¹ Yesu tokowata qwali ti Bethelehemu ta Uyahudi ti balu ko Dadiroli Heroe hira tsahhatimai kowa mashariki dahhaa ta sige iyadahiye Yerusalemu nikoiyee. ² Nahalo inkitokowalagwali Dadiro ko Wayahudi? Aariman titsa ooros masharikika anakhawan lofiriman. ³ Ini Dadiro HErode iyaakhasi iya qupiti ha Yerusalemu slome diwaki. ⁴ Herode inikarabgts khambatlatlu ko makuhani slome ha tsahhatay kohira insle nikimahas "Kristo ko kali lagwal?" ⁵ Nikooo "ti Bethelehemu ta Uyahudi ado doti takaratsagani na yaaabutay. ⁶ Kusle Bethelehemu ti hhape ta Yuda ko ninakobasl ti yaabutay ko Yudali, Bere mele diroga iyakhay khambatlu kohira wii deemaa Israeli." ⁷ Dosi Herode iyaoo oo tsahhatimai wad ara gabitino ikimahas siwa mi tistaoo inapoot. ⁸ Kiyaaabu Bethelehumu wos "Hautei khuuru dabaharaki kholimo toko lagwali. Berioantee lisihhabitaa saasle lakhaw lo firimu. ⁹ Kiyatoakhasiyei Dadiro nikifasiyee hara khotso wain ha titsaoo rod kiyaanee mashariki nikigati paka yamu kiyaqariti rawali yamu kholimo tokowala gwali kiyawani. ¹⁰ Kiya arinei titsaoo iyagesee neja. ¹¹ Iyaedafiri dooli nikiarinee kholimo toko walagwal na Mariamu iyo ros nasaka sarini hafiroo nikiorhinee gamaroin nasakaharis ha pesa. ¹² Nikirioo oo na lalaa mare likiir Herode dosi, nikihutiri hara hhape roin hara amo ta hatla. ¹³ Kiyahutiri malaika ta dadiro iyakhaut ti tletali ko Yusufu nokoo watlawi tlesi kholimo ha iyoros lakitei hara misri. Taysimeti paka lusuhhab bere mele Herode kholimo dabah lokogas. ¹⁴ Amasi si Yusufu iyawatlay nikikholimo tles ha iyoroin nikilakitir hara Misri. ¹⁵ Iyahot taysi paka Herode nikigwaa hee iyaegas dadiro dorkiyaoo harati yaaabutay "Misri onooo nu wii" ¹⁶ Ma Herode kiyaarini nkomuritis na hira iya qupiti neja nikiyaaab haay hhawate likitsuwa tuk ko Bethelehem ha slome kowa disi wanee kowa kwara njaynjad konee ha koalu waini iyaakhasi ti hira wada tsahhatimaika. ¹⁷ Na doro takaboiis hhabi tati yaaabutay dahha Yeremia. ¹⁸ Tsotsoo taakhas ramah aaee ta dadiri, Raheli aaaamint sa haay wos nikisiit qabiqabisa gasakahhaku kara. ¹⁹ Herode kiyagwai ilakhumisi malaika ko Dadiro kowaratiiti Yusufu tletali taysi Misrili nokooo. ²⁰ Watlawi tlesi kholimo ha iyoros lahau taa hara hhape ta Israeli kwad kowa kholimu dabahimimitiri iyafakiri. ²¹ Yusufu iyawatlay nikikholimo tles ha iyo roin nikiyakhayee hhape ta Israeli ²² Iniko iyaakhasi Arikelau iyatitin Yuda ti tata wos Herode, iyatlaamut taysi khua. Tokowaara ooii na lalaa ti tletali iyahaut hara hhape ta Galilaya. ²³ Nikihotakay ti hhape umos na Nazareti hee iyaefakisili tod takahhabi hara amota yaaa butya unos na Ninazareti.