¹ Konkagha iyo, Herode yaigure amang'ana gha Yeesu. ² Akabhatebhya abhatomwa bhaye ono Yohana omobhatisia aryokire kurwa kobhaku kuriyo shinguru siyo hosene ighoro ³ Kobhora Herode wanyore amoghote Yohana akamobha no komorekera munyumba ya maragha kobhora Herodia, moka Filipo mura wabho. ⁴ Kobhora Yohana yamotebheri, "Tebhohene kogeye mokaye he." ⁵ Herode singa ya mwitire okobha akobhoha abhanto kobhora bha moroshe Yohana akabha ⁶ Okobha urusiko rukwebhorwa Herode hano rwahikire omohara wa Herodia akahoya katekate ya bhanto nukumushomera Herode. ⁷ Kobhora ya mohoshoye kili yatyanire kwa imuma igha namohana kyonswe kyonswe keno ⁸ Kobhora yamoghambeye nyakuwabho akaghamba, "gana oni hano katika kombe omontwe gwa Yohana omobhatisya." ⁹ Omokama yare na marogoro kokosabhera mohara kokohetera eshera ya kutyana kwaye kobhora bhonswe bhano bhare kubyakorya hamwe na we akaghamba igha erahekera ho ¹⁰ Yatomire Yohana aretwe kurwa munyumba ya maragha. ¹¹ Igha abhotorwa omontwe gwaye naghoretwe kusinia ighoro na ahanwe omohara na aguhire kunyakuwabho. ¹² Bhakomara abheghibhwa bhaye bhakasha kogega omobhere ghora na ukuya kobheka, hano bhamore riyo bhakaya komotebya ¹³ Na Yeesu hano yaigure gayo akahoka kurwa ho akarina mase ya mashuko akaya ahase hano hahoywe kagha ekomo hano yamanyire hano ware, bhakaya ho kwa magoro kurwa mumighi. ¹⁴ Hano akamara Yeesu akasha mbele yabho akamaha ekomo enene akabhabhera no ko bhahwenia amaroye ¹⁵ Omoghorobha hano gwa hikire abhebhibhwa bhaye bhakasha kowe nokoghamba hano na hase a hano na urusiko rohutire bhanyaraghaini mukikaro bhagende mubhishushi bha aghore ibyakorya ¹⁶ Okobha Yeesu akabhatebhia, "Teho haja ya kuya kwabho he. Mobhene ibhyakorya" ¹⁷ Bhakamotebya igha hano tona emekate etano na sinswe ibhere isyene. ¹⁸ "Yeesu akaghamba, "Morete ¹⁹ Akomora Yeesu akaghamba ekomo mwikare hanse komanyanki akaghegha emikat etano na sinswe ebhere akamaha ighoro kuryobha akabhariki na kobharora emikat akabha abhegibhwa bhaya kohana ekomo ya bhanto. ²⁰ Bhakarya bhonswe na bhakeghota. Bhakamara bhakakoma ibhinyamnye bhonswe ibhyakorya na bhakaishorya ebhekapo ikomi na bhibhere. ²¹ Bhara bareye bhakadereywe abhashasha kobha bhekwe bhitano abhakari tebhabharwe he na ²² Mara kamwe akabhatebhia abhaghibwa bhaye bhasohe mubhwato monse enkagha iyo we aratema kwa heri kokomo ya bhanto bhaghende ubhwabho. ²³ Kagha yamore kobhatemera kwaheri kuya ubhwabho akaya akarina munguku kosabha umwene ekagha hano yahikire omoghorobha yare umwene uyo. ²⁴ Okobha bhono ubhwanto hano bhwere kalekate ya kunyansha bhora nyankanyaka okobhora amayengo no mokama gware ²⁵ Kobhora ubhutiko ekagha ya kanne Yeesu yabhatebheri aragenda komanshe ighoro. ²⁶ Ekagha abhegibhwa bhaye hano bhamoroshe aragenda komanshe, bhakaroghora no koghamba, "Ekeroghoro nokoghamba kwa nguru no bhobha. ²⁷ Yeesu akabhateebya mara kamwe no koghamba, "Mwihane obhokare noni temokobhoha ²⁸ Petero akaghamba kwa kohonshora, "Omonene nyore nuwe tebhia nishe kuwe kohetera ko manshe." ²⁹ Yeesu akaghamba nsho hayo Petero akarwa kebhara ya ubhwato na kogenda kighoro ya manshe kuya kwa Yeesu. ³⁰ Hano Petero hano yaroshe amayengo akobhoha akasha kushuka hase, kurusya esauti nokoghamba, "Omonene, ³¹ Bhango Yeesu akaghorokya okobhoko kwaye akamaghorokya Petero no komotebhya, "Uwe mwene bhohene obhoke kokobhake ona iwasiwasi?" ³² Ho Yeesu na Petero na bhakasoha mubhwato, omokama goka bhotoka. ³³ Abhegibhwa mu bhwato bhakamwikerya Yeesu akaghamba, "bhoheene uwe no mona wa ³⁴ Hano bhamore kuhika bhahikire ikyaro kya Genesareti. ³⁵ Na abhanto ka hase hayo hano bhamare komomanya Yeesu bhakarekera amang'ana kera ahase mbareka no koreta kera ono yare omoroye. ³⁶ Bhakamosasama igha bhatore kukunya ripindo rya ingebho yaye, na abharu barikuniri na bhakahwena.