¹ Achikapolo wose akwajilwa kwachimbichisya kwano achakulu wao kuti akapagwa mundu jwa kwatukula akunnungu ni kaugakana majiganyo getu. ² Nombe achikapolo ni achakulu wao wakukulipila akasawanyosya pakuwa ali achalongo achinjau pakuwa nombewo mmasengo ga wakilisto wakwanonyela gelego. ³ Mundu jwalijose ajiganyaga majiganyo gagakupisyangana ni aga ngakugakunda malowe ga usyene ga ambuje wetu che yesu atamuno majiganyo ga kutama kwanonyelesya akunnungu. ⁴ Jwelejo kuligamba ni jwangachimanyilila chachili chose jwele ali gangalimate gagakwikanawo wiu ni ngondo ni kutukana pane tama syangalumbana. ⁵ Ni ukangani wangali kutyochela kwa wandu wasalele mmitima jao wangali usyesyene wakuganichisya akunnungu lili litala lya kulipatila chipanje.'' ⁶ Isyene kwatumichila akunnungu ngakukuntenda mundu awejwachipanje iwaga mundu inkwanile indu yalinayo. ⁷ Pakuwa nganitiuka ni chindu mu chilambo munonamuno ngatutyoka ni chindu mu chilambo muno. ⁸ Nipele iwaga tukwete yakulya ni yakuwala yeleyo ikutukwana. ⁹ Nambo wele wakusaka kusichila wo akugwa mu yakulinjikwa ni kutanjila mu chitanji cha tama syasijinji syangalumbana syasikwautila wandu mu kukongolola ni chiwa. ¹⁰ Pakuwa kujinonyela kwannope mbuja jili ndande jaungalumbana wose wandu wajinji asachile kwanokolo mbuja kwayele kupeteka kwakukulungwa. ¹¹ Nambo mmwe mundu jwa akunnungu nlisepusye nlisepuisye yeleyo nsinse kuwa wambone paujo pa akunnungu chikulupi ni unonyelo ni upililiu ni kul;itimalika. ¹² Mmeje jwakupunda mu kumenyanila lilowe lyambeno lya chikulupi nkakola umi wa mowa gose pangali mbesi uwammilanjile katema pamwajilichisye paujo pa wandu wz umboni wajinji. ¹³ Ngunnajisya paujo pa akunnungu wakwuitenda indu yose uwe yejuni ni paujo pa yesu kilisto uwawalasiche usyene paujo pa pintio pilato. ¹⁴ Kuti nlikamulichisye lilajisyo chikulendekwa pa kutema kukasachilwa ni akunnungu che yesu kilisto. ¹⁵ Kuuja kwake chikulendekwe pa katema kakasachilwa kakawichikwe ni akunnungu jwakulapikwa ni jwakulongosya ni mwenye jwa mamwenye ni ambuje wa nachambuje. ¹⁶ Welewo pe ni wskukombola kutama mowa gose panga nombe akutama palilanguka kwantiu mundu walijose ngapakombola kuwandichila ni ngapagwa kwaoone pangali mbesi. ¹⁷ Mwasalile waali wachipanje mu chilambo chasambano chino kuti akalifuna atamuno akasachilwa nambo wakulupilile akunnungu wakutupa indu yose mkuchuluya kuti lukulo mu yele. ¹⁸ Mwasalile atende yambone atende isambo yejinji yambone awe wandu wakwakamusya wandu kwa ntima wambone ni utame kwagawila wandu ipanje yao. ¹⁹ Kwa kutenda yele chikunkamusye kukola chipanje mu umi waukwika yaani umi usyene mpela ila mundu jwakulikumbila indu yejinji kuti yakamusye mmowa gagakwika. ²⁰ Che Timoseo choonde ngose aila imwapenmgwile nlisepusye ni iwecheto ya wamba ni ukangani wangalumabana yaikuwilanjikwa ni wandu wane umanyilisi. ²¹ Pakuwa wandu wane akuliwona akwete umanyilisi wo, ni kwakutenda yeleyo alesile kutena yaikuwajilwa kutenda mu chikulupi cho wa akunnungu uwe kukwenu.