¹ Ichitabu icha lukodwa yesu ukilisitu umwana wa daudi, umwana wa ibrahimu. ² Ibrahimu alinge utayi wa isaka, nu isaka utayi wa yakobo nu yakobo utayi wa yuda na aluko dwakwe. ³ Uyuda alinge atayi wa peresi nu sera kwa tamari, uperesi utayi wa Hezeroni, nu hezeroni, utayi wa Ramu. ⁴ Uramu alinge utayi wa aminadabu aminadabu utayi wa nashoni nu nashoni utayi wa salimoni. ⁵ Usalimoni alinge utayi wa Boazi kwa Rahabu, uboazi utayi wa obedi kwa Ruthu obedi utayi wa yesu. ⁶ Uyesu alinge utayi wa mweene udaudi. Udaudi alinge utayi wa selemani kwa nchima wa Uria ⁷ Uselemani alinge utayi wa Rehoboamu, Rehoboamu utayi wa Abiya, Abiya wa Asa. ⁸ UAsaalingeutayiwa yeshofati. uyeshofati utayi wa yoramu, nu yoramu utayi wa uzai. ⁹ Uzia alinge utayi wa yothamu, uyothamu utayi wa ahazi, aazi utayi wa Hezekia. ¹⁰ Uhezekia alige utayi wa Manase, UManase Utayi wa Manase, UManase Utayi wa Amoni nu Amoni utayi wa Yosia. ¹¹ UYosia alinge utayi wa Yekonia na kali wakwe pene alinge wasendiwa kuwala ku-Babeli. ¹² Na pine wasendiwe kuwala ku-Babeli, uYekonia alinge utayi wa shetieli. ushetiel alinge usakulu dywake nu Zerubabeli. ¹³ Uzerubabeli alinge utayi wa abiudi abiudi utayi wa Eliakimu, nu Eliakimu utayi wa Azori. ¹⁴ Azori alinge utayi wa Zadoki, uZadoki utayi wa Akim, nu Akimu utayi wa Eliudi. ¹⁵ Eliudi alinge utayi wa Elieza, Elieza utayi wa matani nu Matani utayi wa Yakobo. ¹⁶ UYakobo alinge utayi wa Isufu undume wa wa Mliyamu yene kulumwene uyesu waleliwe yene wakwitwa ukilisitu. ¹⁷ Ivilelo ikumi na zini kufuma UDaudi mpaka kusendiwa kuwala u-Babeli ivilelo ikumi na vini na kufuma kusendiwa kuwala ku-babeli mpaka ukilisitu ivilelo ikumi na vini. ¹⁸ Kuleliwa kwa yesu ukilistu alinge kuli uli uninakwe umariyamu wakundiwe nu uisufu pine warakme ngana waonike kukuti ali pauzito kumaka ya moyo wachitimbano. ¹⁹ Undumyakwe uisufu alinge undu unonu alinge atatongwa kukuoa iyazi pacazalila wamwiwe kulileka ikunde dyakwe chimyamya. ²⁰ Pine alinge wakwelenganya ey, umalaika wa Tayi wamfumilile ku mloto, watela ''Yusufu mwana wa Daudi, utatine kukunsenda Umariyamu changati unyumbako, vine inda yeneasendele, asendile ku-maka moyo uwachitibano. ²¹ Akwifungula umwana uwacilume na ukumwita itawadyakwe uyesu vine aliwapuushe awandu wakwe ni imbi zyao.'' ²² Eya yosi yafumilile kutimizwa chila chene chapangiwe nu Tayi ku zila iyaawilagu watela, ²³ ''Lola unsungu asenda uzito na kulela umwana uwachlume, na wakumwita itawa dyakwe umanweli''- kwene kukuti uMulungu papamwi naswi.'' ²⁴ UYusufu walangizye kufuma kutulo na kulonga changati vine umalaika wa tayi wampozya na wansendile changati unchimakwe. ²⁵ Nanga ulo alige atbna nakwe mpaka pine wavyeyuka umwana wachilumena wamwitile itawa dyakwe UYesu.