¹ lwakuva jumue mukagwile,vanyalukolo ,kuti ulwisilo lwitu kulyumue nalukale vuvule. ² Mkagwile mutambula kuva muvwasio muvutengulilo tulyapumuike na kukutuvomba kinyaoni kuva pilipo kula, ndavule mukagula. Tulyale ni ngufu mwa Nguluve nambe mu mumuko nyinga. ³ Lwakuva uluvungu lwitu naluhumilanila nuvuvivi nambe muvunyali mugila. ⁴ Ulwene nambe vule twitikisivue nu Nguruve nakukwitikisivua ilivangili, sesene tujova. tujova, nakwekuti tukuvahovosia avanhu, looli neke kukumwovosia uNguluve. umwene mwene ghwe juno ilolela inumbula situ. ⁵ Ulwakuva natukatumile amasio gha vukedusi un'siki ghwoni, ndavule mkagula, kange kutumila amasio ghano nagheghene muvunoghelua, uNguluve ghwe saidi ghwitu. ⁶ Kange natukalondile uvwimike ku vanhu, nambe kuhuma kulyumue au kuwange. Twale tuwesia kudaja kughanika ndavule/hene vasung'wa va Kilisite. ⁷ Pepano lino tulyale vapolele mu lyumue ndavule u mama finoikuvaghumbilia avana vake jujuo. ⁸ Musila iji tulyale nulughano kulyumue. tulyale lwakuva mulivaghanike vitu. ⁹ Ulwakuva vanyalukolo, mukumbuka imbombo ni taabu jitu. pakilo napamwisi tulyale tuvomba imbombo neke tuleke piva vakunue kwa ghwoghwoni. Un'siki ughuo, tulyavavulanisie ilivangili lya Nguluve. ¹⁰ Umue mwemue masaidi, nu Nguluve, ghweghavwimike vya namna nyiki, kyang'ani,na kisila lupiko finotulyalutagha jusue pamaso ghinu mwevano mukumwitikila. ¹¹ Vule vule mkagula muluki mwakila jumonga ghwinu, ndavule ubaba finoalivuo ku vana vaake finotulyavalasimisie na kukuvakangasia inumbula. Tulyavahuvisie. ¹² Kubha lulyabanogile ngalule vilivuo iliyenelo jinu kwa Nguluve, juno alyaba kenelile kubhutwa nu bwinike bwa mwene. ¹³ Muuluo tukumwongesia u Nguluve kange kila n'siki. Ulwakuva un'siki ghunomukupilile kuhuma kulyusue imhola ja Nguluve jinomukupile, mukupile kuti lisio lya vanhu, neke mukupile ndavule ilweli jilivuo, ilisio lya nguluve. lyelisio ili linolivomba imbombo ati jinu mwevano mukumwitikila. ¹⁴ Nekelelo umue, vanyalukolo, muvisaghe kwigha itembile sa Nguluve sinokwesile uvuyahudi mwa Kilisite Yesu. lwakuva najumue mukapumuike mu mbombo silasila kuhuma kuvanhu vinu, ndavule jilivuo kuhuma kuvayahudi. ¹⁵ Nalyale vevayahudi vevano valyamudile u Yesu palikimo navavili. vevayahudi vano valyatudagile tuhume kunji. navikumunoghela uNguluve vevalugu ku vanhu voni. ¹⁶ Nalytusighile natungajovaghe navanonavikumwitikila neke vapate uvuvangi. amahumilo ghake kwekuti vighendelela ni sambi savo. muvusililo ing'alasi jikuvisila. ¹⁷ Usue vanyalukolo tulyale tutengine numue kun'siki n'debe ghwa m'bili, neke sio kinumbula. tulyavombile mungufu situ nakuvunogheluo ulukome kukusivona isula sinu. ¹⁸ lwakuva tukanighilue kukwisa kulyumue, une ne Peteli kulwakwasia, nulunge, neke usetano alyatusighile. ¹⁹ lwakuva kukwima kwitu kyekinu kiki kumwande, lukelo au ingigha ja kujighinia pamaso gha mutwa ghwitu Yesu un'siki ghwa kwisa kwamwene? pe umue namuli kanono ndavule avange? ²⁰ lwakuva umue mwemue vwimike nulukelo lwitu.