¹ Yesu iyahausti dira hara hhae ta Uyahudi na hhape ta waaamu Yorodani nokogusu kara na hira kiyatsahhatisi kara ado doro kiyaimimisi. ² Nokawa warahha kay na Mafarisayo nilomahasiya "Tloo hhausutumo mamamaymu a hare roso? ³ Nisikihhabu na Yesu "sukunamihhabu na Musa?" ⁴ Nikiouyee, "Musa iyayaaan tsagharu cheti ta mamaymu ma lakamurini hare." ⁵ "Sagawe hunguraa minai wakini kowakhala iyee nagawe sukunaghas aara ado isi." Nikioo na Yesu. ⁶ Iniko ti tlatleso ta tlehhituko hala iyatlehet hhawatimo a hatahare.' ⁷ Dosi wawatimo upaslimisiyaa ha tata ha iyo rosi uruslahhiyaa ha hara roso. ⁸ Ma kwas inaaa njad tlehhitiri slaghwa waka bere mele njade basla kara fana slaghwa waka. ⁹ Dosi takaroslahhaa na lalaa mure takapaslisi na hiru." ¹⁰ Kiyadooli wanei tsahhatimay nikimahasi yee kara sa hee. ¹¹ Nisikihhabu ko karae roso muwi lihare ta khabu biaa siisini dirosi. ¹² Hataharesle tahhawata mawuti lakakhabu na hhawata woko biaa iisinti." ¹³ Inaasle nosakowahubu laghwaali konina kikina ngumisi iniko nikiri oo oo na tsahhatimay. ¹⁴ Iniko Yesu iyadosi tsahhi iyakwaanibasl nisikihhabu wawakini laghwali koninaku liyakhayaa diroi tlahhasa bosl sa kwar aa ado kwa khambatlu ko lalaa koini. ¹⁵ Tsoba sun hhahhabimu koilaohibasl kwan batlu ko lalaa ado laghwali konikaku eda fiyabasl khambatlu ko lalaali. ¹⁶ Ma nikitslesi lagwali dabai wasi nisikiharisi uuru nisikie ghamiti dabai sagai waini. ¹⁷ Kiyatlatlesi hautimo kowarafee na hiru woko nikitungunaiti nokomahas "Tsahhatimusimo ko hhoo mele iisi laalimu hota ko balu slome?" ¹⁸ Ma Yesu nikioo "soay iooooominti kihhoa?" hhaku ko hhoa koma fema to lalaa kiloso. ¹⁹ Akhuta hhabo ta uuuru gasabas niaabasl fisobsl lama basl awanahebasl lirimuriti tata ha iyo rogo." ²⁰ Hiru wod nikooo "Tsahhatimusimo kwas slome iisasimu tikiyaninaka. ²¹ Nokokhuun na Yesu nokokwaa. Nokooo, "Togamu wak na hhaku koslaa laazinti gama slome kakonto lalansiti sa kokomai basl tlehhiti arafari konto dawurili liaso gusiti." ²² Iniko iyamatsini sa aaremo wadi iyahhautu hara slahhaawe saga sikiya gawama kono naaa. ²³ Yesu nikikhuu daghoro slome nisikihhabu tsahhhatimay wasi "maleli takhalaa hindagharimo idaa ti khambatlu ko lalaali! ²⁴ Tsahhatimay kiyaetlokhoos na gimba rodo inikonisikohhabu kara na Yesu "laghwali male takhalaa edaga khambatlu ko lalalali. ²⁵ Taeslahha mgania fusa ti poa ta singanili ahiru hindaghariko edofa khaubatlu ko lalaaali." ²⁶ Kiyaetlohhoos nee mokuruhhahhabinee inaaa kiloi ni dosi miya naedafu." ²⁷ Nikikhuni na Yesu nikooo "hara hiru takhataaa iniko ti lalalli kobasl. Saga ti lalaaali slome kaaaslay. ²⁸ Petro nikitlatlese gimba haini Khumi anamawan slome nokowagusani." ²⁹ Yesu nikioo tsoba suhhahhabimu kunguraa hhaku kwa doo may aa kaka au hhio au iyo au tata au haay au hhape saana ha sa injili. ³⁰ Koilaihibasl mara miba miba neja takinko baaafitsimali doo kaa, hhio mama haay ha hhape sa ekihhima ha fitsima kowakhotsiri hota ko balu slome. ³¹ Iniko naaa ko panda tlehhitiri ko alu ha ko alu tlehhitiri ko Pauda.'' ³² Kiyaamoli wanei Yerusalemu kuwa Yesu iyagat Pauda roini. Tsahhatinay iyaetokhiyee ka kwad kowadlaka gugusisinee iyateaa matiye yamu tikiya kubu ara daghari na Yesu kwad mibaa njad nisikihhabu miratii miti baluwaki kowa khotsaa dirosi. ³³ "Khuumi paka Yerusalemu ma nu ko Adamu korodaha ti makuhani ko dilyani ha tsaghamusay. Koekihus ligwa lokobasl ti hhapapuka. ³⁴ Komuritisi korotsubaghau tsabaari kodifu hharo makogas, Iniko Pauda ta balu tamu iyasalafu.'' ³⁵ Yakobo ha Yohana haay ko Zebedayo, iyahhayee dirosi nikioyee, "Tsahhatisimu slaama husiiisinti gawe kaslaani! ³⁶ Sikihhabu slaaanta lusumale iisi?" ³⁷ Nikioiyee "uruyaaanta maibitaa ha kuu ti hhoa rogi wak ti daba wog ko waayali woko daba ko basali." ³⁸ Iniko nikoo na Yesu khaataabas bamu kafirite Aslawtaa arakitahhu kikumbe te korokitahha au kikihhisa arakuusay nikikirikuusu?" ³⁹ Nokooiyee Aslawan kikioo na Yesu, "kikombe korokitahha arokitahhataa ha ara kuusay diroini tikirikuusu okikihhisitaa. ⁴⁰ Iniko koibiti daba wii ko uuya ha dabawi ko bas anakobase nobatsa iniko ti kwadi diroini taboiisi." ⁴¹ Tsahhatimay wad wakinaa mibu kiyadosi akhasiyei ikitlatlesiyee ahupita sa Yakobo ha Yohana. ⁴² Nikioo oo na Yesu dirosi nikooo khuutaa kwad tikiriferariti tlehhitiyaa uurumusay ko hira ko hhapapu uurumamitiyaa, ha hira waini ko uuru sikilaghaghan malaika rawasi waini. ⁴³ Iniko kaslaiyabase lidosotlehhiti dirokini kodiray dirokini kuruay. ⁴⁴ Ha kotlehhiti ko Pauda dorokini tlehhiti bontsimo ko slome. ⁴⁵ Sagawe au ko Adamu iyakhaybosl losokoyandutu fana liyaandutu ha li hota was batsa sa wakina. " ⁴⁶ Nikiyakhayee Yeriko kiyahumimiti meriko ka hatsahhatimay was ha hira anaaa nu ko timoyo Batimayo, komaratimibasl Firimusay iyaibiti dahari amoli. ⁴⁷ Kiyaaakhasi Yesu lo Manazareti iyatsotosoo nikoo Yesu Nu ko Daudi silahhaaa." ⁴⁸ Kowaraoo oo na naaaa hiruuuwad koararimibasl nokooo ghabi iniko iyaaa nea ara afo ta dadiri Nu ko daudi sislahhaata." ⁴⁹ Yesu iyaghariti ikioo loko oo oo kowaoo oo hiru wad koararimibosl nikioiyee uneeaa tlisiti. watlawi kooo oo mini na Yesu. ⁵⁰ Niki koti roso kwahha ara elaghari nikifeet nea nikiyakhay harati Yesu. ⁵¹ Nokooo na Yesu slaut loso mi iisinu? Hhawatimo wod koararimibasl nikioo "tsahhatisimo slaamu laarimu." ⁵² Nokooo na Yesu "Hauti konhhaese na arapa ama waga" Dsi loi ilawas nikiarinee. nikiyesu gusu afaamoli.