¹ Hanyuma Yesu aduganwa na mwemu na mwemu yera mubugaragwa kugira ageragezwe na Shetani. ² Amaze kwisonzesha imisi mirongine umutaga na majoro yumva inzara. ³ Umugeragezi araza ara mubwira, "Nimba wewe uri umwana wi Mana, bwira aya mabuye gabe imikate. ⁴ Aliko Yesu aramwishura aramubwira, "Vyandichwe, umuntu ntazobaho kumukate gusa, aliko kuli buri jambo liva mukanwa ki Mana." ⁵ Hanyuma shetani amutwara mumuji wera amuhagarika hejuru chane kumtu wi Kanisa. ⁶ Ni kumubwira, nimba wewe uri umwana wi Mana, Ikororere hasi, kuko vyandichwe, ngwazo, kuragiza abamalaika biwe baze bakuramire, mumaboko yabo, kugira ntuchitare amaguru yawe kwibuye." ⁷ Yesu aramubwira, "Kandi handichwe, ntukagerageze uhoraho Imana yawe. ⁸ Hanyuma shetani amutwala ahantu ho hejuru chane amweleka ubwami bwose bwisi nubwiza bwabo. ⁹ Aramubwira, "Nzokuha ibi bintu vyose niwampfu kamira ukasenga." ¹⁰ Hanyuma Yesu aramubwira, "Mvako shetani kuko vyandichwe, "Ngo ugombegwa kusenga umwami Imana yawe na uyikorere yoyonyene." ¹¹ Hanyuma shetani aramuleka na reba abamalaika baraza baramukorera. ¹² Yesu yumvishije yuko Yohana yafashwe aja Galilaya. ¹³ Ava Nazaleti agenda ni kuba Kaperinaumu, ili kungegwa yikiyaga cha Galilaya, kurugabano gwa Zabulonio na Naftali ¹⁴ Ibi vyabaye kushicha bidya vyavuzwe nu muvugishwa Isaya. ¹⁵ "Mumiyi wa Zabuloni nu muji wa Naftali ahelekeye kukiyaga hakudya ya Yordani, Galilaya na nabanyamahanga. ¹⁶ Abantu bichaye mumwiza babona umucho mukuru, na badya bari bichaye mu kihugu ni mukitutu chu rupfu, hejuru yabo umucha urasiye kuribo. ¹⁷ "Kuva icho kihe Yesu atangura kuvuga ubutumwa avuga, "Mwihane kuko ubwami bwi Mana buri hafi." ¹⁸ Aliko aragenda hofi yi kiyaga cha Galilaya, abona abavukana babili, Simoni uwariyitwa Petro na Andrea mukuruwe, baterera urusenga mukiyaga kuko bari abarovyi bi samaki. ¹⁹ Yesu arababwira, "Ni muze munkurikire, nzobagira abarovyi babantu." ²⁰ Bacha bareka isenga buramukurikira. ²¹ Na Yesu ageze imbele yabo abona abavukana bandi babili, Yakobo umwana wa Zebedayo na Yohana mukuru we bari mubwato hamwe na Zebedayo se wabo, bariko barasana isenga zabo Arabahamagara. ²² Bacha bareka ubwato nase buramukurikira. ²³ Yesu agenda genda Galilaya yose, yigisha mumasinagogi yabo, avuga ubutumwa bwiza bwi mwami, akiza buri ngwara nu bumuga murabo bantu. ²⁴ Inkuru ziwe zikwira siriya yose, na bantu bazana kwiwe badya bose bari bagwaye, bali ni ngwara zitandukanye nu bubabare abari na madayimoni na bagwa nehekuma nibimuga arabakiza. ²⁵ Ishengero rinini dya bantu rilamukukira kuva Galilaya na Dekapoli na Yerusalemu na uyuda ni kuva hakudya ya Yordani.