¹ Chavi utongwe uma mwanetu wendelee. ² Mutiwe kuwapalamizya aeni, papamwi kulonga uli, chavine wawakalibishe amalaika chavino alinge watama. ³ Kumbuka wosi wene wakwali mwingoleza chavine nngeemuli nawene kula papamwi nawene changati imibili iyamwemwe yalongeliwe chavine awene. ⁴ Chavino indowa ieshimiwe na amalaya. ⁵ Changati izila izya kuminu izya amaisha aya mwemwe umulu kulutogo dwa iyeva, nawene walizike ni ivindu zyene mulinazo, changati Umulungu mwenenye watezile, ndalawake umwemwe kalinji, na walekele zya umwemwe.'' ⁶ Epa tulizika uli tupangi kuivu, ukali wene umsaidizi uwaukwane ndalatine undu sangawezye kunjika chimwi?'' ⁷ Elenganya wala wene wawalondezya, wala wene watezile ihola izya ka Mulungu kuminu, na kumbukayi amatokeyo aya kukwenda kwene, angailimani izya awene. ⁸ UYesu Kilisito wene mwene iyola ni elelo changati ichitibano. ⁹ Utize ukolehiwi kumafundisho kutanitani kuyeni changati ivinonu umoyo uzyengwa kuchitibano na kasi kushaliya ku chakudya awene watala wasaidiye wala wene watakwikala kila wene. ¹⁰ Tulinayo amazabau yene wala wakonga nkasi mwitekelo watakola umakini wa kukudya. ¹¹ Chavine ulanda za nyama zyene zyafumile izabiyu izyakupitela amawi yaletiwe nu umwene ukali nkasi ya amaeneyo ya pebiwe ku yabi. ¹² Chavino u Yesu umwene wagaile kuzi nu udyango waikaya, chavine kuweka upulushi wandu kwa Mlungu kupitela ulanda uwakumwene. ¹³ Chavine tuwalai tukwakwe izya kungati tusisende kuzofika kulumwene. ¹⁴ Chavino tutakola apakwikala iundumu kukaya iyo, chene chifatile tuchivambe kukaya kwene wizile. ¹⁵ Kupitila u Yesu muvyamba palanyepalakukwifumya indupo kukushukulu Umulungu, kukusalifwa changati itunda idya mindoko yitu chavine itawa dyakwe. ¹⁶ Nautiwe kulonga amanonu na wakwavwe awene kwa awene, chavine indupo changati ulo chavine Umlungu amatogwa ichisini. ¹⁷ Ishima nu kwishusha kuongozi uwamwemwe chavine wakwe ndoleya kuwasunga kunafasi iya mwemwe, changati wala wene walapunye iyesababu, ishima ndinu aviongozi awakulumwemwe wawezye kuwasunga ku nanu, na chavine kuuluma chavine italawasaidie. ¹⁸ Walengeli changati vine tumanile iniya inonu, tuvamba kukwikala amaisha aishima changati amambo aya kulusweswe. ¹⁹ Nizyosi nawapa izamila inonu tutongwa kuishi amaisha ishima changati kaliwu. ²⁰ Isaizi Umlungu wulutogo wine wawatile kalichi kufuma kwa file undimi ungulu wangozi, ukali witu u Yesu, kukundamu ya isikuzyosi. ²¹ alawape amaka kuchilachindu ichinnonu vulonga ulutogo dwakwe angiwalonga ikazi nkasi yitu yene inonu iya unonele pamiso pamwene kupitila u Yesu u Kilisito kumwene awe utimu isiku zyozi na isikuzyosi ichisini. ²² Isaizi naukepa umoyo umwanitu wasendeliwe ibola iya kumba umoyo chavine kuwipi nadyandike kumuni. ²³ Mana kukutimwanitu utimotio walekiwo uulu, chavaine papamwi nakwe ngalawalele changati alize ulivivinye. ²⁴ Lamka aviongo wakoosi nawene wazumilile woosi wala wene wafuma kwitaliya wakulamka. ²⁵ Ni chitibano chiwe papamwi osi.