¹ Bwene waitu,tibhaingi bhanyu abhakwendebhwa kwegesa ,omukanya kubha nitiza kwakila obulamuzi bhuhango. ² Olwokubha twena nitukosa ahamihanda mingi.Lwokubha wena wena tasobhola kwekuma ahabhigambo bhya wenini ogwo nomuntu wokwesiga asobhora kuhambiza omubhili gwa weninigwona. ³ Mbwenu katulabha nituta elijamu ze farasi omkanwa kabho nibhatwikiliza kandi nitusobhola kuzihindula emibhili zabho zona. ⁴ Kandi tumanye kubha emeli,ni mpango nahonesindikwa nanomuyaga mwingi nizigendeswa ahamsumari bhuke muno kugenda hona hona aharikwenda nahonda. ⁵ Otwo nini olulimi nekiungoi kile ahamubhili chonka lwesingiza bhihango muno. Olebhe ekisaka kihango okukikusobhorwa kuhemba ahansasi inke ezomulilo! ⁶ Kandi nululimi nomulilo lutilwe omunsi ya amabhi lutilwe hamwe naneebhiungo byomubhili gwaitu, kandi lubhita ahaigulu yomulilo omuhanda gwobhyikazi,kandi nibhunini bhochwa omulilo gwo kuzimu. ⁷ Bhuli nyamaiswa yomwilugu,enyonyi,ebhilikwazura kandi nebhihangewa byomunyanza nibhilebhelelwa na abhanadamu. ⁸ Chonka tihariho omwanadamu nanomwe eyakusobhola kuhambiza olulimi, nobhibhi obhutalikutekana luizwile esumu yokufesa. ⁹ Ahalilimi nitumusinguza Ruhanga na Tata waitu ahalwecho nitubhala abhantu abhahangilwe nksuso ya Mungu. ¹⁰ Ahamunwa ogwonini hagabwa ebhigamba byo omugisa kandi bhyokulama Bhene waitu ebhintu ebhi tibhikwendebywa. ¹¹ Naho echambu kimwe chakasobhola kuleta amaizi galikunura kandi agalikusalila ? ¹² Bbene waitu,naho omuti gwomtini gwakasobhola kuzala amatunda gomuzaituni angu ensoro yamaizi gomwonyo gakalekaho kuleta amaizi gomwoyo. ¹³ Noha omulimwe aine ebhitekelezo bhizima nanokumanya? aho omntu ogwo abhonese obhukozi bhuzima ahamilimo elikulugilana nobhutinwa kandi nebhitekelezo bhizima. ¹⁴ Chonka kamulabha mwine ibhubha lihango kandi nokwenda kubyesubhaho omumyoyo yanyu, mtakwesingiza nikogamba ebhisubha ahakwanga mazima. ¹⁵ Ebhi tibhitekelezo bhizima ebhilikuhabhuka kuruga omwiguru kandi ahalwecho nebyensi tigwamwoyo aha kandi nogwekiyaga. ¹⁶ Ahalwokubha ahainr ibhubha kandi nobhubinasi bhuliho, haliho okusisibhwa male kandi ebhikolwa bhibhi. ¹⁷ Na kandi ebhikolwa bhizima ebhiruga omwiguru echambele nibhizima male bhyena emilembe,okwetonda kandi obhenzi obhizwile obhuganyizi kandi amatunda mazima,hataliho kulebhelena ahabhantu bhaliya nabhamazima. ¹⁸ Kandi itunda lya mazim a lyendwa ahaine emilembe ahali waliya abhalikukora ebhintu bhyemilembe.