¹ Arimei slaama kalo tusunguhari tata ini ko kuni oooomini a haay ko Lalaa, doti na do kara warani sa doti fitsima kutsatsa hanaba sla saga ini kwatsa hhebasla. ² Tunguna slaa anda daqay ko Lalaa, ina pootibasla kahhati do kara tlehhetani khaani Kristo bere ina poo uni slanqwasani aandaa oara ado kiriswani. ³ Kila hiru kotihema maki koma ti siwa ta khutsiti toso kwa hhabu dirosi uni aa bakwesi ini waki ado ini dakiri wani kohhoo. ⁴ Kela hiru ko panda khakhakhu tla kwe iisiru gimba woro getimasi tlukwa gimbaba qetimamisiti. ⁵ Khuutaa Kristo kwapoisi ka tlakweroro batsa tuku a waay wasi hhaku tlakwe. ⁶ Hhaku kama to waki koiba mamita waay wasi ali panda khukhuu tla kwe iisiru hhaku hiru kama waki ko ibimamiti ti tlakwali bere kuna ani au kotsahha ini. ⁷ Daqay tikislaa mare kaya aante luni hhamisi na hiru woko koiisa sima tsaba ini kotsaba ado do Kristo ini dokriwani ti tsabali. ⁸ Kotlakwa ko ibilisi tlakwe iisasini kosiqi tlatlesoka ini he kholima ko Lalaa sawkwa poisi liislaqa linga yandu ko ibilisima. ⁹ Woko takwa laqwa na Lalaa iisa sina basla tlakwe o sa pisa karo ta Lalaa ibimamiti waay wasi isla yabsla panda khua iisiru slakwe kwa la qwali na Lalaa. ¹⁰ Ti heti daqay ko Lalaa a daqay ko ibilisi kikhuu. wolo koiisasi mibasla ko ii sasi mibasla tsaba ko Lalaa ko ba sla awu kodo ko islawi basla ningonii slaa. ¹¹ Heki nagimba kwa a khasite ti tlatlesoka kuni slaa kunu slaa slaani anda a andaa, ¹² Mare ado Kaini kwa tlaku iya ningoini gasi sami kwa gasi sa aaremo was kwa tlaku atodo taningoini aale ta tsaba. ¹³ Ni ngoro mare kaetlanganaate bere kunu waki na fitsima. ¹⁴ Khuani anati'itani gwaara edafani slafimali a slaani dawai woko kokomibasla slaama ibimaiti ti qwaarali. ¹⁵ Hiru woko kwa ningoini waki tsuaauuni khuta slafima ko lanko ibimamiti ya basla waay ko gama misi. ¹⁶ Ti heti okhuani slaama Kristo iyaba tsa slafima wasi sa andaa andaa sle kuni slaa laharisani ibina woro sa dawaimo. ¹⁷ Ini ko woko ko gamu Mama koma ko Lalaa ara so ararima ko slaama iniko Muna woso kotlahhamisi koro khua saini eya slaama ko Lalaa mele ibimiti waay wasa. ¹⁸ Daqay wii kana slaa mare kasla ani ara afai awu ara aaremo ko hhaku ti gimbabali a tsaba. ¹⁹ Ti heti khuan andaa wara ti tsala li a munaiwatisle ini arine ti ini. ²⁰ Iniko be munaiwatini tle kune wakimisi Lalaa tadadiri ini ko ado munai watine basla ini khuutu aaremu tu. ²¹ Tunkuna slaa ado munai watini kunu tafakina basla komani tihema ti Lalaali. ²² Hhome kaararimani ililaohani ti dirosa, aohahimani kamuuuti saroso iisasima ni gimbaba taahhoo pandarosi. ²³ He na kamuuutisa roso kuni slaa la ya aamani ti uma ko ningosi Yesu Kristo luslaani andaa aandaa ado tusunguna harisi kamuutisa roso. ²⁴ Ko yaa'ama kamuuutisa roso ibimamiti waay wasi a Lalaa ibimamiti waay wasi khuani ibimamiti waay wasi ti muna wodi kwakwahhi.