¹ Otamuhambiza omusaiza mukulu.omusimbye omuganya nka tata yawe.Obhatemu omuganya abhasigazi abhozo ahakubha nabhanyaruganda bhawe. ² Obhasimbye omuganya abhakazi bhakuru nkambamaha waitu,na bhakazi abhasigazi nka bhakuru bhaitu aha kwechuma bhona. ³ Obhahe ekitinwa abhafyelilwe abhasaiza,bhalinya abhatarafelilwe abhasaiza na mazima. ⁴ Chonka nkaho ayafelilwe omsaiza aine abhana na abhaizukuru obhaleke kwanza bhaiyegese kweleka ekitinwa ahabhantu bhomuka owabho bhonyini.obhaleke bhabhalihe abhazaile bhabho aha ebhizima,ahakubha nemusemeleza imumaiso ya Mungu. ⁵ Chonka ayafelilwe omusaiza amazima nolinya alekilwe wenka.Nawe akataho obwesige bwa wenyini owa Mungu.Ebhilo bhona kulana ahansonga yo kusabha ekilo nomusana. ⁶ Aha lyecho,omukazi oliya akabha naikala ne ebhibhi akafya, ingawa akabha achili hai. ⁷ Olangilile ebhi ebhigambo ahakubha bhatagira emilamo. ⁸ Olwokubha omuntu kalabha atabhatungile abhanyarugandabhe, nkabho bhalinya abhalyomuka omwawenini,ayayangile okwesiga ogwo niwe mubhi kukila abhantu abhataikuhamini. ⁹ Aha lyecho omukazi ahandikiswe omumustari nkomufelwa aine olugano olutaikupungua emyaka,olukaga, noha imukazi womsaizaomwe. ¹⁰ Abhenamanyikana ahakukola ebhizima, ahaolwokubha nabhesiga abhana,yabhaile omusaniwa abhagenyi,aho yayongize amaguru gabyekwesiga, au likabha saidia bhalinya abhakabha nibhateswa, aha akaitoa ahamilimo yonayona emizima. ¹¹ Chonka ahalibhalinya abhafelilwe bhachali abhasigazi,yanga kuhandikiswa orubhalo lwa abhafelwa. Ahakubha kibheikutaha omukwegomba emibhili ahamubhili Kristo nibhenda kwimulwa. ¹² Ahamuhanda ogu kutaha omubhumanyiso bwokuhenda nokweyihamu aha mbandiso. ¹³ Nanaho bhataha aha ahabhimanyilo byo ubhunafu.Abho bhazunguka omuka nomuka, tiahansonga nabhanafu ila bhabha abhanyaigani nabhokutahilila embintu byabhandi.Nabho bhagamba ebhintu bhitakubhasanile kubhigamba. ¹⁴ Aha lyobho inye ninyenda abhakazi bhasigazi bhaimulwe,bhazale abhana,bhaimelele enzu zabho obhutabhaha abhabhi omwanya gwokutusitaka ahakukola ebhibhi. ¹⁵ Olwokubha abhandi bhabho bhamugeukile shetani. ¹⁶ Nko omukazi wenawena akwikilizaaine nfakazi,chonka abhaganyile, ili ekelezia esemelelwe, ili lisombole kubhasaidia bhalinya abhalyefyakale namaziam. ¹⁷ Abhazehe abhaikutawala kuzima bhabhalwe ahakubha bhasanile ekitinwa ebhisagile,nka bhalinya abhakweshugulisha nokwegesa ekigambo cha Mungu. ¹⁸ Aha kubha ebhihandiko nibhigamba otagikwata ente omunwa kelikubha nelya,'' No'' mukozi asanile kuhebwa omushahara gwawenini.'' ¹⁹ Otayakila amashitaka ahali abhazehe bhabwe bhaliho abhajuliza bhabhili nangu bhasatu. ²⁰ Bhahane abhakosize embele za abhantu bhona ila abhandi abhasigile hamwe bhalatina. ²¹ Ninkutuma ahabwenzi embele za Mungu, nembele za Kristo Yesu na malaika abhateuliwe, ahakubha otunze ebhilagano ebhi hatabhaho obhubalebhelano byona byona,nokukola ekigambo chonachona ahabhuendeleo. ²² Otamutelaho omuntu wenawena emikono bhwangu.Otayehusisha nebhibhi nomuntu oundi.Nolagilwa okwekwatage iwenyini obhe musafi. ²³ Tokuashwa kunywa amaizi wenka,ekilakulatilaho, onye mvinyo kake,ahalwokubha ibhunda ne ndwala yawe ya bhulikilo. ²⁴ Amafu gha abhantu fuarani galamanyikana bila bhweseleke nagaibhembela ehukumu na baadhi yamafu gataiza ahanyuma. ²⁵ Ahalyebhonyini ahamilimo mizima hamanyikananka ahalikuhweza,chonka ebhindi tibhilyeseleka.