¹ Petro, ukatumwa wa Yesu Kilisitu, kwa ayeni wine wasambine, kwapeule. Ku Ponto yosi,Galatia, Kapadokia, Asia na ku Bithinia. ² Kulingana nu umani wa Mulungu, Utayi kukwelufya Umoyo usokofu kuulinganifu wa Yesu Kilisitu, nakusaseliwa ulanda wakwe, ulutogo luwe kuminu, ni zumilo dyinu iyonjezyeke. ³ Utayi u Mulungu iwaka Nkali u Yesu Kilisitu awatimbanile. Kuukali wa lutogo lwakwe. Watupile kuleliwa uupya na kuuivu wa upyani kupitila ukupulo wa Yesu kufuma kwa fwile. ⁴ Kuupyani wine utakakufwa, hutakakuwa ni indukuta wa kupunguka. Uwikiliwe kululu kwajili yinu. ⁵ Ku maka ya Mulungu musungwa kupitila ulutogo nu pulushi wine uli tayari kukupuliwa kwisambo idya ulusililo. ⁶ Sekeli kulili, nanga isaizi ishuluti kulumwemwe kukwiivwa kusukupala na kumawi aya chaka chaka. ⁷ Ie ine kukuti ulutogo lwinu luyozwe, ulutogo lwine ilwathamani kupita idhahabu ya tyega ku ndilo wine uyozwa ulutogo lwinu. Ie ifumilaya ngani ulutogo lwinu lulele unzanga. Utii ne utimu ku ukupulo wa Yesu Kilisitu . ⁸ Mtambona umwemwe, ngani muntogwile, mtakumbona ila mukunzumila, kulumwene mli nulutogo lwine tanga lupangiwe nu ulutogo lwine lwizwile usokofu. ⁹ Epa tangani mwakala amafumilo izumilo dyinu, nu uwokovu wa inafasi zinu. ¹⁰ Awilagu wavwambile na kukwiwilikisha kutekamu nu uokovu huu. Ku lutoo lwine ilwa kulu mwemwe. ¹¹ Wavwamba kumana ku namnachi ya wokovu wine ungiza, wavwambile kumana isambo chi Roho wa Kilisitu mwine alinkasi yao alinge amapangila chiyi nao,ie yafumila pene iza wawawila kuusu amagayo ya Kilisitu nu utimu wene ukunkonga. ¹² Yakunuliwa na awilagu, walinge wayalongela eya, naswi kwa akala ngani kulumwemwe. Ulandikizi wa kwa wine waleta ienjili kuminu kupitila u Roho onsokofu mwine watumiwe kufuma kululu, imbola ine amalaika walumwa kukupuliwa. ¹³ Epa inyepi iminsana ya njele zinu muwa mwa ivu ku fikara zinu muwe uoa utekamu kwi zumilo line muletiwe kuminu isambo idya kupuliwa kwa Yesu u Kilisitu. ¹⁴ kuwana atekanamu, mtaopwe mwakala nu ukatavu wene mwazifwatile pene alinge mtakola umani. ¹⁵ Angati vine wawitile vine ali onsonkofu namwi, muwe mwasokofu ku sembe zinu zyosi izya wikalo. ¹⁶ Vine zyandikwa, "iwi mwasokofu kwani unene na nsokofu." ¹⁷ Na nge mukwita "Utayi" mwine aukumu kuhaki kulingana ni imilimo ya chilandu, tumila isambo dya nsizo wako kutemela. ¹⁸ Mumanile kukuti alinge kasi ku nsawazya au idhahabu ivindu vine viluwangika vino mwakombolewa kufuma kutabia zyao izya utivu wine mwilanganizye kufuma kwa atayinu. ¹⁹ Mwakombolewa ku ulanda wa Utimu wa Kilisitu, changati ng'ozi ine itakola ihila nanga idoa. ²⁰ U Kilisitu wateuliwe kunuma ya nfula wa kuwelelo, epa isambo ili dya usililo, akupuliwe kuminu. ²¹ Mukunzumila u Mulungu kupitila umwemwe ,mwine u Mulungu wafufuwe kufuma kwa fwile na mmwine wampileutimu ngani kulutogo lwinu nu uivu uwe kwa Mulungu. ²² Mwawika imimbili inu kukuwa uwelu ni izumilo idya mwene, kwidhumuni dya lutogo dwa onawinu line lili nu ugolofu, epa itogwi ku mpamba kufuma ku moyo. ²³ Mwaleliwa idwa uwili kasi ku mbeyu ineyaru wa ngika, ila kufuma kumbeyu inaitaluwangika, kupitela upuma wa mbola ya Mulungu ine ishazile. ²⁴ Kwanini imimbili yosi amasote, nu utimu wakwe wosi changati iua li sote. Isote linyalaya ni iua liwizaya. ²⁵ Ila imbola ya Mulungu ishala ya papala isiku zyosi, ii mbola ya yiwizilwe changati lenjili kuminu.