¹ Latlehheta hira ko Lalaa gugusasima ado daqawasa ti kiyaslaaana. ² Lakhotsita ti slaaamali ado Kristo do tungunara slaa andaa kuna harisi ini waka saundaa ini aale naamisu a ise quthitu a tliaa ta hoho lakwaaru Lalaa. ³ Tlakwe slome a hhehha ta tlaku quru Laka hhabu dirokini ado do takara slaa ti kwa yaaanei. ⁴ Qupita mare kahhabu gimba konetla a netla ko muritimisu ko eko ba tla indeeroso liwanta naamisu. ⁵ Islautaa la tsaba konta ta tlakwe tlaku ko slaaama. ⁶ Mare toko awanaha na hiru aaremo ko hhaku sa gimbabata qupita ko Lalaa wa khakhayu rawa ko daqay ko khaaama muta basla. ⁷ Henko mare nkunaru slahhate diwa ki aina. ⁸ Ini hungura tlatle soko ae boaa hinko lakini ana tlehhete hoa ti dadiroli honko ara khotsimei ado daqay ko hhoo. ⁹ Hinko aamu ko hhoa ara slahhati hhoa deni slome tsaba qamuwii. ¹⁰ Dabay todo takwearu ti dadiroli. ¹¹ More kiwani ara slahha ti wandu ko eboaa la aamu komisla laqasi pooli. ¹² Ini ko aaremo tiki iisasini naina fiba mure neja hhabirubiru. ¹³ Gimba tuku taka poimasi na hhoa pooli wanta. ¹⁴ Ini kila gamu takwa poisi tlehheti hhoali hinko hhahhabi dosi watlawi ku koni qati wara tlawi ti qwaara ka a Kristo wanqwati ra wawaqi. ¹⁵ Hinko maqei do kara khotsatsinte ado hiro kohhoebasla ado kwea hhoo. ¹⁶ Iisei siwa ta tlaku. ¹⁷ Mare dahaye endee was tsahhe miini tlaama kidadiro. ¹⁸ Mare kaonimeti sa khufa ti tlakweli lunku hatsi munai kohhoo. ¹⁹ Gimbusei akila waki waki ara waamu a dambita a raamu ko munai rae a dumbita ara muna ko dadiro. ²⁰ Lanko tlasi naamisu sa aaremo tuku ti amo ta Kristo Yesu dadiro waoro ti lalaa tatali. ²¹ Uni batsite hunguraa kila waki ti wokoli ara mure ta Kristo. ²² Dirosii uni batsite ti hhamate wakino ado ti dadiro. ²³ Ini ko hhawata saga kohara ado Kristo do kasaga ti Kanisali slakhasa ta slaqwa. ²⁴ Uni ko ado doo ko Lalaa da kibirali wanta ti Kristoli dosi tikay quru liqesina dosi ti hhawate waini ti kila aarali. ²⁵ Hhawate slaei tikay waki ado do Kristo kiya slaa doo ko Lalaa munkunu batsa ini waku sa ini. ²⁶ Iya doso iisi li boaaoto kaboiisi ara hhuntsa ara maay ti aarali. ²⁷ Iya dosoiis liislay lehhisa ini waka doo ko Lalaa ko hhoo bila aara dakwe a gamu tunkuslanqasiri a heti, lahhoo ta da kwe komibosla. ²⁸ Ara amorodo loo loo hhawate kislaa li slaairi tikay waini ado slaqo wairi ko hhoa kunuru slahha kodo ko hare slaama uni slaaana ini waka. ²⁹ Hhaka kama ta waki koqupimamita slaqwa roso endeewoso unu wa hharemamisi na kula slaa ado Kristo do kiyara slaa doo ko Lalaa. ³⁰ Uni anda kanara a slaqwa roso. ³¹ Ini sa doso hhamata tata woini may a iyoroini unaru slahha a hareroso kwasa njadi thehhitiri slaqwa waki. ³² Heki iya ale nahhata hinko aimu ado Kristo a doo ko Lalaa. ³³ Ini ko kita waki wakoni uutu lusla hareroso ado ini a hare uuru li muriti hhawata woso.