¹ Uyesu wawapozya kainji wati ''izyawene naawapozya wakwali awandu epa, wene watakalufwa paka wize wawuwone uwu mweene wa muungu peen wizile ku- maka.'' ² Pene zyapita 'isiku sita, uyesu wansendile upetelo nu yakbo nu yoana wawala nao ku-citunda ichitani wadyumwi uko uyesu wagaluka isula yakwe pa-miso yao. ³ Imyenda yakwe yanzya kukwakka ichisini yawa imyelu kutakola unkandamyenda uwa paweleli yene angawezya kuvikanda iyelupe wulo. ⁴ Uyelila nu musa awilagu awa kali awa mulungu, wawafumila watela nu yesu. ⁵ Upetelo wampozya uyesu wati, ''ndanganizyi ivinonu usweswe tuwe papa. tuzyenge ingabi zitalu idimwi iwe iya ku-luwewe ni yinji iwe iyaka mwa, ni iyinji iwe iyaka yeliya.'' ⁶ Alinge atamana ichatela vino umwene papamwi na amyao watimile ichisini. ⁷ Pine epo ikumi dyawizila dyawakupikila. nilungu dyafumila mwi-kumbi idyo dyatela dyati, ''uyu umwanane yene ntongwile mumwivwe mwene.'' ⁸ Pine papo, aemba ew watelenganya ukunuko, watawine undu uwinji ngani uyesu adyumwi. ⁹ Pene alinge wakwika icitunda uyesu wawalesha kukuti watapozye undu yyosi yene yene wayaona watampozye undu yoyosi yene wayaona ku-citundapaa pene umwana wa ndu ngi wiz wayuka kufuma kufwile . ¹⁰ Ahemba ewo waalilema ilagilizyo idyo poshe ulo waanzya kukwiwilikisha akala waati, kuzyuka kufuma kufwile kwene kukuti wuni'' ¹¹ Wambwilikisha uyesu waati, ''kuchiyi alanga nizyi wa masunde ya musa wakuti imavwa mbiwa umbwilagu uyeliya ayise tamula pine ukilistu ayize? ¹² Nape wawapozya izyamwene uyeliya ayizile tamula kulinganya yosi papamwi na wuti ku-ciyi amandiko aya citimbano yakuti mwana wa ndu apata amagayo amainji na kubyedwa? ¹³ Epa, ichongo imbapozye uyeliya wiza na wene waandongelile amawi changati vino walinge wavwamba cangti vino wandikiwe.'' ¹⁴ Uyesu,papamwi na ahemba ewo watatu pene wafika kwa ahemba awanji wawie iwungano ikulu idya wandu dyawapilima alagnanizyo awa masunde ya musa walinge wabazana na ahemba ewo. ¹⁵ Ichikalashe awandu ewo pene wambona uyesu wosi waakasamile icisini wancimbilila wandamka. ¹⁶ uyesu wawawilikisha wati, 'mubazana chivinewo?'' ¹⁷ Epo undu yumi pi-iwungano idya wandu ewo wampozya wati, ''ndaganizyi nindetile umwanane kukwako ali ni zimu dyene likumbika kukuwa ububu. ¹⁸ Ngi pene dyandema likumwisha pa-si amakwanzya kufunya itatafulo mu-ndimo na kusola amino na kukalilila umbili wosi imbalengile aemba wako walifunye izim idyo wapotwa. ¹⁹ Uyesu wawapozya ween wandu mwemwe, wene muli isambo ili wene mutanzumila! ngwikala namwi paka lusiku ci? nguwalolekesha paka lusiku chi?indetu uuwmana uyo ku-kwane.'' ²⁰ Wantwala umwana uyo isambo lilo izimu pene dyambona uyesu, dyandamba ni cifufumi umwana uyo, wawa pa-si wagalagata wanzya kufunya iytatafulo mundomo. ²¹ Uyesu wambwilikisha ise wa mwana uyo wati, ''amagayo eya yamwanzizye lusiku ci?'' ise wa mwana watela, ''kufuma ucheche wakwe. ²² Izimu idyo likumbwishaya dyawila mundilo na mu-mazi ngani linkomange ngi uli na maka ayalonga cochosi nalenga utuwonele ingumbu utwavwe.'' ²³ Uyesu wawapozya, ''ngi ndili na amaka! yosi yangalongekwa kwa ndu yene amakunzumila umulungu.'' ²⁴ Pine papoise dya mwana uyo, wampozya kwilingu wati, nazumila poshe ulo uzumilo dyane itit nunavwe nzumil ichisini.'' ²⁵ Uyesu pene awona iwungano dya wandu linyama ichikalakashe walipalipa izimu idyo iwi walipozya wee izimu wewe yeen umakumbika umwana uyu kukuwa ubub nu mapula nakupozya kuuti fum kwa mwana utamwinjile kalinji.'' ²⁶ Eepo, izimu idyo dyalamba ichongo dyanjinganya ichisini dyamfuma umwana uyo wawa changati wafwa, paka awandu wamwi walinge wakuti, ''wafwa.'' ²⁷ uyesu wandewa umwan uyo unkono wamwi nula nape wimilila. ²⁸ Uyesu na ahemba wakwe pene winjila inumba ahemba wakwe wambwilikisha ku-mbelo wati kuchiyi uswesew tupotwidwe kulifunya izimu lila?'' ²⁹ Uyesu wawapozya wati, ''izimu idya wulitaga lifume paka kukundenga umulugnu.'' ³⁰ Uyesu na ahemba wawukile epo waapiya pakasi yi ikumbo dya galilaya uyesu alinge tatongwa awandu wamane kukuti ali uko. ³¹ Vino alinge amawalanganozya ahemba wakwewaapozizye wuli, unene yene na mwana wa nduwazu ndawala ku-wandu wee wangomangi nanga ulo siku iya utatu kufuma kukufwa kwane, ndilizyuke. ³² Ahemba wakwe walinge wataimana imbola yene aling amatela watina kukumbwilikisha. ³³ Uyesu na aemba wakwe waafikile ku-kaya iya kaelanaumu pene winjila inumba wawailikisha wati, iza mukwiyangula chiyi i-nzila?'' ³⁴ Ahemba wakwe winala mya, vino pene walinge wali i-nzali walinge wakwiyangula akala wakuti unanu unkulu kupiti wosi. ³⁵ Uyesu wikala oa-si wawita ahemba wakwe ikumi na wawil waapozya wati, ''undu yuna amavwamba awe unkulu ku-wosi amavwambiwa awe pasi ya wosi na kukuwa uchilonelo wa wosi.'' ³⁶ Pine wansenda umwana unti wamwimilikapa-kasi wankukula wawapozya wati, ³⁷ ''Undu yoyosi yene mkuntengana umwana changati uy kwi-tawa dyane amandangana unene nuundu yene amandengana unene, atandengana unene ndyumwi. izyamwene, amakuntengana umulungu yene andumile.'' ³⁸ Uyohana wampozya uysu wati, ndaganizyi tumbwine undu yumwi amafunya amazimu kwitaw dyake twayozya kukundesha vine atakole zyanya naswi. ³⁹ Uyesu atela wati, ''mutandesha vno kutakola undu yeen nagwezya kulonga amayele kwi tawa dyane kalinji ayanzye kundela iviwi. ⁴⁰ Undu una ataupingaanya uyo ali papamwi naswi. ⁴¹ Undu yoyos yene awapa umwemwe ichikombe icha mazi iya mwela vio umwemwe mwa wandu wa ilistu izamwene nawapozya alitangane indupwa yakwe. ⁴² Undu yoyosi yene amaletelezya adyuwi uwa wana ewa wene wanzumilile alonge amawi amagayo yakwe yaliwe aminji ichisini ngi yanwa ivinonu ku-kwakwe kunyeowa iwe idya hil insini na kuknwiwizya i-ndukuwa. ⁴³ Unono wako ngi ukuletelezya kulonga amawi uwuputule! ivinnu kukwinjila ku puma nuku utakola unkono adyuwi kupita kukwinjila mundilo wa nyani wene utazimaya poshe kache nuku uli nu mikono wili. ⁴⁴ ( Umo muli ing'onyo zyene zikudya imimbili yako kainji zitafwizya n ndilo wakwe utazimaya poshe kache ). ⁴⁵ Ni chinama chako ngi cikuletelezya kulonga amawi chipitule ivinonu kukwinjila kupuma nuku uli ni chilema icha cinama chimwi kupia kukuwa na amanama yawili na kusuba mu-ndio uwa nyanji wene wutazimaya poshe kache. ⁴⁶ Umo muli ung'onyo zyene zikudya imimbili yao kalinji zitafwizaya nu ndilo wakwe wutazimaya pose kache. ⁴⁷ Ni iliso dyako ngi likuletelezya kulonga amawi likumbuleivinonu kukwinjilakuwumweene wa mulungu nuku uli n isongo kupia kukuwa na miso yawili na kusumbwa mu-ndilo uwa nyanji. ⁴⁸ Umo muli in'onyo zyene zikudya imimbili yao kalinji zitafwzaya nu-ndilo wakwe wutazimaya poshe kache. ⁴⁹ Umulunguakumwelufya chilandu na amagayo yene yifwine nu ndiolo canagti awandu vino wakwelufyayay indupo nu munu. ⁵⁰ Umunu unonu poshe ulongi waluwangika unonu wakwe mungaponya chindu ci uleek wukole kalinji? namwi muwe changti umunu wene wukola, mwikale kwi-ieko na aminu.''