¹ Ikitambo chu luganda gwa Yesu Klisto umwana wa Daudi, Umwana Ibrahimu. ² Iblahimu yalise wa Isaka na Isaka yalise wa Yakobo, na Yakobo yalise wa yuda na mbene wambo. ³ Yuda yalise wa Pelesi na Sela kwa Tamali, Pelesi yalise wa Hezeloni na Hezeloni yalise wa Ramu. ⁴ Ramu yalise wa Aminadabu, Aminadabu yalise wa Nashoni yalise wab Salimoni. ⁵ Salimoni yalise wa Boazi kwa Rahabu, Boazi yalise wa Obedi kwa Ruth Obedi yalise wa Yese. ⁶ Yese yalise umwami Daudi, Daudi yalise wa Sulemani kumugole wa Ulia. ⁷ Suleimani yalise wa Rehoboamu, Rehoboamu yalise wa Abiya, Abiya yalise wa Asa. ⁸ Asa yalisewa Yehoshafati, Yehoshafati yalisewa Yolamu na Yolamu yalise wa Uzia. ⁹ Uzia Yalise wa Yothamu, Yothamu yalise wa Ahazi, Ahazi yalise wa Hezekia. ¹⁰ Hezekia yalise wa Manase, Manase yalise wa Amoni, Amoni yalise wa Yosia. ¹¹ Yosia yalise wa Yekonia na bene wambo umwanya yatolanwa kugenda Babeli. ¹² Ni Hanyuma yokutwagwa kugenda Babeli Yekonia yalise Shatieli, Shatieli yalise kulu wiwe wa Zelubabeli. ¹³ Zelubabeli yalise wa Abiudi, Abiudi yalise wa Eliakimu, Eliakimu yalise wa Azoli. ¹⁴ Azoli yalise wa Zadoki, Zadoki yalise wa Akimu na Akimu yalise wa Eliudi. ¹⁵ Eliudi yalise wa Elieza, Elieza yalise wa Matani na Matani yalise wa Yakobo. ¹⁶ Yakobo yalise wa Yusufu umugambo wa Maliamu aliwe yavyaye Yesu yitwa Klisto. ¹⁷ Uluvyalo gosi kuva Iblahimu hadi Daudi vyali ibivyalo chumi na bine, kuva Daudi hadi kutwagwa kugenda Babeli Imbivyalo chumi nambine, kuva kutwagwa kugenda Babeli hadi Klisto imbivyalo chumi na mbine. ¹⁸ Kuvuka kwa Yesu Klisto kwaluku mama wiwe, Maliamu, yalehejwe na Yusufu, Aliko batalahule, yambonekanye kafishe Inda kubwubusho mbozi bwumutima mwelanda. ¹⁹ Umugambo wiwe Yusufu yalu muntu wiki gongwe ntiyashaka kumuteteleza hagalagala. Yamuwe kuhagalika umbuchumba bwiwe nawe kwimbanga. ²⁰ Yiyuviliye hejulu yimbintu imbi, malaika wumwami yalamubonekeye mundote, avuga, "Yusufu umwana wa Daudi, ntutiye kumutola Maliamu nuko alumugole wawe, kukubela inda yafishe ni ya Mutima Mwelanda. ²¹ Alovyala umwana wumuhungu na alokwitwa izina dyiwe Yesu, kukubela alokiza abantu mbiwe ni vyaha vyambo." ²² Vyose ibi mbilotokea ni kusohozwa kidya chavuzwe nu mwami kubela umuvugishwa yavuze. ²³ Lemba, isugi ilotwala inda nikuvyala umwana wumuhungu na balomwita izina dyiwe Imanueli"-- bkubela, "Imana hamwe natwe. ^{24 25} Yusufu yalavyuche kuva mwitilo na akola ntuko imalaika yumwami ya mubwiye yalamutwaye umugole wiwe. Kadi nuko ntiya dya manye na wene maka avyaye umwana wumuhungu yamwishe izina dyiwe Yesu.