¹ Hinko andaa ko aauru komaa kumu tlaa la hubani bahumata hira kwa bahumitiye nasungu harisi yabatse hingi endelima ni andaa kilotini. ² Kila hiru liendelini jirani wosi isi na aaara kohhoo hara afaamo ta tlehha. ³ Koma to Kristo unapenelibatsi ini kilosi badala rosi iyatsehhitti ado doro taga tlaqani. ⁴ Aaotsi to kwadi kwa ini aaotsinee iya aana tsauti. ⁵ Yeyote ta gati tlaqaru ka tlaqani ningi laqanti hara kusudi tiba hati kikihhisa kima nangaeqasi muna ha tlaqari ningifokiti hara aautu. ⁶ Hinko lalaa ta kikihhisa hako muna harisa losogo harsi nia sawa ti kila hindi qomai ha Yesu Kristo. ⁷ Hinko urohekini kila hiru ado Kristo ado to tigaraila ohi hara hhoa ta lalaa. ⁸ Ana oimi tiba Kristo kwa aaisini yaaabutai ko tlati hara nia ta tlaba ta lalaa iya doti aaisi kima liitsayi laqaru ahadi tigaharisi sana tata. ⁹ Harati hhaapu kima lalaa lagae hhabi sa hhoa rosi ado doro tiga talaqani hinko harisi hhoa dirogi ti aluko hhapapuli kima la raamimim hhoa sa uma wosi.'' ¹⁰ Kara ointi qesemei kunguraa hira ko hhapapu diaki ha hira wasi. ¹¹ Kara ehhobakinei Bwana hungura ko hhapapu tuku mawei hira ko hhapapu wakina liehhobibitiyeaa ini. ¹² Kara Isaya oini tiba gama waniko Yesu kodi wako kowatlawa tawaliru rawa ko hhapapuli maakima elanga konaa dirosi.'' ¹³ Hinko lalaa elangaginti lisigiharisi hhoa tuku hara amani sa yaaaru kima tiba li uresiyaa ti elangali hara aaauru ko muna kohhoo. ¹⁴ Ana loimo kinifafahhani na inaa haayi watini kifafahhani tiba hunguraa loe kunuhatlisi hhoa nunguhafisi maarifa tuku ngi fafahhamitiba hunguraa isautaa kila hiru ha endee wosi. ¹⁵ Iniko tlaqani hara aauru neja dirokini sa aaaremo wakinaa kima hisunguluhorsi kara siga haris aauru na lalaa. ¹⁶ Harisati dorokiya wanti tiba amaitsau na deemusu ko Yesu Kristo togwa yaaaabi ti hhapapuli togwa harisi na kwahani sa injili ta lalaa hara afaamo ta muna kohhoo. ¹⁷ Hinko hhoari wanti ti Kristo Yesuli hati aaaremo ko labaali. ¹⁸ Soayi itsawabati ilabatsi aara yeyote ila tana Kristo iya hheesi harati diroo akhasa ta hhapapu gimba kwa hheesi hara aaara ko aaisini. ¹⁹ Hara aauru ko laqaru hara maajabu hara aauru ko muna kohhoo heti na tsehiti tiba kima ti Yerusalemu kima ningienini aaiti hara sige ado iliriko liitsau hubitina hara fendi tigahhesi injili ta Kristo. ²⁰ Hara afaaamoti nia rii initsehhitisa talabiru injili lakini yamu Kristo kokhuu hara uma ilimare ka tsehhe msingi rawa ko hiru ko hatlali. ²¹ Ado doro tiba tlaqani kwasi dirosi khuiyaa batsi iyakhai koani ha kwadi kwa akhasiyei batsi ko tlahha.'' ²² Kama dosi kwaile tsahhasi awa naaaa dirokini hua. ²³ Hinko komabatsi yamu kohatsa ti hhapeti anatlaamu hara kwara naaaa la khau ayokini. ²⁴ Dosi aluko nanga hadikau hara hisipania elangagimi hingu ara kima ligi lehhisi afaamo rii ha kungu raa maqa bere ankwaami lunguru awaha kunguraa hara siwasi. ²⁵ Hinko dofi haumiti hara Yerusalemu lisi harisakau kwadi ko waumini. ²⁶ Iniko kiyawaraboaao hira ko Makedonia kima Akaya ningi aaisini changizo taloo timasikinili aluko wauminili taisi Yerusalemuli. ²⁷ Ayaaaama sa hhoa roini anaa khuu kiya dayiyimi bere ado hhapapu iya dahiyee ti aremo waini ko munaili kdayayaini inaatse lisigi harisi gamu ki tsaiyee. ²⁸ Siwa kahheesi doti kima nanga buutisi matundasi diroini ana ara hadikau afaamo diwaki ha hunguraa hadi Hisipaniali. ²⁹ Khuu siwa kakhawi dirokini akhau hara utimilifu ta baraka ya Kristo. ³⁰ Hinko uruqadimi haayi watini ti Bwana wori Yesu Kristo hara hhoa ta muna tiba hinguru awa diwaki ha ana ti firo rokini ti lalaali sa ana. ³¹ Firimee tiba ligini fataqa ti diroina kwadi kotsaaame koma ibatsi ti Yudea tiba harisarii wati hadi Yerusalemuli kimalaya ila ohona waumini. ³² Firimei tiba fana la khau dirokini hara qese hara hhoa ta lalaa kima la diwaki warani hunguraa kima latsaumu kwahhasa ³³ . Lalaa ta amani lidiwaki wanti ha hunguraa tuku amina.