¹ Hinko ti slehhe ko mibakoani ko are ibina ko Kaisari Kiberie, ti Pilato aale gatimusay ko Uyahudi Herode aale gatimusay ko Mukoa ko Galilaya a Folipo ningo ini aale gatimusay ko mkoako ilurea a Trakoniti a lisania aale gatimusay ko mkoa ko Abilene. ² A siwa ta deemusa gatimusay ko, Anasi a Kayafa aarako Lalaa iyakhay ti Yohanali nu ko Zakaria gongorili. ³ Iya Khotsukay mkoa slome nini'iita wa aamu ko Yordani iyahhabu hhu ntsita ta takiaa sa arah hkua ta tlakwe. ⁴ A do do takara tsaqan ti kitabu ko aaremo ko Isay yaabutay "afo tahiru koaamima gongorili " Boiisei afaamo ta dadiro bo iimisei fulimisuwo tadikiiti. ⁵ Kila paha Kahatsisi akila danda a khinaati kaqomaitisi ta boii taekhongagooti tadikiisi a afaamo takaslingara taniqisi. ⁶ Hira slome arina ara fataqa ta Lalaa. ⁷ Hinko nikoo no Yohana slaslamu kodadiri ko hira kwa khaye lislawina hhuntsa aini hungura laqwalima ko desu ko qara miya nisiya hhabu laki ta ara neto takhotsa? ⁸ Laqurale aamu tunkukonto akiaa mare kansinte hha waay watini koma Ibrahimu inko tata woro saga siki hhahhababimu Lalaa islawoti loso ko waratlesi Ibrahimu haay ti'ita a tleee wak. ⁹ Ini buutu tlaqu kono qasi ti deaari mai ko khaimoli hinko kila khaimo ko laqwalalimi basla aamu ko hhoo ko tla'aaaati loko kwahha ti aslali. ¹⁰ Hinko hira tislaslay muli kwamahas liowiina hinko kinuslaa lameleiisa? ¹¹ "Iyagaaani nisikihhabu" bere hiru Kanzu njadi kono kohhaa liba tsa kanzu waki sakokomi basla tuku a koaago ko ma li dosoiisi. ¹² Ini wakina ko usluru tsatsatsata iya khaye inaasle likiri kuumiisi noso ko hhabu, "tsahhamusay, kunu slaa lameleii sani? ¹³ Nisiki hhabu, "mare kurunkurite miberi neja ado do tunkuru slaa kurunkura. ¹⁴ Wakina deemusay nokomahas niki oiri "anda mele? Kunu slaa lameleii sani?" Nisiki hhabu "hubabasla miberi ti hiru wokoli ara uuru ara gwatlisabasla hiru wokoara lama yaame ara aarama rokini. ¹⁵ Iniko hira iyaale hhehha kone ta baqamitu Kristo kwa khawa kila koqo iyaale wawumimisi Muna wosi Yohana ini na Kristo ko. ¹⁶ Yohana ikiyaaani ni kioo slome, "ana unu ru kuumisi hungura ara maay ini ko woko iya khay kouuru koma koando ana kobasla Kislaiya busla kama la hhagimai ko ye'eetowas qwere kunuru kuusi hangura ara Muna kohhoo ara asla. ¹⁷ Karay wosu wani dabaiwasi saboiisa ta boii yamu was ko buruqusa ngano a kuruakura ngano kugili a rosi iniko kolungi muu ara asla tahhamibasla. ¹⁸ Sahhaba waka naaa iyahhahhabini tsabiru kohho ti hirali. ¹⁹ Yohana iyara dihhay. Herode gatimusay ko mkoa sakhabo. Herodia haro taningoini a tlakwe waka naaa iniko takaiisini na Herode. ²⁰ Iniko Herode igaiisini tlakwe waka tatlaku neja iya Yohana tsige mage rezali. ²¹ Kara nikiya tiiti hira tuku tikiya ra kuumimisi na Yohana ini sle Yesu kwara kuusu kiya firi rini dawo niki fo hitiri. ²² Muna Kohhoo ikiyaeeti rawawasi fana ado slaqwa ado tlabi suwasi loo loi afo nikiya khatuti daworika nikiooto "Kuningoo kwa slaa. Kini rawa booo neja na ku. ²³ "Hinko Yesu loo kiyaansi ni tsahhatimisu iya kwara kiya slawini kwara slasini aa la kholimo adodo tokwara paiini. ²⁴ Nuko mathati nu ko Lawi nuko melki, nuko Yana nuko. Yusufu, ²⁵ nuko matathia nuko amosi nuko Nahumu nuko Esli nuko Nagai, ²⁶ nuko Maati nuko Matathia nuko Semeini nuko Yusufu nuko Yuda. ²⁷ nuko Yanani nuko Resa, nuko Zeru Babeli nuko shealtieli, nuko Neri, ²⁸ nuko Melki nuko adi nuko Kosamu nuko Elmadamu nuko Eri. ²⁹ nuko Yoshua nuko Eliezeri nukko Yorimu nuko Matathi nuko Lawi. ³⁰ nuko Simioni nuko Yuda nuko Yusufu nuko Yanamu nuko Eliyakimu, ³¹ nuko melea nuko Mena nuko Matatha, nuko Nathani nuko Daudi. ³² nuko Yese nuko Obedi nuko Boazi nuko Salmoni, nuko Nashoni. ³³ nuko Abinaadabu nuko Aramu, nuko Hesroni nukko Peresi nuko Yuda. ³⁴ nuko Yakobo nuko Isaka nuko Ibrahimu nuko Tera nuko Nahori. ³⁵ nuko Seruig, nuko Ragau nuko Pelegi nuko Eberi nuko Sala. ³⁶ nuko Kenani nuko arfaksadi nuko Shemu nuko Nuhu nuko Lameki. ³⁷ nuko Methusela nukko Henoki, nuko Yaredi nuko Malalei nuko Kenani. ³⁸ nuko Enoshi, nuko Sethi nuko Adamu nuko Lalaa.