¹ Omulwecho bhanyabhuzale bhange,abhindikwegomba abhebhisemelelwa na abhetaji yange .Mwemelele mugume omuli mkama katonda imwe bhanywani abhindikwenda. ² Ninkulamiliza iwe Eudia,ninkusabha iwe Sintike,mugalule obhumwe bwomutekano ahalimwe olwokubha imwemwena bhabhili mkakwatana na Mungu. ³ Kugamba amazima mbalamiliza kandi imwe abhakozi bhatahi bange mubambe abha abhakazi,olwokubha bhakakola hamwe nainye akulangilila ekigambo chomukama tukabha tulina nakilementi nahamwe nabo amazina gabo gahandikilwe omukitabho chobhuzima. ⁴ Ahamukama ebhilobyona kandi ndagamba semelelwa. ⁵ Okutina kwanyu kumanyikane ahabhantu bhona.omukama alihaihi. ⁶ Mtakweyita kubhi ahakigambo chonachona,bhambu mukole ebhintu byanyu byona ahamuhanda gwo kusabha nokusoma nokusima.nebhimulikwegomba kwanyu kumanyikane ahali Mungu. ⁷ Ahonu omutera gwo mukama elimpango kusaga obhumanyi bona,etulinde emiganya nebhitekelezo byanyu ahakukwaswa Kristo Yesu. ⁸ Kandi bhanyabhuzale bange,msobhokelwe muno ebhigambo byona ebyamaziama, ekitinwa,ekisanile ,okwela,obwenzi,nabhilinya ebhilagilwe kuzima eyamagezi hamwe nabhilinya ebhilikwetagwa kusimwa. ⁹ Mubhigoibheseleze ebhiagambo bhilinya ebhimweyegesize,okumwakila,okumuhulila,nabhilinya ebhimwabhoine halinya na tata waitu owomutekano alabha naimwe. ¹⁰ Nyine ebhisemelelwa bhihango muno aha nsonga yanyu,ahabwomukama olwokubha imwe mwabhonesa kandi,ekihika kwetashamu ebyetago byange kugamba amazima aho obwambele mkegomba kubwetaho ahalwensonga yametago ganye,kugamba amazima ahoobwambele mkegomaba kunyetaho ahametago gange nubhu mutolane akanya kokunyamba. ¹¹ Tindikugamaba intyo inti ninyebhonela enkitu chametago gange, olwokubha nyiyegesize kwikiliza byona. ¹² Nimanya kutula ahamwanya gwokukehelelwa nakandi nanakanya kokubha nabhingi akanya kona aga inyeyegesize ensonga yokulya omukanya kukuhaga nakokulya akanya kenzala nanokwetaga. ¹³ Ninsobhola kukola kindikusobhozwa nawenyini alikuntamu amani,naho mukakolage kubha hamwe . ¹⁴ Nainye omwifya lyange. ¹⁵ Imwe bhafilipi nimumanyab ahambanzo yokulagila ahinaruga makedonia tihaliho ekelezia eyanyambile ahansonga yebhintu ebhikwasile ahakutanga nokwakila imwe mwenka. ¹⁶ Norunabhaile Thesalonike imwe mkanagila okwambwa muno limwelimwe ahansonga yametago gange. ¹⁷ Tinkumanyakwihaho okwambwa.Chonka ningamba chonka mubhone ebhilabha labhaletela efaida ahalimwe. ¹⁸ Nayakila ebhintu bhona nabwenu naizuzwa ebhintu bhingi nayakila ebhintu byanyu kuruga owa Eafrodito.Nebhintu bhizima ebyakanamilo omugani gwebhizima ebhilikwikilizwa nabhyona ebhigemulo ebhilikusemeleza Mungu. ¹⁹ Ahansonga yebyo Mungu wange alabhaizuza ametago ganyu ahabhutungi ahansimwe yawenyini ahaliyesu Kristo. ²⁰ Mbwenu ahali Mungu na tata waitu lebha ensime ila na ilalyona Amina. ²¹ Ekisulo change kimhikile bhuli mwesige ahali Kristo Yesu bhanyazale abhinyine aha nibhashasula. ²² Kandi abhesige bhona aha nibhasula nkabhalinya abhali omuka ya Kaisali. ²³ Nabwenu omugisa gwomukama waitu Yesu Kristo ebhe nemyoyo yanyu.