¹ Wosi wene walipasi ya wene winyepile changati awazya wawasendele alume wao changati wene wali ni shima dyosi, wavwambiwa kuwika ulo ngani itawa dya Mulungu na Malanganizyo yatatukaniwe. ² Awazya wene wali na lume wene wazumila watawabyede vine awaluko. Nanga ulo, wawalongele ichisini. Vino achilume wene wawavwa imilimo yako na salilaji na watogwiwe. Langanizya na kuyawila eya. ³ Ngi undu yumwi amalanganizya ku longofi na atayatangana amalagilizyo yitu nene yataweliwa, zyene inongwa zya taji witu uYesu uKilisitu, ng alinge watalizumila ilanganizyo line litutwala kusokofu. ⁴ Undu uyo amakwibada na atana chochosi. Nanga ulo, umpulu nganu na kutamnganya ku nongwa. Izi zilela ulinga, iwo, indusi, na melenganyo amawi, ⁵ ni iwo idya chila lusiku kuwandu wene wali ni njele ziluwangike. Waileka iya mwene. Asongelezyi kukuti usokofu izila iya kuwa wadumbwe" ⁶ Epa usokofu na kuzumila ichipa ichikulu. ⁷ Vino alinge tutiza ni chindu chochosi piwelelo. Na tutakasenda chochosi kufuma kuwelelo. ⁸ Nanga ulo, tukwilane ni chakudya ni viwalo. ⁹ Epa ewo wene wakuwa ni sawo wawizaya kumayozyo, na kundeyo. Wawizaya kutivu umwinji ni usla imbi, na kuchindu chochosi chene chiwawika awandu winjile ku komazi nu wazi. ¹⁰ Vine kutogwa ihela yene uwandilo wa yosi amawi. Awandu wene walumwa eyo, walongopiwa pautani ni zumilo na wipemba akala na kusukupala kuwinji. ¹¹ Epa uwewe wandu wa Mulungu, yachimbile eyo. Fwata unonu, usokofu, izumilo, ulutogo, kuyimba nu utekamu. ¹² Vikane ivinonu ivya izumilo. Lemelela upua uwa siku zyesi wene wakwitilile. Alinge vine wafunyizye ushuda pamiso ya mashuda awinji ku chila chene ichinonu. ¹³ Nakukupa amasunde eya pamiso ya Mulungu, yene wawika ivindu vyosi kuwikalo, na pamiso ya Yesu U Kilisitu, yene watezile aya mwene kwa Pontio Pilato: ¹⁴ "sunga amasuda kwu mwene mwene pine patakola uwowa, mpaka uwizilo wa Tai witu uYesu uKilisitu. ¹⁵ Umulungu azumila uwizilo kwisambo lili- Umulungu, Untimbaniwe, amaka yadyumwi, Umwene yene aimililile, uTau yene aimililile. ¹⁶ Wakwikala isiku zyesi na yuna wikala ku welu wene utaluangika. Kutakola undu yuna angawezya kukumbona nanga uwawezya kukundola. Kukwakwe liwe ishima nakuwezya kwa siku zyosi. Amina. ¹⁷ Wapozye adumbwe kuwelelo huu watibade, na watapangamale ku dumbwe, wene kasi awa Mwene. ¹⁸ Wapozye walonge amanonu, wawe adumbwe, ku milimo iminonu, wawe asasufu, na awe uwafunya. ¹⁹ Kuzila iyo wakwiwikila iminfulo iminonu ku yaya yene yizile, ngani wawezye, kulema uwikalo uwa mwene mwene. ²⁰ Timoteo linda chila wachipata. Lekengana na mapangwe aya chitivu na kukumana kwene ukwakwipinga yene kuulongofi yakwitwa umani. ²¹ Kula awandu awanji wayawilaya eya, nanga ulo waiulizya izumilo. Ichitimbano na chiwe papamwi nawe.