¹ Isambo dyine dyapita Umulungu wapangile na asakulu witu kupitila ambilago kuwinji na kazila ininji. ² Ngani kusiku hizi zilitulinazyo, Umulungu wapanga naswi kupitila umwana, wine wambikile kukuwa upyani uwavindu uyosi, na napine kupitila umwene waumbile piteko. ³ Umwanakwe umwelu wa utimu wakwe, isembi iya kafuro yakwe, nutwendelezya ivindu vyosi kunogua iyamaka yakwe nanga ivamala uulizya imbi, wikile pasi unkono unjilo uko kululu. ⁴ Akuwa unonu kupita umalaika, changati itawa line wapyanile vine inge inonu kupita itawa dyao. ⁵ Nangu ulo umalaika chi wine wawezyizye kutela,'' Uwewe wamwanane, ilelo nawa naso?'' Na kalinji ''Nguwa nise kukwakwe, na pinye akuwa umwana kukwane?'' ⁶ Pine Umulungu wandehile undeliwa uwa iwandilo piwelelo, utela, ''Amalaika wosi uwa ka Mulungu wakalakashe wasalile.'' ⁷ Vino ulo umalaika walezile, ''Umwene wine walonga amalaika wakwe kukuwa umoyo, na alonga milimo wakwe kukuwa ululimi ulwandilo.'' ⁸ Changati huli umwana watezile, ''Khiti chako ichambele, Umulungu, ni siku zyosi kuzyosi. Isazu ya nkali wako isazu ya sao yane. ⁹ Utofwile isoo yako nusenda uvunifu uwa lufingo, kuvinyo Umulungu wako wakupaka amafuta isekelo kupita amyao.'' ¹⁰ Apa udwandi, Utayi, wawikile utwandilo uwa pawelelo. Kukulu ni milimo iya mikono yako. ¹¹ Zifunyiwa, nanga ulo uwewe ukwendelea vyosi visakala changati ivalo. ¹² Uzifundanika vhangati iguo, napinye zigeluka changati ivalo. Uzifundanika changati iguo, napinye zigeluka changati ivalo. Nangulo uwewe ushala yula nyeyula. Nimiaka yako itakasila.'' ¹³ Ngani kumakukachi Umulungu watezile umda wosi, ''Ikala unkono wane uwanjilo paka pine nguwalonga awawi wako kukuwa ichitu icha manama yako?'' ¹⁴ Nanga ulo, amalaika wosi kasi irohio zinezolonguwa kuwapangamala na kuwasunga wala wine wapyana upuma?