¹ Tuhulile emola haine obhufu omulimwe,na obhufu obhutalimo omubhantu abhensi yona twine empola omulimwe bhanyu nalyama na mukatata wawenini. ² Naimwe mwasima?Aha kubha nentimba?Ogwo ayakozile otyo nayendelwa kwibhwamu omulimwe bwanyu. ³ Olwokubha tindihamwe naimwe ahabhubhili naho ndihamwe naimwe ahamuganya,namazile kuhasa wenini ayakozile oti,nka hinkabha ndiho. ⁴ Ahimukutelana hamwe aha izina lya mukama waitu yesu,na nomuganya gwange guliho aha nka ahamani ga mukama waitu yesu, anamazile kumuhasa omuntu ogu. ⁵ Namazile kumuhikiliza omuntu ogu omubhisa ensonga obhubhili bwe bhusimwe,ahakubha omwoyo gwa wenini gusobholwe kulokolwa aha kilo cha mukama ⁶ Okwesingiza kwanyu tekintu kizima.Timulikumanya kusankalala kake nihasisa ekintu kihango? ⁷ Mwiyoze imwe bhenyewe obhusankalazi bwakale, naho mubhe ekintu kishasha, mubhe omukate ogutasankalaile.Ahakubha Kristo omwana we ntama waitu wa pasaka yabhagilwe. ⁸ Aha lyecho tushangilie obhugenyi hatakubha ahabhusankalazi bwa kale,obhusankalasibwe ngeso mbi nanebhibhi. Baada yaho tushangiliye nanemikate etalilweho obhusankalazi bwe okwekesha na nohuzima. ⁹ Nkahandika aha bharuha yange oti mtakwichanganya na abhasihani. ¹⁰ Tikubha abhasihani bhe ensi eyi au abhokwigomba,au abhalikwaka,au abhalikusabha ebhisusaniaha kwikala hale nabho,otyo yokakozile muluge omunsi. ¹¹ Naho mbwenu,nimbahandikila mutakwichanganya na wenawena alikwetwa munyanyazi au mukulu wange ahali Kristu,naho natula ahabhusihani au oliya alikwigomba au omwaki, au alikusabha ebhisusani,au alikuzumangana,au omutamile.Kandi mutadya nawe omuntu owotyo. ¹² Aha lyecho ndaitashamu kubha hasa abhali aheru ye kelezia?Ebadala yaho imwe timulabhahasize abhandyo munda ye kelezia? ¹³ Naho, Mungu nabhahasa obhundya ahelu ''Mumwiheho omuntu mubhi omulimwe bhanyu''