¹ Kuzila ii umwemwe yene mwachichima mvwambiwa kukwifunya kwa lume winu anga ngikati inu awamwi wata timika inogwa, kupitila unonu wa tabia zya zingawila awanji wakumbumbukile bila kuwidwa. ² Kwasabu awene akala wakuwa waliona ishima dyinu inonu. ³ Ilililongiwe asiku kwinonezya udwakuzi, kusiwa inyele, ivindu vya dhahabu dhahabu au kuvwa la imyenda ine isho niwe ivinonu. ⁴ Lakini angaulo ilongiwe kuundu uwa moyo wankat, unonu uwishima nutekamu wa moyo,yene untimu kwa Mulungu. ⁵ Awachimai asokofu winonelizye wene, akala kuzila ii. Alinge waliniteto kwa Mulungu na watimike alume wao wene akala. ⁶ Kuzila ii, usala , wantimike Ibrahimu na kukumwita mwene "unkali" wakwe. Umwemwe isaizi mwawana wakwe, ngimmngalonga yene yene amanonu ngi mtatina amawi. ⁷ Kuzila iyo nyiyo umwemwe mwachilume ivwambiwa, kukwilkala na chiminu mmane kukuti awene atogwe achichima anyongonyevu muwane awe changati atengani aminu wa ndupo iya upuma, longai uli ichitimbano chitadindidwe. ⁸ Umwemwe mwesi muwe ninia idyimwi, yene mliningumbu, ulutogo changati anawinu, nutosu. ⁹ Mtalipe uuwi, kuuwi au ulutusi kulutusi ichinyume chakwe mwendae kutimbana kukuti wamwitikile, ili ngani muwezye kupyna usokofu. ¹⁰ Umwene yene wavwamba ulutogo nakuona upuma isiku inonu ya vwambiwa au ndile ulumi dwake kumawi nundomwako kutela iviwi. ¹¹ Ageluke nakuleka uuwi na kulonga yene amanonu avwambe iteko na kuifuata. ¹² Amiso ya Nkali yalaloya unsokofu na amakutwi yakwe ya kwivwaya ichitimbano chakwe.Lakini kumiso ya Nkali ulikuzi nawala yene walonga uuwi." ¹³ Unana wene aliwaluwange umwemwe , ngi mkumbukila line inonu. ¹⁴ Lakini ngi mlinamagayo kusokofu mwatimbaniwa. Mtatine yala yene awene watatina mtawe nuowa. ¹⁵ Badala yakwe muwike u Kilisitu unkali kumyoyo inu changati unsokofu. Isaizi muwe mwikale idyangana kusuwilizya chilandu yene wawawilikisha umwemwe kukuti kuchii mlinusuwilo kwa Mulungu. Longai kutekemu ni shima. ¹⁶ Muwe papamwi winonu ivinonu, ili awandu yene watukanazwa uwikalo winu unonu katika u Kilisitu ili wapate iyazi kwasababu watela ichinyume numwemwe changati alinge mlonga uuwi. ¹⁷ Ivinonu ichisini kukuti u Mulungu wakumbukila kukuti mgaya kulonga amanoni kuliko ukwi longa amawi. ¹⁸ Ukilisitu wagailo lulmwi kumbi yeye umwene unsokofu wagailekumitu yene alinge unsokofu wagaile, yene umwene atulete usweswe kwa Mulungu, wafwile umbili lakini wawidwe umpuma katika iroho. ¹⁹ Wendilo kuroho na kuziwili iroho zine ziopwidwe uchifungo. ²⁰ Alinge zitakola ishima pine uivu wa Mulungu alinge uwetetekitye uwati uwa Nuhu isiku izyazyenga isfina, numtungu wapulishwe awandu awache inafsi mnane kufuma imazi. ²¹ Uu umanilo uwa ubatizo yenu uwapulusha umwemwe isaizi asi changati kujizya indavu kufuma mumbili lakini changati ichitimbano ichambi inoni kwa Mulungu kupitila ufunulio wa Yesu u Kilisitu. ²² Umwemwe alunkono wa Mulungu wazile amalaika, ukali na maka yavwambiwa vimwivwe.