiswe ni upile wa ambuje che yesu, mpela wanyao yakuti pakukulupilila.'' ¹² Msongangano wose watandile pawaliji akwapi kanila che banaba ni che paulo pawaliji achasalilaga ngani ja imanyisyo ya kusionjeka iwatendele akunnungu pasikati jetu ni wandu wa ilambo ine. ¹³ Pawalesile kuwecheta che yakobo wajawele achitiji,''achalongo anjinjangu mpililoka. ¹⁴ Che simoni atuwalanjile yeila akunnungu yatite pakwalola wandu wangawa wayahudi ni kwasagula wampepe mwa welewo kuti aweje wao. ¹⁵ Malowe ga wakulondola gakwilana ni ga mpela iyatitepakule mbekwa. ¹⁶ 'Akunnungu akuti pakumala yalei chimu je ni kutawa sooni lisakasa liche daudi lilyaguile, chinjikososya masame gakwe ni katawa sooni, ¹⁷ Ligongo kuti wandu wasigele wasose ambuje pamo ni wandu wa ilambo wawilanjikwe kwa lina lya lyangu.' ¹⁸ Ambuje ni iyakuti pakusalo, uwitesile indu ikumanyika tandila kalakala. ¹⁹ Nipele ngulamula kuti tukasausya wandu wa ilambo wakwagalauchila akunnungu. ²⁰ Nambo twalembele chikalata twasalile kuti analye yakulya yaitajikwa mbopesi kwa inyayo aleche chikululu ni akalya inyama yakupopotala ni kuleka kulya miasi. ²¹ Kutandila iwelesi ya kalakala ya achakulu wetu apali wandu mumisi wakuni mumajumba gakupopela kila lyuwa lya sabato.'' ²² Nipele yooneche iwajilwe achinduna ni achikulu pamo ni likanisa lyose, ni kwasagula che yuda wawilanjikwe che barsaba ni che silas uwialiji ilongo wa likanisa, ni kwalajisya kuantiokia pamo ni che paulo ni che banaba. ²³ Walembile ai.''achinduna achikulu na achalongo wa ilambo walinji ku antiokia, kusilia ni kilikia. ²⁴ Twapilikene kuti wandu wane watyosile kukwetu wansakalisye wanyamwe ni kutaga lipamba mitima jenu kwa malowe gao nambo wanyawo nganitwalajisya kose.. ²⁵ Nipele iwoneche yambone kwetu wose kwasagula wandu wa kwalajisya kukwenu pamo ni wakunonyelwa wetu che banaba ni che paulo, ²⁶ Wandu wali wautyosisye umi wao kwaligongolya masengo ga ambuje wetu che yesu kilisto. ²⁷ Nipele twalajisye che yuda ni che sila, che salile indu itulembile yo kwa kang'wa. ²⁸ Pakuwa mbumu jwa akunnungu pamo ni uweji tujitishisye kuti tukaatwika nsiga wine wakutopela kupunda ayi inkusachilwa kwimanyililma: ²⁹ Kuti mgalauchanje ni nnechaje kulya indu ikutajikwa mbopesi ya inyogo miasi, indu ya kupopota ni chikulu mwaliwikaga kwa taalika ni ai, chiwe yambone kukwenu ngunnanganga.'' ³⁰ Nipele pawapwilingene watuluchile ku Antiokia;pawasongenye pamo mpingo wa wandu wakunkulupilila kilisto wose ni kwapa chikalayta chila. ³¹ Pawasyomile, wasangalele pakuwa malowe gakwe gaatulesye mitima jao. ³² Che yuda ni che sila ni wakulondola wa akunnungu watulesye mitima achalongo kwa malowe gamajinji ni kwataganya machili. ³³ Pawatemi kwa mowa kweleko wapulilingene kwa chitendewele kuuja kwa achalongo wao uwalajisye. ³⁴ [Nambo che sila wasanjile kusigala] ³⁵ Nambo che paulo ni waane watemi ku Antiokia pamo waane achajinji, wajingenye ni kulalichila lilowe lya ambuje. ³⁶ Pagapitile mowa gampepe che paulo wasalile che banaba, ''twende twije tukaalole achinjetu wawkwaulupilila che wala ku miisi jajili jose kutwalanjile lilowe lya ambuje ni kulola yakuti pakukwendelea. ³⁷ Che banaba wasachile nombe kwaajigala miche yohana uwawilanjikwe che maliko. ³⁸ Nambo che paulo waganisye waweni ngwa yambone kwajigala che maliko, uwalesile kupamfilia ni ngana panganya masengo gao. ³⁹ Nipele wakanilene kwannope ni kulekangana matala. che banaba walongene ni che maliko, wakwesile ngalawa ni kwaula kupulo, ⁴⁰ Nambo che paulo wasagwile che sila ni wandu wakwakulupilila che yesu wampopele apate upile wa ambuje ni kwaula. ⁴¹ Ni wajawile kupitila kushamu ni kukilikia achigalimbisyaga makanisa.