¹ Nangu ulo, mwanitu wachitembano, akome ngano awadwito uwakwiwelelo, mwelenganye Uyesu uhamba nakumalizya unkali na kuzumila kwitu. ² Alinge alinizumilo kwa Mulubgu wine atewile, na vino ulo u Musa vine ali ni zumilo inumba yosi iya ka Mulungu. ³ Kukuwa u Yesu awaiyizwe kukulwa ni shima ikulu kupita line alinga alinudyo u Musa, na nguloyula wine wazyenga inumba wawazywa kukuvwa nishima ikulu kuupita inumba ingala. ⁴ Changati ulo chila numba yazyengiwa nundu yumwi, na ngulo yula wine wazyenga chila chindu Umulungu. ⁵ Nanga ulo u Musa alinge alinizumilo changati undonga milimo kunumba yosi iya ka Mulungu, angawafunya amashuda kumbola zine ziliteliwe fumbele. ⁶ Nangulo u Kiristu umwana uwakwimililila inumba ya Mulungu. Usweswe twanumba yakwe nanga tulemelela ichikalakashe na kukwiamini na adumbe wakwikalakasha. ⁷ Nangu ulo, changati u Toho uwa chitimbalo abezile,'' Ilelo, nanga ukwivwa ilingu dyakwe, ⁸ Utauwike umoyo wako kukuwa unkangu changati aizilaeli vine wawikile uuwi, naga vine wayozyiwe inyika. ⁹ Huu wine isambo dyine ataji witu wanjonjile nuuwi, na kwisambo, ku myaka arobaini wa wine imbola yane. ¹⁰ Nangu ulo alinge ndasekela ulelo hulo.Nalezile watyega kawili mmyo yao, nawatamana izila zane. ¹¹ Na vila vine nalapile kwikuo dyyane, wataka kwinjila isekelo dyane.'' ¹² Muwe mwatekamu, wanawike ngani utawe nu moyo undongopi uwakuto kukumwivwa chilando umoyo wine uwala kuutani nu Mulungu wine upuma. ¹³ Nanga ulo, mwiponye chila lusiku adyumwi nu uwamyao, chila ine yakwitiwa ilelo mulumwe, ngani adyumwi inu atawikiwe kukuwa unkana unkangu kulongofi wambi. ¹⁴ Nangu ulo twawa swahemba wa Kristu tukuwa twilema na upamwi witu kumaka kupitila umwene kufuma kuwandilo nu sililo. ¹⁵ Kulili dyateliwa, ''Ilelo anga mukwivwa ilingu dyakwe, mutawike imoyo yinu kukuwa imikangu changati aizilaeli vine wawikila umwi.'' ¹⁶ Ananu ewo wine wamwivwa u Mulungu nakukukangala? Alingesiwala wosi wine u Musa alinge wawakolezya kufuma ku Misri? ¹⁷ Ananu wine Umulungu wawanyeselile ku myaka arobaini? Kasi papamwi na wala wine walongile imbi, yine imimbele yao yine yafwile yonile inyika? ¹⁸ Ananu wine wawalapilile Umulungu kukuti watakiwnjila kwisekelo dyakwe, nanga si wala wine inge watanzumila umwene? ¹⁹ Tulola kukuti wataka weya kukwinjila kwisekelo dyakwe vine watazumila,