¹ Ndeve kwelule ulwa kukangasiva inumbula mwa Kilisite, ndeve kwevule uluhuvilokuhuma mulughano lwake. ndeve kwevule uvuhangalinisi vwa Mhepo umwimike. ndeve kwelule ulusungu. ² Munywilisiaghe ulukeelo lwango ulwakuuvalumo nakuuva nulughano lumo, ye mulilumo mwa Mhepo, nakuva nuvufumbue vumo. ³ Namungavombaghe uvufinyi ni ni vyivono. Ulwene mulwa kujisia kukuvavona avange kuuva vanongiile kukila umue. ⁴ Umunu ghweni nangalolaghe uvufumbue vwake mwene, looli kange akolopalilaghe nuvufumbue vya vange. ⁵ Muvisaghe nuvufumbue ndavule alinavwo uKilisite Yesu. ⁶ Nambe umwene aling'iine nu Nguluve. Neke nikavona kuti ulwa kuling'ana nu nguluve nakiinu kya kugadilila. ⁷ Ulwene alijisile jujuo. alyakoliile ulwakuva mbombi. akahumila mulwakitiwani kya vanhu. alyavonike munhu. ⁸ Umwene alijisile na kuuva mwitiki kuhanga kufua, ifua ija kikovekano. ⁹ Mu uluo unguluve alyampaalile kyongo. ¹⁰ Alyavombile uluo kuuti mulitavua lya Yesu ilifundo lya lyoni livaghile pifughama. Amafundo ghavano vali muiisi nava paasi pa iisi. ¹¹ Akavombile ndikio kuti ulumili lwitikaghe kuti Yesu Kilisite ghwe Mutwa, kuvuvaha vwa Nguluve Nata. ¹² Pelino, vaghanike vango ndavule vunomukwitikila ifighono fyoni, ulwakuva pwenile une, lino pelukome nambe napwenile une, muvombelaghe muvupoki vwinu kisila vwoghofi napi. ¹³ Ulwakuva ghwe Ngulve juno ivomba imbombo munkate jinu neke kuvavika kunoghwa kuvomba ghano ghikumuhovosia umwene. ¹⁴ Muvombaaghe imbombo soni kisita kupikana ni ng'aning'ano. ¹⁵ Muvombaghe ndikio ulwakuti muleke kupikana kuva va Nguluve avasila lupiko. muvombaghe ndikio muvombaghe ulwakuti muve lumuli lya isi mu kisina kya vugalusi nu vuhosi. ¹⁶ Mugadiliale fijo ilisio lya vwumi neke kyaniluting'ania kuti nakikakimbile uluvilo kisila luvumbulilo. ¹⁷ Pope pano nikutavula kuva litekelo pakitekelelo ulutangilo lwa lwitiko lwinu, nihovoka, kange nihovoka palikimo numue mweni. ¹⁸ Vulevule na june panomuhovoka nakuhovoka palikimo nune. ¹⁹ Neke nihuvila mwa Mutwa Yesu kukun'sungha u Timoti kulyumue akavalilo kano kalipipi, neke kuti nivakangasie inumbula kyalenikagwile imbombo sinu. ²⁰ Ulwakuva nakwale ujunge juno nikumwagha ndavule umwene unya vufumbue kulyumue. ²¹ Navange voni vanonaale nikuvasung'a kulyumue vilonda imbombo isavanave sene, kange sino nasa Yesu Kilisite. ²² Kange mulumanyile ulutalama lwake ndavule umwana muno ikumbombela ivise, fyeavombile nune mulivangili. ²³ Kwekuti nihuvila kukusung'a ng'aning'ani nikangwile kino kilihumila kulyune. ²⁴ Neke leo sakyang'ani kwa Mutwa june kange lino nilipipi pikwisa. ²⁵ Neke lino nisagha pikun'gomosia kulyumue u Epafradito. umwene nyalukolo vango m'bomba mbombo kange n'sikari n'jango, mwamulua kange mbomba mbombo ghwinu mulwa vufumbue ²⁶ Ulwakuva alyale nuvwoghofi uvwa kunoghua kuva palikimo numue mweni, ulwakuva mukapulike kuti alyale n'tamu ²⁷ Ulwakuva akale ntamu fijo ulwakufua. neke Nguruve akampyanile, nuvukola vwa Nguluve navulyale kwa mwene jujuo, kange lulyale kulyune neke kuti nilekaghe kusung'unala. ²⁸ Ku uluo nikun'gomosia ng'aning'ani luno luvaghile ulwa kuti panoluvaghile kange mvisaghe vakuhovoka najune niva nivusivue ludwesi. ²⁹ Mumwambililaghe Epafradito mwa Mutwa nulukelo lwoni, muvughopaghe avanhu ndavule umwene. ³⁰ Ulwakuva lulwale lwa mbombo ja Kilisite kuti alipiipi pifua.Akakulusye uvwumi vyake kuti amoke une akavomba kino mukakunilue kuvomba mulwakunengelela une ulwakuva mulikutali nune.