¹ Gwiki yaghambire na abhanto abhaaru na abheghya bhaye akaghamba. ² "Abhang'ori ng'ori na Amafarisayo bharikaara ikitumbe ikya Musa. ³ Kwa igho kyokyonse keno bhako bhahaneera kokora, mokekore eno morabhaikomia Kose motakasha kweegha ghaara bhakokora, ko bhoora bho bharaghamba amang'ana ghano ⁴ Heene bho bharabhona imirigho imirito gheno gherege emekong'u kwiiteeka, Bhamara bhatekya abhanto bhande komare ko ghabho kose bho abhene tebhakusuntarya kura ikyara kugheeghahe. ⁵ Amakorwa ghabho ghonse bharagghakora igha bhamahwe na abhanto. Ko bhoora bho bharongerya Obhonene bhwa amasandeko ghabho na bharongera obhoghare bhwa singibho ⁶ Bho bhahanshire kwikaara ahase ahekekama munyangi na kubhitumbe bheno bhekosookwa momasengeero. ⁷ Na bharakeeribhwa ko kosookwa ahase ha mushiiro na bharabherekerwa na abhanto igha "Abheeghya" na ⁸ Kose bhenyu temokabherekeerwa igha "Abheeghya" Koo bhoora moona we Mwalimu omwe igho, na bheenyu bhoonswe mbahiri. ⁹ Motakabherekera monto wowonse mukyaaro hano igha suwenyu, koobhora moona tata omwe igho nawe areenge kighooro. ¹⁰ Kora motakasha kobherekeerwa "Abheeghya" Koobhora moona Mwalimu omwe igho ,we ¹¹ Kose ono arenge omonene ko bheenyu areebha omokori we emeremo wenyu. ¹² Wowonswe ono akwiighegha aresookibhwa na wowonse ono akwisookya ¹³ Kose tighabheenyu abhang'oring'ori na Amafarisayo Nyangotania morarebheera abhanto obhokama bhwa kighoro na bheenyu temokotora kuhikayohe na temokohansha bhano bhakotora kuyaayo bhakore ighohe. ¹⁴ "Tigha bhenyu abhanghorig'ori na Amafarisayo nyangotania! Koobhora morabhasikya abhasino"). ¹⁵ Tigha bhenyu abhag'oring'ori na Abhafarisayo nyangotania! Morambo humbu yi inyansha hano mwahika momokora omonto omwe aikeerya ghaara mukweeghya, hano yaabha kya bheenyu, momokora mara kabhere omona uwa momooro ghotakuriima kyaa bhoora bheenyu abhene ¹⁶ Tighabheenyu abhatangati abhahukuru, bheenyu bhano mokoghambaigha, ono woonse akwighoombeerya mwi seengeero tekentohe. Kose ono akwighoombeerya ko-ezahabhu iya mwisengeero, yabhohwa na imuuma yaaye. ¹⁷ Bheenyu abhahujuuru, nkee ekenene kokera ikyende, ezahabhu kosi riseengeero reeno ryatoora ubhuuya bhwa ezahabhu ku ¹⁸ Na, wowonse ono akwiighoombeerya momasengeero te kento he. Kose ono akwiighoombeerya ku ikimweenso keno kerenge ighooro yaaye, yabhoohwa na imuuma yaaye. ¹⁹ Bheenyu bhaare bhaanto abhahukuuru nkeehe ekenene kokeera ikyeende, ikimweenso kose amaseengeero ghano ghaghotoora ubhuuya ibhimweenso bheeno bhyaruusibhwa ku ²⁰ Kobhora ono onswe akwighombeerya ku iryobha, kwighombeerya are ku bento bhonswe biyo berenge ighoro yaye. ²¹ Na ono akwiighoombeerya kwiseengeero, nkwighoombeeryaare ku riiyo na ono yikaaye moonse yaaye. ²² Na ono akwiighoombeerya ku iryoobha, ariighoomeerya ku kituumbe ikya amakora ikya Waryobha na ono yikaye kighoro ²³ Tighabheenyu abhang'oring'ori na abhafarisayo nyangorania! Ko bhoora morahaka ezaka ku binzari, mnaanaa, nu umushisha, kose moratinga amang'ana amarito agha umughiro, obhoheene, amaabhe na ubhukumia. Ghayo mobhe mwaghakoora. ghaande ghatakataghaara motaghakoorehe. ²⁴ Bheenyu abhatangati abhahukuuru bhano mokokenena akakonde akatuuye kose moramera ughusiri ²⁵ Tigha bheenyu abhang'oring'ori na abhafarisayo nyangorania! Ko bhoora monoghya kebhara ikishesho na moraghota kebhara ikituubha, kose moonse haishooye obhoghogho. ²⁶ Bheenyu Abhafarisayo abhahukuuru mooghi moonse mbere ibhishesho na moonse ibhitubha, nho orobhaara rwa kebhaara ²⁷ Tigha bheenyu abhang'oring'ori na Abhafarisayo nyangotania! Ko bhoora moratubhana na ghembehera gheno ghyakonwa ishokaa. Gheno kebhara ghekomahwa ghishomire, kasi moonse haishooye amaghuha gha abhaaku na ekento ikinyaanku kyoonse. ²⁸ Buyobhuyo, na bheenyu kebhara moraamaahwa abhaheene mobhoroonge ghwa abhaanto kose moonse mwaishora obhoghotania na ²⁹ Tigha benyu, abhang'oring'ori na abhafarisayo nyangorania! Ko bhoora moraghahasha ghembe hera ighya abharooti na morakona ghembeheera ighya abhaheene. ³⁰ Bheenyu moraghaamba, "Singa twareho ghinsiko ghya bha tata bheeto singa tituishoghaini hamwe kweetera amanyinga gha abharooti. ³¹ Hayo nkwikeerya more abheene igha bheenyu na abhaana bha bhano bhaitire ³² Gwiiki bhenyu morahikiirya kwishoorywa ahase hanohaisire ebheebhe ibhya bhasuweenyu. ³³ Bheenyu ghinshoka abhana bha vipiribhao, iyeke morekora mohone ekebhohe ikya mooroghotaku ³⁴ Ko hayo maaha ndabhareeta abharooti kobheenyu, abhaanto bhe esooko na abhang'oring'ori abhande morebhaita na okobhanyankyanyankya. Abhande morebhatemeera momaseengeero gheenyu na morebharughya kukurwa umuughi ghoomwe kuura ughwoonde. ³⁵ Umuhiko niigha ko bheenyu gharirweeraho amanyinga ghoonse agha abhaheene ghanogheteeywe mukyaaro, kukurwa amanyinga gha Habili uwa obhoheene, kuya amanyinga gha Zakaria omona wa Bharakia ono mweteeye ko ahahoreeru na mwiseengeero. ³⁶ Heene ndabhateebhya, amang'ana ghano ghoonse ngarinyoora oroghanda ³⁷ Yerusalemu, Yerusalemu uwe ono okohaita abharooti na okobhatema na amaghena bhano nabhatomire kuuwe. Nkareenga nabhakomanianga hamwe abhana bhaano kya bhoono engoko ekokomania ibhishuushu bhyaaye momababha ghaaye, kose mokanga kwiikeerya. ³⁸ Maaha inyumba yaaho yasaghiire na ekesoma. ³⁹ Oni ndakoteebhya kukuurwa bhoona no okoghendeerya toremahahe nho hanooreghaamba, "Yang'oorwa ono akusha ku iriina irya omonene."