¹ Sahe ana Paulo, kiya tseqe sa Yesu Kristo sahungura hhapapu. ² Ayaaamu ana akhasite yanda ko hhoa ta Lalaa tisikiyahari sa hungura. ³ Sutsaqamu ado poisa takapoisi diroi he natsaba tanahhata ka tsaqamu ta qunqwumara ti taratasi wakali. ⁴ Kutsahhatimamisiti ti heti islatu tsahha hhoa rii ti tsabali tanahhati ti Kristoli. ⁵ Ti lagwali wakinai tsabati kaiiisini basla loko tsahha na bay hira iniko kwaqasi pooli ara munai koyaaabutay ti kiya pslisi na yaaabutay. ⁶ Tsabata tanahhati hira kohhapapu ara slahhamu say endeewatini a yaaabutaya endeewatini ko slaqo ara slahhamusay diwaki a hhaba ta Kristo Yesu fusa ara qimbababa. ⁷ Ahe atlehheti yandumusay ko makoti ta hhoa ta Lalaa lakaharisi diroi yandu ko aauru woso. ⁸ Lalaa iyaharisiti mokoti diroi ini ana hiru koninina ti slomeli ti kwadi tikiya paslisi sa Lalaa mokoti kislaa lisitsabibu hhapapu aaremo ko hindaqaruma tayuuta komi basla ti Kristoli. ⁹ Kislaa lusugunetsaasa hira slome miini wawa ko Lalaa ko waay he wawaaq kwa ale nahhata ko kwara na'aa kwa fusiri a Lalaa ta boiimisiti gama tuku. ¹⁰ He aale ti Kanisa koma iyara ibiteri dira ti yamu ko daurili li slawina tsahhe Lohai naaa ko aso hhoa ta Lalaa. ¹¹ Kwa laka inatiitiri ara waway ko lanko takwa hheese waay Kristoli Yesu dadiro woro. ¹² Ti Kristoli tihema koma aaauru koeda/a ara tihema sa yaaaru woro dirusi. ¹³ Ufiri mare katamatsate sara neto ri saheru raa he hhoa rokini. ¹⁴ Sahe tungunaimi ti tatali. ¹⁵ Dirosi ti daqay dahurili ati rawa hhapeli kaaaoo uma. ¹⁶ Firimu Lislawina hhoa tatiis dahha a hinda qaruma ta hhoa roso liki'iiisi iyaaatliri ara aauru ko muna woso ko wara waay wakini. ¹⁷ Firimu Kristo liibiti waay muniwa kini ti yaaaruli. ¹⁸ Uni firimi la qama konta a tlatleso lo ko slaama woki. Latlehheta ti slaama wosi la isla tsahha diwaki a slome kwa yaaane do etlakhu atladaro a qoma a waay khua tahho ta Kristo. ¹⁹ Ufirimu latsahhala dira ta slaamu ko Kristo ko baaa tsahha lai'iisinta heti lunkuaaatsi buuta slome ta Lalaa. ²⁰ Ahinko ini koislaslawa iiisiru kila aara ne/a taslome ka firarimana ata wawuma misani ata tiri quruwosi hararima ta iiisasima yandu waay watini. ²¹ Dirosi ithehhiti hhoa waay kanisali ati Kristoli Yesu sa laqwalima tuku lanko a lanko hhoa.