¹ Paulo,mrundi o Ruwa na mrumbo Yesu Kristo,ko uporo na isamburo la ruwa na wambure. ² Wakeri ko iiriko miisho lila ruwa cho alekerera wongo aleamba wokia kuoka. ³ Ko kieri kishirikie,nalelosha rero lake ko ingiruma alengienengia inyi ngilose ilengipasa ngirunde ko iwawoso la Ruwa oru. ⁴ Ko Tito,mana o loi ko uforo loru,Fsaria,na ikunda lukie ko Ruwa mndumii na Yesu kristo mwonowa oru. ⁵ Ko kuro ngirakula krete,kundu utengenese shindo shila shirawende marisio na iwikia wameku wa siri wa kila mri chandu ngilekuwawasia. ⁶ Meeku o siri alawi na lawama,Msoro na mka umu,awore wana woore uforo walekerero mawicho na ko uwicho. ⁷ Ni necha ko iambuya,cha mringi o numba ya Ruwa,alawe na lawama.Alawe mndu o kelele au alaichi ikarishia.Alawe nyachitsa kufui,alawe mnanzi ,alawe mndu ekende mondu,alawe na ilanga. ⁸ Ko kura nawe mtu ekeambilia ukundisicha.Awe mndu awore akili ngicha,aire haki,akundi Ruwa,ekekuringa amonyi. ⁹ Ekeirima iorokia malosho wa loi wale losho,kundu nairime iwaeneka ngoo ko malosho mecha na airime iwasungusia woose na airime iwasungusia woose wala walemlewa. ¹⁰ Ko kipha kuwa wanyamari wafoi,wale waririe.Marero wawo ni wa utondo.Wailemba na isongora wandu wareke. ¹¹ Nyi lasima iwalewia wandu cha iwo.Wailosha shila shila igitakie ko faida tsa sonu na inyamara kanyi kowo. ¹² Umri owo,mundu awore uforo,naleamba''Wakrete wawore wongo tsilawore.Misho,wawicho na wanyama wawicho,waroko na wakundi ila sana.'' ¹³ Marero ni wa loi,ko ikyo luwasuie ko ngufu kundu wairime iamba loi la uforo. ¹⁴ Iyo ulausike na hadithi tsilao lai tsa kiyahudi au iwaworo la wandu,wala wekewira loi numa. ¹⁵ Ko wala wai waili,shindo shoose shiili india woose wai wafunyi na walekeirikia,kuwore kiili pho.Ko kipha makusaro na ikusara lao lilemchafulio. ¹⁶ Waikusara imanya kuwa,Indi ko mauto wao waimlewa.Wo nyi wawicho,walekeicho waambilio pho ko mauto wao.