¹ Engambo egi nayamazima:Omuntu kalayenda kubha omwemelezi, nayenda omulimo muzima. ² Ahalwecho omwemelezi talikwetaga agile elawama.Nayetagwa abha omusaiza womukazi omwe.Nayetagwa ayetonde,amagezi,alikwekesha,nombuula.Kandi nayetagwa amanye kwegesa. ³ Atakubha nanywa akintu chokutamiza atalwana, abhe owekwesha nalikutekana atakubha wokwenda amahela. ⁴ Neyetagwa kwemelela kuzima abhantu nomukaye na abhanabhe bhamuhe ekitinwa nokumuhilikiza. ⁵ Omuntu kalikubha atalikumanya kubhemelela abhantu bhomukaye Ekelezia ya Mungu alagilela ata? ⁶ Atakubha nomugenyi omulyelyo kelezia akabanza kwebhona akalamulwa nkomusisi. ⁷ Nayetagwa abhe aine engeso nzima. ⁸ Nomubhantu bhona abhahelu atakwiza akasonehala nomutego gwobhubhi. ⁹ Mashemasi nabho nibhtagwa kuhabwa ekitinwa bhatakubha nendimi ibhili. Bhatakunywa muno ekintu chona chona chokutamiza anga kugila emyefuzo etalimizima. ¹⁰ Bhabhe bhalebhilwe emiganya yabho kukola ekigambo cha Mungu jolwokubha tibhaine lawama. ¹¹ Nabhakazi nabho bhabhe bhaine ekitinwa.Bhatabha abhabhihi bhebhisubha bhabhe batekaine bhalikwesigwa ahabhintu byona. ¹² Mashemasi nibhetagwa bhabhe bhaine omukazi nomwe omwe.Nibwetagwa kwemelela kuzima abhaba nabho na abhalikuwikala nabho. ¹³ Olwokubha abhalikukola kuzima bhaikala kuzima nobhumanzi bhuhano omubhwemezi bwa Yesu Kristo. ¹⁴ Ninkuhandikila ebhigambo ebhi ninyenda kwiza owawe omulyebhi bhilo. ¹⁵ Kandi kinda kelelelwa nimandika omanye okwolakola omunzu ya Mungu olwokubha nekelezia ya Mungu alibwoli enkingi yamazima gokuzuna.