¹ Todo tawanta tasigi tlatle soli todo kaakhasana todo kaarani ara i lwatini todo kakhuumani ara dabai watini nkaakhasa gimba ko sla fima. ² A slafima wodi kwa iisini lipoo poo li ono arana a noko yaaamani nisi kitsabimani slafima ko lanko kwa wani ti tatali kwa iisini lipoo diratini. ³ To kaarani kaakhasani a tsabimani diro kini sa luru slahhota diwaki aandaa ara slahharoro diwaki a tataa ningoso Yesu Kristo. ⁴ Suni tsaqamani gimbabati hunguraa sa kwaamawaki li buuti yaa. ⁵ He nagimba kwa akhasana kwa diroso dahha lusunku tsabini Lalaa pisaru loo a waay wasi hhaku eboaa kama tato ninina. ⁶ Kama laoani unaraslahhani aini khotsatsimani eboaali awa na hahatani iisasimanabasla tsaba. ⁷ Ini ko belakhotsitsimani ti pisaru li ado do kiyara wani ti pisaruli unara slahhani andaa andaa, a slere ta Yesu Kristo kholimo kunabatsa ti tlakwe luka. ⁸ Kama laoani komanasla tlakwee uni awanahatani anda kilotini a slaba hha waay watini. ⁹ Ini ko belayaaamani tlakwa ro tuku ini kororo horo tsaba kumay tlakweroro asunkubatsa tlakwe roro slome. ¹⁰ Belaoani aiisimanibasla tlakwee o iisima ini lamusimo a aara wosi hhaku waay watini.