¹ Tuimanyi kuti naga ndamo ja pachilambo pano mwatukutama muno mukonazika, tukwete lizakaza lyali kutyochela kwa akunnungu lizakaza lyanganilipanganyika ni makono ga wandu nambo liwele lizakaza lyandali mbezi kwinani. ² Pakutipo amu ndizakazamu tukulwala, tuliakulajila kutuwecha ndamo zyetu zya kwanani. ³ Tukulajila kwa ligongo lya yiyi pakutipo kwa kutakuwa ngatuoneka kuti tuli matakope. ⁴ Yaili izyene ndawi pakutuwa nkati mwa lizakazali, tukulwala tukutopelwa ngatukuzaka kutugopola nguwo, nambo, tukuzaka kutakuzya kuti chechila chachiwile chikombole kumilwa ni umi. ⁵ Wewala watulinganyizye uwe muachi chinduchi ni akunnungu wele atupele uwe mbumu mpela malangano ga chechila chachiyiche paujo. ⁶ Kwa yele mbe wangalioga mowa mbe mezope kuti ndawi pakutuwa pamuzi ni lyiilu, tukuwa kwetuleche na ambuje. ⁷ Pakuti tukwendajenda ni chikulupi, ngawa kwa kuloche na woga. ⁸ Chiizalale tuwaga kwetaliche kutyochela nchiyilu ni pamuzi pampepe na ambuje. ⁹ Kwayele tutezile ziwe nganizyo zyetu, naga chituwe pamuzi au kwakutalika twazengwazye welewo. ¹⁰ Pakuti itulamwile tuoneche paujo pa chitengu cha malamuzi cha kilisto kuti mundu akombekle kupochela chechila chachili chao chila mundu kwa indu yaipaganyizye nchiyilu mwao nanga chambone au ngawa chambone. ¹¹ Kwayele, kwa umanyilizi wa ujogoye wa ambuje tukwachondelela wandu yatutite kuwa ikuloteka pangwelengwelende na akunnungu, ngukulupilila kuti ikumunyika zoni mmitima mwenu. ¹² Ngatukulinga kunchondelela mmwanya zoni kutyolela uwe mpela tukuwecheta yaili izyene pamepakwe tukunpa mwanya mate gakuliona ligongo lyetuwe, kuti nkombole cha kwangu ni wanyao wakulindichia kwawajila kwao yakuwala nambo ngawa yaili nkati mwamitima jao. ¹³ Pakuti naga tuwele wamazoka zoni tuwele wanga malango, yele yozepe tuwele ligongo lya akunnungu ninaga tukwete malango gagakwanile tuwele ligongo lyenu. ¹⁴ Pakutipala unonyeleo wa kilisto ukutukanichizya liogongo tukakwanile payii kuti mundu jumo jwawile ligongo lyetu woze ni kwa yele wozepe awile. ¹⁵ Ni kilisto wawile ligongo lyetu weoze kuti wanyawala wakutama akatama zoni ligongo lyao achinzyene nambo akuzachiwa kutama ligongo lyao wele wa wawile ni wazyuchile. ¹⁶ Kwa aga matega, kutandilila zano ni kwendeleche ngatukunnamula mundu kwa kulandana ni undu wao pakuwa pundapala twalolete kilisto mu aji haliji nambo zano ngatukunnamila mandu jwajulijoze kwaji haliji zoni. ¹⁷ Kwayele, naga mundu jwalijoze ali munkati mwa che yesu kilisto, wele chawe apanganikwiche wampe indu ya kalakala ipite, nnole, iwele yampya. ¹⁸ Indu yozeyi ikutyochela kwa akunnungu, watujilenye uweji kukwao azyene kwambaga kilisto, na atupele mazengo gakwajilanya wandu. ¹⁹ Pele ni kuti mukilisto, akunnungu chachijilanya chilambo kukwao azyene, ngakwakuwalanga ulemwa wao azalazye kukwetu ntenga wa kwilanya. ²⁰ Kwayele atuzangwile uwe tuwe wanda watukupanganya mazengo mwakatendele che yesu kilisto, mpela akunnungu waliji wakupanganya yangani komboleka kwine kwambaga uwe tukunchondelela mmwanya ligongo lya kilisto anjilanye na akunnungu!'' ²¹ Watezile kilisto awe mbopezi lya zambi zyetu wele waali ngna zambi watezile yele kuti tuoneche uweji wangali chilewi paujo pa akunnungu kwambaga mucheyesu.