¹ Hinko muna oini pooli tiba ti siwa ta khotsi hirawanaa komayaa araparu malieitimisiri munai koawanahaye ha tsahhatisa ta tlaku takatsatsahhati. ² Si ti lamali waway woin kofokitisi. ³ Kitlahhasi khabo na aago ilaoha taka tlehhena lalaa likiyaabu hara naasa diroini tikiyay aaan hakokhua tsoba. ⁴ Sa gama slome takatlehh na lalaa ta hoo hhaku taka naaba takaaslay sia. ⁵ Sa ka hhunts hara uma ko lalaa hara amo ta firoo. ⁶ Bere aaremo wak liqasiti panda ta dawaili tlehhhiti yaaabutay ko hhoo ko Yesu Kristo. sa kawaratles hara bimbaba ta arapaaru hara tsahhatisa ta hhoo takagusit. ⁷ Iniko sii hhabo ta fitsima takaslaa na tikay garuu. Dosi utsahhatisit kiwakti hhoali. ⁸ Iniko neto ta slaqwa tahhoo ta ninina ini utauwa ko hhoo neja ti gimbaba slome. Qamamitir bagat ata hota ko hinko ha kwadi ko maqa. ⁹ Yaaabot taloo hakaslaa lakayaaan neja. ¹⁰ Bere sa het tabu slaslawan layandumamita hara uuru neja ini uuru koma sa lalaata slaga isle na araohimusao ta hira slome iniko sa kwadi kowayaaane. ¹¹ Lihhabit hali tsatsahhatisiti. ¹² Mare boko khuuni hara tlakwe siwa rogo na hiru ko biite. Bere mele latlehhiti hiru kobiite ti slomeli ti hhabili arakhotiso slaaru hhoa ha hhoa. ¹³ Paka bere anakii ekahi ti tsahatisali ti araooaa ha ti tsatsahhatisali. ¹⁴ Mare ekwahha gamu kowara waay wagi tasokowaharisi ti yaaabutimoli sa araqasa dabai na garuu. ¹⁵ Lawawumimisiti bimbabat hoti ti kwasi sa dira rogo latlehhiti araohimusay ko hira slome wawasi neja ara khotso wok ha tsatsahhatisa. ¹⁶ Hoti ti aaremo waki bere ladosaiisit uwaratlesi iniwak ha kwadi tokoeitimamisa.