¹ Komara nkainyokya amaiso aghane na komaha omonto ano ane itimanzi kokobhoko kwaye. ² Nkambobhoria, nahe ukuya? akantabwa," ndaya karenga Yerusalemu kori manya obhagore na obho tambe ubhwako". ³ Neho omonto omorabhu ono yare koghamba na oni akarishoka akaya kusikana na omonto omorabhu onde. ⁴ Omonto omorabhu uwaka bhere akamotebhia, kayi ushumsha na umuruura ora, omotebhi, Yerusalemu narebha eno eyana urughito krno kikughira abhanto mbarabhe abharuna ishitenyi monse yaye. ⁵ Kobhora Yahwe araghamba, nendabhe omorendi wabho na nerabhe obhonene ghate yaye. ⁶ Mokenye! Mokenye! Mokenye! kurwa kukyaro ikya bhosi araghamba Yahwe kobhora mbatiamberi kya omokama ene ighya iryobho. ⁷ Mokenyere Sayuni bhonge bhuye bhano mukuikara na morehara Babeli araghamba Yahwe. ⁸ Ko bhora komara hano Yahwe uwa abhaserikari konsekara yantora bhokareka na ibhiaro bhere bhwa bhaghotere kubhuye ono akukuria arakurwa iriso irya nonkwe! komara Yahwe kokora igha yaghambire. ⁹ Oni umwene nenda singisi okobhoko ukwane ighoro yabho. nabho mbarabhe abhaghotwe ko abha kori emeramo abhabho neho maramenye igha Tahwe uwa abhaserikari atomire. ¹⁰ Rentia kokushamerwa, mohra Sayuni kobhora oni umwene ne ndaikara na uwe! araghamba Yahwe. ¹¹ Ibhiaro obhonene mbereghotane na Yahwe urusiko riyo. nabhenyu morabhe abhanto abhane kobhora ndebha ghate iyenyu. nabhenyu moremanya igha Yahwe uwa abhaserikari antomire kobhenyu. ¹² Kobora Yahwe are ghegha Yuda kya emongo iyaye ko ikyaro ikengorwa ghwiki na rehaghora Yerusalemu kukughiria we umwene. ¹³ Mukire mbere ya Yahwe bhenyu bhonswe bhano mona emebhere, kobhora inyokire kukurwa ahanse ahang'orwa ahaye!.