¹ Yesu na Mbanafunzi biwe mbalaso hola hofi ya Yerusalemu na balagenda maka Bethfage, kubela musozi wa muzetuni, hanyuma alabatuma ambanafunzi mbabili, ² Alambabwila, "Nimungende mwakidya kijiji kikwilikilaho, mara imwe mulosanga punda yamboshwe hadya na wipunda hamwe nawe. Mumbungululile ni kumbazana kwange. ³ Imba umuntu wewesi ambabwila chona kuvyelekeye ivyo, mulovuga, umwami alambashaka, nuyo muntulimwe alombalekula muze hamwe na nambene. ⁴ Ijambo ili dyalatokeye ni lidya dyavuzwe kuchila kumuvugishwa nilazima lisohole alababwila. ⁵ Babwila mukobwa Sayuni, lemba umwami , wawe amalaza iwanyu, nyitonda na yuliye ipunda na mwana punda umungambo wa bana punda mbatonya. ⁶ Hanyuma abanafunzi mbalagiye nikukola niko Yesu yambatumye. ⁷ Balamuza punda nu mwanapunda, ni kushila inhuzu hejulu yambo nawe Yesu alikala hadya. ⁸ Beshi kubela kukusanyika mbalashashe inhuzu zambo muzila, na mbandi mbalatemye amambabi yimbiti ni kusasa mwimbalabala. ⁹ Ishegelo ligiye imbele Yesu na Badya mbamukwiliye mbaladugije isauti, mbavuga, " Hosana mwana wa Daudi numubalikiwa aliwe kwizina dyu mwami Hosana hejulu chane. ¹⁰ Yesu asohoye Yerusalemu, umuji gose gwalashutuche ni kuvuga, "Uyu ninde? ¹¹ Shegelo lilishula, "Uyu ni Yesu umuvugishwa, kuva Nazaleti ya Galilaya. ^{12 14} Hanyuma Yesu alijila mwishengelo dyi Mana, alambabinga haze mbasi ambangula na mbanguza mwishegelo aliko yalatembagaje imeza za mbavujisha amahela ni mbitembe vyamba nguza inuma. ¹³ Alambabwila, bilandichwe, inzu yaje ilokwitwa inzu ya masengo, aliko mwembe mwakoze imupango wa mbakanyi. ¹⁵ Aliko mumwanya ambakulu mbamakuhani na mbandichi mbabonye amaajabu yoyakoze, na mbuvishije ambana mbatela ugwamo mwisengelo ni kuvuga, "Hosana umwana wa Daudi, mbalafashwe ni shavu. ¹⁶ Balamubwila, "Mwuvishije kidya kivugwa na mbantu? Yesu alambabwila, "Engo! Aliko ntimula mbisome, kuva muminwa yambana na mbana mbatoyi mbonka muli ni sifa zigezeho. ¹⁷ Hanyuma Yesu alambasiga nikungenda haze yumuji wa Bethania ni kudyama hiyo. ¹⁸ Mukitondo amalagaluka mumuji, yalifishe inzala. ¹⁹ Yambonye ikiti hofi yimbala alaugendela, aliko ntiyalose ikintu hejulu yawo isipokuwa amambabi alaubwila, "Nihalombe na matunda kwawe imisi yosi chane." Ubwonyene igiti chakiluma. ²⁰ Ambanafunzi mbambonye nambala shangangwa ni kuvuga, "Mbimbaye gute ikiti ni kumaa limwe. ²¹ Yesu alambishula ni kumbabila, "Ukweli ndambabwila, nimba mufishe ichizelo ata wasiwasi, nimulokola kidya chakozwe kwicho kiti gusa, aliko muloubwila nugo musozi, utwangwe na untangwe munyanza, na kilokogwa. ²² Chochosi chomulosenga kukusenga, ino mwezenye, mulokwakila. ²³ Yesu asohoye mwikanisa, bakulu mbamakohani na mbazehe mbabantu mbalamuzila mumwanya amaligisha ni kumumbaza, "Ni kangahe ukola aya masengo? Na ninde yakuhaye amatengeko aya. ²⁴ Yesu alashila ni kumbabwila, "Naye kadi ndambamkbaza iswali limwe. Niko mubwiye, naje kudya kudya ndambabwila na matengeko nyambaki mindakola imbinti imbi. ²⁵ Ulumbatizo gwa Yohana - wavuyehe? Mwijulu ama kumbana babantu? Mbalambazanya mbene yene, mbavuga, tuvuze, gwavuye mwijulu, nikumbela iki mtamwizeye? ²⁶ Aliko tuvuze gwavuye mumbana babantu, tulambatinya kuhula kukumbela mbosi mbambona Yohana niko alumuvugishwa. ²⁷ Hanyuma balamwishula Yesu ni kuvuga, "Nitumenya alambabwila yuko, "Wale jewe sindombabwila ni kumatengeko nyambaki nkola imbinti ivyo. ²⁸ Aliko mwiyumvila iki? Umuntu wabana mbabili. Alangenda kwa yumwe ni kumubwila, mwana waje genda ukole ikazi mwishamba dyi mizabibu. ²⁹ Umomusi umwana alishula ni kuvuga singenda, "Aliko hanyuma alahidula ivyiyuvilo vyiwe na alagenda. ³⁰ Na yudya muntu alangenda numwana wiwe wa kabili nikumubwila ikintu kidya. Umwana uyu alishula ni kuvuga, ndangenda, bwana aliko ntiyagiye. ³¹ Nuwahe mwambadya mbana uwakozre kumatengeko ya sewiwe? Mbalavuga, "Umwana wa mbele Yesu alambabwila, "Umbukweli ndababwila, ambakusanya ubushulu na basambanyi balopfa mubwami bwi mana hanyuma yanyu yokwijila. ³² Kukumbela Yohana yalaje iwanyu kukumbela ingoloye, aliko ntimwamizenye, mumwanya bakosanya ubushulu na basambanyi balamwizeye namwenge mubonye kwihana kugila hanyuma mumwizele. ³³ Mwuvilize akalolelo kadi haliho umuntu umuntu wijambo linini limenyekana. Yalateye imizabibu, aishililaho ulungo akola ichombo chokukanyulila idivai, alumbaka ulutala na alalikondesha ambabichi bimizabibu hanyuma alangenda muyindi isi. ³⁴ Hanyuma yokusoloma wi mizabibu umulasohola, yalambatumye ambakozi bambalimyi wi mizabibu kutola imizabibu yiwe. ³⁵ Aliko ambalimyi wimizabibu batola ambakozi mbiwe mbalamukumbita yumwe ni kumwicha nabadi balategwa amambuye. ³⁶ Hanyuma yindi, wungamba ishamba yalatumye abandi, mbeshi chane ya badya bambele, aliko abalimyi wimizabibu babakoleye kudya kudya. ³⁷ Hanyuma yaho umuntu yudya alamutuma iwambo umwana wiwe, avuga balomwubaha umwana waje. ³⁸ Aliko abalimyi wimizabibu bamumboye umusole yudya, balabazanya uyu niwe mulagwa, waze mwiche na tumbe abalagwa. ³⁹ Balamutola, balamutanga haze yishamba li mizabibu ni kumwicha. ⁴⁰ Je umumiliki wishamba dyi mizabibu aholozila alokolaiki abalimyi mbimizabibu? ⁴¹ Balamubwila, "Alombonona ambo bantu bambi kumbela kuzila yubukazi chane ni hanyuma alolikondesha ishamba dyi mizabibu kubalimyi badi wimizabibu hilokwela. ⁴² Yesu alababwila, "Ntimwasomye amandiko, ibuye dyobase abasi limbaye ibuye likulu dyu musigi ili dyavuye kumwami na bilatangaye mumaso yachu. ⁴³ Nuko ndababwila, ubwami bwimana uzotwagwa kuva iwanyu nkuhabwa ihanga limenya itunda dyayo. ⁴⁴ Wewesi walogwa hejulu yibuye idya alovumwa ibimayu manyu. Aliko kuva wewesi wolilogwako lilomufyonyola. ⁴⁵ Abakulu wa bakuhani na bafalisayo buvishije akalolelo kiwe, babona alabavunga mbene. ⁴⁶ Aliko bagomba kugolola amaboko hejulu yiwe, balatinye umukutano, kumbela abantu bamulevye ntumuvugishwa.