¹ Omona uwa kanne uwa obhokama ubhwa Dario, urusiko urwa kanne urwa umweri ughwa ( umweri ughwa kenda) engana iya Yahwe yashaye Zakaria koghamba. ² Abhanto abha Babeli bhatomire Shareza, Regemu, Meleki na abhanto abhabho kosabha mbere iya ubhusyo obhwa Yahwe. ³ Bhakaghamba na abharoti bhano bhare kuinyumba iya Yahwe uwa abhaserikari ko abharoti bhakaghamba, tokore omashishi ko umweri ughwa katano ko anshara iya okobhoha ukwa amasabhi, ko bhora nakore imyoka imiatu gheno? ⁴ Neho engana iya Yahwe uwa abhaserikari ryanyisheye koghamba. ⁵ Ghamba na abhanto bhonswe bha okyaro na abharoti abhatebhi "hano mwabhohire na okosabha ko umweri ughwa kathano na ughwa muhungete igha obhohene mwa bhohire kukughiria ikwane?. ⁶ Nahano mwareye na ikunywa temwareye kukuria ukwa bhenyu abhene? ⁷ Na ghayo ta amangan ghano Yahwe yaghambire na ko kohetera ko iminywa igha abharoti abha kasa, enkagha eno mwase mokomwnyire Yerusalemu na imighi ighya mbareka gheno ghiare ghia ngorwa na gheno ghaikaye neghebhu, na orabhareka urwa roghoro hanse iya ighighuku. ⁸ Engana iyo Yahwe akachera Zakaria koghamba. ⁹ Yahwe ua abhaserikari araghamba igha, mokore ekebhohe kobhohene, obhohene ubhwa emuma, amabha, kera monto na akore igha muhiri waye. ¹⁰ Ighoro iya umusino na omtaka, omoghanina omotaka-toka bhatesa na atakabhaho omonto oronswe kobhenyu ono akotora kokora obhosaria ko kobhenyu. ¹¹ Okobho bhano bha kongeri amareko aghambo na te bhaighure he, bharibhire amatwe aghambo kori bhankwighwa. ¹² Hakore ishenkoro ishi abho kobha ishikongu kya orotare kori bhakwighwa emighiro igho Tahwe uwa abhaserikari yahire ubhatomwa ko abhanto ko eshankanga ishia kare ko enkoro iyaye ko emeghamba (iminywa) ighwa abharoti.okobha abhanto te bhaighurehe, igho Yahwe uwa abhaserikari yabharereye bhakongu. ¹³ Hata ekabha hano yabharekeye, tabha ighureha bharabhora araghamba Yahwe uwa abhaserikari, mbaramberekera okobha tambaite gharehe. ¹⁴ Ko bhara nendabhatebhia na omokama omororo bhonswe bheno bhata kabharoshe, na komara hayo ikyaro nkarabhe bhisa kobhona taho ko heta kukyaro kya kobhora bhasioreri ikyaro ikyabho ikya kobha ikyaro keno keta kong'araa.