¹ Mioani aso na endelimani hara dhabi kima hhoa linaaauti. ² Dosi kobatsi andaa kwa fakiyaa ti tlakweli kara maka ibitani hara isi? ³ Khuutaa kuwa kwadi tiga batizini ti Kristoko tiba kiya batizini sa gwaara roini? ⁴ Kunaile tipi diwaki harati ubatizo sa gwaara hati kaaaisini ado Kristo tibaa gegeri ti gwaara harati hhoa ta tata kima andaa lailawani khotlu ti aaabiro ta hotali. ⁵ Bere ado kunaragasa diwaki ado kalafi ko gwaara rosi ahuko kuru gasa kara sa tlafi wosi. ⁶ Andaa khuani doti utu wori kodi ansi kwa sulubini diwaki tiba kiam tlaqwa ta tlakwe logalingi huyatiiti tiba mare kara matsani la tlehhitani andaa na tonge ta tlakwe. ⁷ Ini kwa gwai kwa aaisini na hiru haki ado doro tlakwarosi kiri wanti. ⁸ Bere ado afakani diwaki ha Kristo ana yaaaama hotaa diwaki ha ini. ⁹ Khuani tiba Kristo ina tlafa ti hira wadi kwa fakiyaa tiba ini iya gwaibatsi iniko gwaara ibitabatsi dirosi kara. ¹⁰ Sa akhasasi ta gwaara kiya gwaii hara tlakwe iya gwaa mara waka sa hira tuku kama dosi hota kihotati to ibibuamiti sa lalaa. ¹¹ Sa afaamo tadosi hunguraa kutsaa lungu faritaa hira kwa fakiye ti tlakweli ila isi ti lalaali ado Yesu Kristo. ¹² Sa dosi maraka yaaante tlakwe liibiti ti tlaqwaroigi ini kima la yaaaanti tamu rosi. ¹³ Hapana harisa tlaqwa rogo sa tlakwe bere ado khotsa ko haki koni basi ila ungu batlile hunguraa kilokini ti lalaaka ado hira ko tlafaa ado hira kwa gwaara dahhaa harisei tlaqo wakini ado khotsaya ko tlaba ti lalaako. ¹⁴ Hapana la gimauta tlakwe li ibiti kwa kuwa hunguraa ti sheirako hhaku iniko hunguraa hoaali wantaa. ¹⁵ Miini hinko? Naaaisimani tlakwa andaa hhaku ti sheriako ila andaa ti hhoali warani dosikobatsi. ¹⁶ Khuutaa batse tiba dirosi unaharisiti ini loitao ado yandumusai na hunguraa kima la tlehhitaa yandumusai na kunguraa kina la tlehhhitaa yandumusai wasi kwa kwa ini yaaane heti na tloba kama hunguraa ka tonge ti talkwe todi ta gwaara kama ka tonge ha yaaru kobehhimamisi haki. ¹⁷ Iniko la naamisiti lalaa kwa kuwa hungura aya ile tonge atonge ta tlakwa hinko ana yaaante timunawakina do tusungunara harisi. ¹⁸ Ku gemayi ti tlakwaka kima Mungu aaisini longe ta loo. ¹⁹ Gimbumamisi ado hiru saa udhaifu ko tlaqwo wakini sa dokara harisite riungo rokini ta tlaqo wakini ado tonge hara uehafu kara hara boloqwo hara dosi hinko harisei viungo rokini la tlahhitaa tonge ta haki la qafitaa. ²⁰ Kaila tonge ta tlakweko akontehaki kima nungu geimai nusungu harisi haki. ²¹ Hara siwasi akontee aaani kalo hara aaara ko hinko murimanita dosi kwakuwa gimbasi egasorosi gwaara. ²² Hinko kwa kuwa kugemayi ila hala tihakweko kuaaisini tonge ti lalaako kontaa aaamu sa hhoasi aluko kima tlafi ko lanko. ²³ Kwakuwa buuma ko tlakwa na gwaara bali basisi ta bure ta lalaa na tlafi ko lanko ti Yesu Kristo Bwana wori.