¹ Paulo yaaadutay ko Kristo Yesu ara tlaaru ko lalaa, a kwada tiyaamatli salalaa kowa ra Efeso kwada kotsaba ti Kristo Yesu. ² Hhoa lidirokiniwa nta atlakha ta tali lalaa tata woro a ti dadro Yesu Kristo. ³ Lalaa atata ko dadiro woro Yesu Kristo loso koharisi kwaaru ini nasukunaharisi hhoo la munai ti yamu ko darili waayi Kristoli. ⁴ Kiyakahhati fitsima boiisa lalaa kunaele hhe anda kwayaaane ti Kristo. Kunae lehhe anda latlehhitani kuhhoo. Mare katlakuwana Pandarosi. ⁵ Ti slaamaosi lalaa kunelehhe tlatlesaka munku ado hay wasi ara afaa nio ta Yesu Kristo. Iyadotoii sakwaa ru Kiyakwaa saiisiru kiyasla. ⁶ Hhoa roso lalaa kadires ara hhoa tadi raroso he nusunkunaharis hhaku ara afaamo taslaama woso. ⁷ Tislaamusay wosi iiso kamar ara titserero so hara hhinsla aa eeroso kotlakwe komaan he sahindaqaruma ta hhoa roso. ⁸ iya iisini hhoa naaa saandaa ti waway ati tsahha kiyaiisini na lala. ⁹ Lalaa iyaiisinti llipooto dirotini tsobarodo dirotini tsobarodo tanahhata ta waway wodo tata hhehha taka poisi way Krisotoli. ¹⁰ Siwa inadahata ta efako kawaway woso lala qasiti diwati kila qamu kodari a korawa a hhape waay Kristoli. ¹¹ Ti kristoli kunaelehhe munkaru kunqu siwa takahhali he atlehheta ta waway kokodo koii sasima qamama taku takara kinqu ta slaa maroso. ¹² Lalaa iyadodoiisiti latlehhetani la warana sakwaaru kohoaroso anda kuna tlatheso the mali ti waay Kristoli. ¹³ Ara ti afaamo ta Kristo akhasite aara ko loo tsaba ta iiso ara amoo takristo ati diros iyayaaani nisiroqasi kalay a muna kohho toka qas. ¹⁴ Muna na qwadiruworo ko alime ro paka oho liya tii hena hhoa takwaaru ko hhoaroso. ¹⁵ Ti ile siwa rodi ara paaro hoki tiwaay badiroti Yesu aslaama waki akwadi slome tiki ya dehhe saini. ¹⁶ Ama wibasla naamisu lala sa hunqura kihha hha babi ti firorii. ¹⁷ Firimu lalaa ta dadiro woro Yesu Kristo tata ko hhoa sunkuharis munai kohhoopoisa ta tsahharoso. ¹⁸ Firimu ilawa kini komunai liaao hhoa ahu nqura kokhoa na kolo tihema koaaoaa dirokiri firimu latsahha la hindaqarumaroso hhoa ta alime roso dirioini tikiya dehhe sa ini. ¹⁹ Firimu tatsahha dira roqiro ko aauro waay wori kwado kwayaaane he dira iyatiiti a iisima yandu ti aauru wosi. ²⁰ He aauru kwa iisin yandu waay Kristoli ti lalaa to kwa slafisi ti kwadi kwa fatiyea nokoibitisi ti dabai wasi ko aauu yali ti yumu kodarili. ²¹ Kwaibitisi Kristo rawali siqeli ara ibita uuru ansi akila afaamo takahhabu Kwaibitis Yesu ti to siwali he sasiwa ta khotsakara. ²² Lalaa ini aaoo qama tuku bira ko yaamasi ko Kristo. Kwa iisini ini saqa rawa qama tuki ti kanisali. ²³ E kanisa na slaqwa roso buuta roso nahatsimaamisiti qamama tuku ti amo tuki.