¹ Heni nda, Yuda,chitumagwa wa yesu klisi kahiheninda mdodowe Yakubu ndanguwandichilani hemwe mchemigwe na Nguluwi na muwengikula kuli igano lya Nguluwi mhaza ,na kwamilwa na yesu kilistu. ² ndangukuganila ni isungu na kikula goya igane kwa weinji kulawa kwa nguluwi viwena wemwe. ³ Wangholozangu, nandali majesa ga kuwandichilani kwa chiwalo cha wula ulohozi wotuwele hamwe ila mona ingana ndiwandichilapa ndiwahimizani mlutilile na ibamba kwachiwalo cha makundo gala Nguluwi ya wapele wanhu waheyo kamwehela kwa muhela weng'ha. ⁴ Mina wanhu wohawamzelele Nguluwi wapegwa kiyinjiza kwa uviso hali hetwe wanhu wawe kwa chiwalo cha kupegwa lututu kulawila kuli ukomu wa lewa wihile wangugalusa usenga wa isungu lya Nguluwi wahetwe nakumbeza Yesu Kilistu yawele yaliyeng'ha chilongonzi na mkulu wa hetwe leka wadite ung'hondwa ila maandiko matakatifu nagalonga kulawila kutali utaguso ulinguwabeta wanhu awo. ⁵ Lelo ndangugana kuwakumbusani zimwehanga hanga na mina wan' hu na kuwalavya kuli isi ya misili, ila hamba nakuwadugumywa wala na wowali hambewa kunde. ⁶ Mukumbuchile wala wahilisi wakilaga na weganile wawe naukulu kusinda nawowawele nowo ahyo nawaleka hanhu hawo hawganigire kikala Nguluwi nakawavika honhu hawawele na jiza na kuwawona kwa minyololo gose leka watagusigwe zuwa yila ng'hulu. ⁷ Mkumbuchile kahi Sodoma na Gomola na miji hafungo lake wennyeng'haye waaho na waditakota wala wa hilisi, wakilanga nawadita ung'hondwa nakuditila mbuli mlukuli zilingulimizwa nawapengwa utaguso wa chiluli mozuwagose nekuduma leka iwe ikanyo kwa wanhu weng'ha. ⁸ Ahyo ndo, vyo wawele, wanhu awakululuta, kwa hewa kwa ngulongoza kulikujela wavung'hului, za heho wawo nakubeza ludali lwa,Nguluwe nakuliga vilumbigwe vikulu vyakilanga. ⁹ Naheye Mikaeli yumwe wa wahilisi wakuluwa wakulu wa kilanga mahawaditile ahyo kwakulakitwanza haliheye na limozoga kwa chiwalacha kijesa lukuli lwa Musa Mikaeli na hojenzile kutagusa limazoga kwa miligo ila nakalonga mkulu yuye nayawakundize. ¹⁰ Ila wanhu awawangulinga choneche chochachizelele, moongolojiwelehela luhala. ¹¹ Mana wawo wanhu awo wawinza vihendo vivila vya kayini kwa chiwalo cha sendi weinjiza kulinogwa yiyila ya balamu wa belenuku kota kola vyovyobelenuche nawasugumigwa kota heyevyo ya sumingwe. ¹² Awando viguzo kuli domole yetu za kigana kusangalala bila kudumba wangilisa helahewo niilangalili hela manzi galinguguluka na mbeho nimigodi jipakatiche jilihela mibawo jibagamemala mbili jisomoligwe mizizi. ¹³ Ni mawibi gabahaki iwelena fujo,gangulavya kudeula kwawo zenyewe ni nyoto zilinguyelayela ambazo utituwa nechilo uzibatilila kwaajili ya hezomazuwageka. ¹⁴ Enoko wa saba wana wa Adamu nakalagula kuhusu hewo nakaloga mlole! Bwana kanguya nawahilisiwake wowa mbewawe zigwe. ¹⁵ Kuwatangusa wanhu weng'ha nakuwagaza weng'ha wohambe wamnojese Nguluwi kwa chiwalo cha maditoga hewogeng'ha gehile gowaditile na kudumba nguluwi nakwachiwalo ulonziweng'ha wihile ula wanhu wehile nawamnijile nawo! ¹⁶ Wanhu awa, ndo wawele ng'ung'uta mazuwa gose,na kupala nongwa za wanji na kuwatogola, wan'hu wanji ng'hatukwa chiwalo cha kupegwa vinhu. ¹⁷ Ila hemwe moloko mkumbuchile galagomlonjelwe aho katali na watumigwe wa mkuluwa hetwe yesu kilistu. ¹⁸ Nawawalonjelani "mazuwa gakuduma wola wila wan'hu walinguwinza mayaga wan'hu wohambe Nguluwi na hewo wowase ka hemwe kota wapoka". ¹⁹ Awo wan'hu wehile ndo wakile nguwambuza hemwe mibagule wan'hu wamayamagaisi wawele hela muhe waNguluwi. ²⁰ Ila hemwe ndilinguwagananiheni mizenje mwemwekuli makundo ga hemwe gelite ng'hatu mlande kwa ludali lya muheyelile. ²¹ Nakupona igano lya Nguluwe mumbeteza mkulu wahetwe Yesu kilisitu ya wele na isungu lya heye kowagalilani ukomuwa mazuwa gose nekudumba. ²² Muwe na isungu kwa wanhuwawele na lumwinwi. ²³ muwalohole kwa kuwanyasula kulawa mchilulli kwa, wanyi muwe na isungu, hamwe, kilolela, ila, mzudila mbaka na nguwo,zo hewo za maya, gehile. ²⁴ Kwa heye yadahile, kuwemilila hemwe mleche, kwa, usangalalo mbaka kumwando, kwa ukulu waheye. ²⁵ kwa heye yuwele yaliyeng'ha Nguluwi mlohozi wa hetwe uwe ukulu na kuzeleka ng'hatu naludali na mong'ho kukolela Yesu kilisitu mkulu wa hetwe kulawila mazuwa gose nasambi,mbaka mazuwa gose galinguya .Ena.