¹ Ma koushuru tsatsata slome a wakina ko tlakwe koma iya khaye ti Yesu li no koitimisi. ² A tsaqamusay nikiqunqunumisiri niki ouri hiraku kwahhamamisi ko tla kwe komaa diwaki aaqa gina. ³ Yesu nikioo slanqasati diroini nikioo. ⁴ "Miya dirokini bere beee kono miya waki no soko afahani ti woko woini kimaya basla kwada ti sini qongori li li hautu loko dabahakay kodo tosokwa afa hhani paka loko ani? ⁵ Inisle berekononley koaamamiti kwahhuli wasi likwani. ⁶ Bere ini daha ti dooli ooooma mini wara eeroso a mara afiro so nikooo kwaame diwaki a ana inko ono tlawu beuuuwi kwahhani. ⁷ Unu oimu dosololoi tlehhiti kwaaru ti dawurili sako tlakwekomaa waki ko kika iiaa neja ti tsabami tisini na tisa iniko tikitlai basla likiiiri. ⁸ Awu hati haremi ta sagu mibi ta hela bere sokono afahhani na sarafu waki ohisiyabasla taa li tseqi doo lidabasla ara uuru paka lakatosley. ⁹ Bere koan oooo waraeeroso ama ra afiroso nikooo kwaame diwaki aini iniko ana slamu kara sara furii kana ale hhamisi. ¹⁰ Hinko sle sunu hhahhabimu kwaru wani panda ta malaye ka ko lalaali sako tlakwekomaa waki koki kakiaa." ¹¹ Ma Yesu niki hhabu hiru woko iya ale day njadi kono. ¹² Kodo nini nikihhaba satata woini tata siharisiti lohay ko gamu tiki hhaa laalimu dosi nikidehhhini gamamaroso ti diroini. ¹³ Babu naeebasla kodo nini nikikurunkuru tuko kisige aarimamiti nikihautu ara hhape tasige taysi nikipasi hela roso tlakho gama taka tli basla ni kipasa elaroso ara gimba ba ta tlaku. ¹⁴ Inisle kiyaale hheesi linga tuku qwari koda diri iya edafu hhaperodi inishe niki ansini slaani kara. ¹⁵ Nikihautu niki yandu wosi iisirukay ini waki waki hiru kohhaperoqo kwalehhisi qay moli rosi aa gimisu bino. ¹⁶ Liebuhhumu lunu akhisi ara qafera ti kiyaaagi na bino iniko hhaku hiru sokwaharisi gamu woko lislawini aago. ¹⁷ Ila nuwoqo ninina kiya aasi muna wosi iyaoo yandamusay magi ko tata horo koaago koma naaa ta buutisa anasle diti wari gwagwaamu ara qwari. ¹⁸ Hautu mahautu ara titatahoro ma sekohhabu tata ana dakusu rawa dawurili a panda ta ila wagi. ¹⁹ Kislaiyabasla likooo ningogo kara iisi nti ado waki ko yandumisa wagi. ²⁰ Mani kioso hautu ara ti tata woini kama kiya sigeli wani tatawoi kwaani nosoko slahhaa niki hautu ara feetu no koaatlisi noko humbaati. ²¹ Kholimowod nosoko hhabu tata woini anadakusi rawa dawurili a panda ta ilawagi kislaiyabasla likioooo nuwogo. ²² Tata wodo sikiya hhabu nadumusay wasi hubare tsiga eluaa ta hhooo lo so elu uuta saeluaaki pete ti dintsali a gama waka. ²³ Ma hubare dana rodo ta wahhali laisiqutlakawuta la aagimani la kwaamani. ²⁴ Iniko ningo iya ale gwaa iniko slafi iyaale hhani hinko ina oo nikia nsine tsutsua. ²⁵ Manuwo dadiri iya qay moliwa ni kiyaale khotsi kiya sapi ayali iyaakhasi afo ta raama a qwantsi so. ²⁶ Nikioooo yandumusa woko nokoma hasi yaremowaki yandu woini namiini? ²⁷ Nosoko hhabu na handumusu woso ni ngokini kodo nina ina khay sokono isiqutlu dama na tata wokini tawahhati inikoina kiii sayu. ²⁸ Nu kodadiri nikiqupiti nikisii edafa waay li a tata woini iya tiiti fendili no soko hhabu. ²⁹ Nosoko hhabu tata woini no kooo ila khumisi ana oboimisi kwara naaa kama adakusibasla kamuuutisarogo iniko siya harisi ti basla kama dakhwari kwama la losona iisimu a wa raeerii. ³⁰ Iniko kina khay ningogo heki kwa gamama rogopasi tuku diwaki abiiisay sono isiqutliti dama tawahhati. ³¹ Nokooo na tata ningo ku diwa ki warani aana balu slome a tuku kakomu toqu. ³² Ila aale hhoati ayori iisiru losoma la kwaamani sa ningokini heki iya ale gwaa hinko slafi iya ale hhani hinko inapoo."