¹ Ti balu wasi hira iyawanee naaa iyakoneibase aago. Yesu akawaita tsahhatay was nikioo. ² "Sislahhaamu hira waka iyawanee ha ana balu tamu aago kunaabasl. ³ Ipapasi hara ayemu waini hara ghwari maire lipahhiyaa amoli sa ghwari kakwakinaa iyasi gedahiyaa neja." ⁴ Nokooo na tsahhatinay was "kalislaw man mikati kohira wak slome ankhesa yamu waki takaloli?" ⁵ Nikimahas "dagharo mago kontaa ta mikate? Nikioiri fangha." ⁶ Nikirighadini hira liibitiyaa hhapeli nikitlese mikate fanghu nikinaamisi lalaa ha nikitehhini nikihari sa tsahhatinay was lighasiyaa panda roini nikighasiyee panda ta hirali. ⁷ Iyakonee sle samaki koninaku konina kiyahheesi naamisu nikioo tsahhatimay was isisle lakatehhini. ⁸ Iyaaagineee nikibuutiyee nikirubabasleyee daghero kawametiyee kaperi fanghu. ⁹ Iyasapiyee hira elep takat nikimay lihauti yaa. ¹⁰ Manikiedafu ti mashua ta tsahhabimay wasi ikiyahautiyee hara dalmamita. ¹¹ Ma Mafarisayo nikiyatiitiyee nukutlatlesiye afo ilaharimisu ha ini iyaslaane lisiki harisi lagharu dawrika arawarahho. ¹² Nikiwawasu neja munawas nikioo, "soay laghwalima wak lagharu dabaliti? Suhhahhabimu hunguraa sloba lagharu hhaku tako laghari sa laghwalimak." ¹³ Ma nikimay nikiedafu waay mashwali kwa nikihaut hara yamu ko hatla. ¹⁴ Siwasi tsahhatimay iyaehhanisiyee makte huba iyadaghari wak konee ta mkate komaman waay mashuali. ¹⁵ Kiyarog hadini nikioo la maghafaa sa mahhaame ta Mafarisayo ha mahhawe ta Herode. ¹⁶ Tsahhatimay nusukuhhahhabinee inaa kiloini" Gasaka komanibasle mikate. ¹⁷ Yesu iyatsahha isi ma nikioo soay ointa sa maymumkate? Kahhataa antsahhate ibasl? Tsatsahhataabasle? Munai wakini ineslahhauyee? ¹⁸ Ila kontaa Arintaasle? Aakontaa akhamisitaa basle? Ehoremamisitaabasle? ¹⁹ Kotehhini mikate koan ti hira elfu koani atlesitee koperi mag kowa hhatsiri doghera ko mikate? Nokoo miba njad." ²⁰ Ha kadehimi mikate fanghe sa hira elfu tsegahha ahubitee kaperi maga? ²¹ Nikioiyee "fanghu" nisikihhabu kahhataa tsatsahha ntaabasl?" ²² Nikiyakhayee Bethsaida hira wasi iyohiru ko ararimibasl hubiyee niki Yesu araghalinee lokonangusu. ²³ Nokoolo hara daba na Yesu hiru wado nokolelehhisi fendi ta hhapeli kiyatsubaghi tsubaghari wawasi nikidaba wos ghas rawa wasi kowaahas "Arintaa Gauuwe?" ²⁴ Iyailakhumi rawali nikioo Arimu hira poiy aa ado khee nakhotsinaa." ²⁵ Nikikara dabaiwas waratlese ti ila wasi iyaarini kara nikiarini gawa slome ta boii. ²⁶ Nokamay na Yesu lihautu hara aya wos no kooo "Edafabasl yamuli." ²⁷ Yesu iyahautu ha tsahhatimay was hara hhape ta kaiseria ta Filipi. Kiyaandi wanei nikimahaa tsahhatimay "Hira oinaa ana miyaini?" ²⁸ Nikioiyee "Yohana arakwamusay wakinaa oinaa Eliya ha wakina wak ko yaaa butay. ²⁹ Nikimahas "iniko hunguraa ointaa ana miyaini?" Nokooo na Petro, " ku na Kristo. ³⁰ Nikirighahi na Yesu marehhaba sa hiru we aare mo was. ³¹ Niktlatlese tsahhatimisu tiba nu ko Adamu ekihhimuta hara aaremo naaa ma kosii na hhapuloay ha makulani kodiyani ha tsaghamusay ma kogasa ma panda ta balu tani iyaslafu. ³² Iyahhaba kwas ara poo Nokohubu na Petro hara daghari nokotletles araoo oo. ³³ Iniko Yesu iyafokiti nikitsahhatimay was ilakhumisi niki Petro araoo oo nokooo "Fusi ara alu wii ibilisi. Wawumamisitabasla aaramo ko lalaa to aaremo wag." ³⁴ Ma nikioo oo tsahhatimay was diwaki nisi kihhaba "bere hiru wara koslaama anagusa rosi iniwak litlesu msalaba wos likiyagusu. ³⁵ Bere mela koslaani hotawa arafatagha kihhomisi ha ko hota wos hhamisi sa ana ha injili uslakhasa ( uruahini). ³⁶ Sokoni raohini hiru fitsima slome slamiru li hota was hhamisi? ³⁷ Hiru miaslay harisa sa hota masa? ³⁸ Ko ana muriti ha gimba riii ti laghwalima wak ko tlakweli nu ko Adamu komurau ber inakhay ti khambatluli ko tata wos diwaki ha malaika ko hhooa.