¹ Kwad slome ko biraliwaraa kiiisasin tongi mai sikiafa tlemamis hhawate wain ado koro mure komaa kislaa li dos iisu aa sa uma ko lalaa ha tsahhatisa mare tikiooslini. ² Tongimai ko hhawate komaa mare tiki hheriti sa inaa dawai. Bere male likiakhas neja bere mele hhawate tikiriaaay yandu woin kwad tikiya slaa tsahhatisi ha lahhabiti aaremo wak. ³ Bere hiru kobiite tsahhatimis ara hhamisa ha iloohominabasl hhabi ror ta tsoba bere mele ana bimbaba ta Dadiro wor Yesu Kristo bere ado ilaohomimabasl tsahhatisa ta wara pandali. ⁴ Hiruu uneiisin la khuiyabasl dowe malilingagini ha tsimahhi sa gimbabaa. Gimbabasl aimbabat iya tlomu hubabint qwatla kunkuray waway ko tlaku. ⁵ Ha qwatla ko siwa ha siwa ha hira ko waway tokowalingi. Tsoba mamayaa. Qawomamisiri tuba amota utauwa ta hindaqeri. ⁶ Hinko utauwa ha yaaru na tsinaaasa ta dadiri. ⁷ Dosi akihawa basl ha gamu kobiite fitsimali gamu hhaku kahuban fitsimaka. ⁸ Bere mele labuutan hara aago ha qayro. ⁹ Hinko was ko gam komaa tavuaagir ti warahholi. Hangaykinaa ti tlomuli tlakwi ha ti gamu kobiiteli ko hira guumima ti lingiruli. ¹⁰ Dosi slaaru ka pesa naamo ta tlakwe slome. Hira kodari slaaamaa kihhamisi siyeli ha arapaaru udaiiri ina kiloin hara slahhaame naaa. ¹¹ Iniko kihir ko lalaa lakiti aaremo was tsoba nagusenki utauwa tsoba slaaru kikihhiso la mure. ¹² Wita difi tabaii ta arapaaru. Aatlisi hota ko balu slome. Iyadoti want sa iimbo panda ta hira naii ti tod ta hhoi. ¹³ Soharimisi yaaabot panda ta lalaali taiisasima gama sloma lihot ha panda ta Yesu Kristoli kiyahhabi ko tsoba ti pontio Pilato. ¹⁴ Hhabi qasenki hara tsoba mare tlaame paka kieemo ta Yesu Kristo. ¹⁵ Lalaa hhabit kieemo was hara siwa ta loo lalaa araohimusay uuru iniwak khambatlu ko uuru komaa Dadiro ko pandae wara. ¹⁶ Iniwak hotatint balu smome ha liibit ti pisaruli tikilingibasl. Hiru hhak koarima dirosi litlehhit haramure ha aslaymu ko blu slome. Amina. ¹⁷ Sahhabenki ko gamama komaa fislimati mare ludaraaaana ha mare lunelanginaa ti mamamali ko uuru komibasl. Iniko itlaa ti lalal elanginaa. Bere mele tusukuharimamis gamama ta loo sa lageseman. ¹⁸ Sahhabenki linnoa iisinaa ligamama slawinaa ti yandu ko hhoi lirimure konaa ha munai ko harisa. ¹⁹ Har amaot suqasiyaa hhoa sa gimbata khotsa sali hota kohho ohiyaa. ²⁰ Timotheo khuumi tod tosoko waharis liakiti tsimahhi ta netla ha tsotsoo ta mala. ²¹ Hira wana koetlahamamimaa aaremo wak dosi sle arapaaru konaabasl. Hhoa lidiwaki want ha kuu.