¹ Yeesu akabherekera abheghya bhaye ikomi nabhabhere hamwe nokobhahaana obhotonge ighoro yamasambwa amaghogho. Akaghakongera na okogharugya n akuhweriya shetemo haghare haghare ² Amarina agha abhatomwa ikomi na abhabhere ngano. Iryambere simio (Ono akobherekerwa igha Petero) uwonde Anderea mura waabho Yakobo omona wa Zebedayo bhana Yohana mura wabho. ³ Philipo na Bartelemayo, Thomaso, na Mathayo omoghoti wa righoti Yakobo omona wa Alfayo, na Tadeo, ⁴ Somoni omokananayo, na Yuda Iskariote, ono yamonyereye ⁵ Ikomi nabhabhere bhano Yeesu yabhatomire. Wonswe akabhoorokerya akaghamba, " Motakaaghya ahase hano abhakyaaro bhamenyire mwange kosoha kumighi ghya abhanto bhasamaria. ⁶ Nyakara moghende mushinyumba sha amang'ondi gha abhaisraeli ghano ghasira. ⁷ Hano mogheye moragheeri no okoghamba obhokama bhwa ighoro mwisaro haang'i ⁸ Muhweeni abharooye muryooki abhaku mosabhure abhaghenge nagwiki murughi amasambwa mwanyoora bhosa na bheenyu murusi bhosa. ⁹ Motakasighitya esahabu, almasi kasi ekeghera mobhebheti bhyenyu. ¹⁰ Motakaghegha shensaho koroghendo rwenyu, ebherato hande ing'imbo, kobhora omokori uwa emeremo naing'arei ibhyakorya ¹¹ Umughi ghono ghonswe hande orobheri rono morahike, mtune ono aing'areyei aikare hayo na hano moretanora. ¹² Momokeri hano moresoha mu nyumba. ¹³ Hano oranyoore inyumba niyinghareyi omorembe gwenyu ghotame hayo, ghasi hano oranyore etaeng'areyi omorembe ghwenyu ghughi ¹⁴ Na bhaara bhatarebhasereniya bheenyu hande ukwitegheera amang'ana ghenyu nkaagha moretanora kurwa munyumba handi kumughi kuyo, mwikong'ote urutu koobhetashero bhyenyu ahase hayo. ¹⁵ Amaheene ndabhateebya nerabhe eno ekoghomeerya imighi ghya Sodoma na Gomora okobhotora ikiina kokera umughi ¹⁶ Maaha, ndabhatoma kya amang'ondi ghateghate ya nyamobhwe kya bhuyo mobhe noobhong'aini kya inshoka na gwiki mohabhule kya inguti. ¹⁷ Mwiyangarere na abhanto jmbarabhahire muunshama na abhanto mbarabhateme mwisengero. ¹⁸ Gwiki moreretwa boronge kobhakama abhanene kukughira yaane kya bhora umwimeereeri wabho wa abhanto bha ¹⁹ Enkagha eno bharebhatema amasoro mtokasha kobha nabhabha iyake ghasinke morashumaashe koobhora ikya ukushumasha morehaanwa enkagha iyo. ²⁰ Koobhora tebheenyu urunyoora morashumansha he nuumwika gwa tata wenyu ghurishumasha moonse ²¹ Umumura narionyokera mura wabho kumwiita na omoghaaka koomona waye, abhaana mbainyokera abhaebhori na okobhakoreera uruku. ²² Na bheenyu morereghwa naabhaanto bhoonswe kukughira ya iriina ryaane. ghasi omonto ono are ghomeerya kuhika omonto uyo naare tooribhwa. ²³ Enkagha eno erinyoora bhara bhanyaankya kuumughi ghono mokenyeera umughi ghono gho naang'i. Maheene nkobhateebhya tuurinyoora mogheye muumighi gya abhaisraeli bhonswe he. Kotangata omoona wa Adamu ²⁴ Umweegha temonene ghokera umweghya waye he. Natiigha mokori wa meremo ono arenge ighoro ya suwabho he. ²⁵ Yiisiire kumweegha akabha abhe kya umweghya waye na omokwa emeremo abhe kya omonene waye. Belzebuli, hano bharamobherekere igha nawe omonene wa muunyumba. Nko kerengere ke bharabha shabhure abha munyumba ²⁶ Naigho mwange kobhabhoha kobhora teho eng'ana eno etaryoryokibwa na teeko eno yibhisire eno etaremanyekana. ²⁷ Keera nkobhateebya mukisunte mokaghambe koobhorabho na keno mukwigwa momatwe gheenyu mokarareke moorenge ighoro ya inyumba kwa ²⁸ Motakaobhoha bhano bhakwita omobhere kasi tebhana bhotoro ubwa ukwita umwika. Nyakara mwoobhohe oora akotora ukwita na kusikya omobhere na umwika ighoro muryobha. ²⁹ Bhoono shengonsho ibhere sheraghoribwa kootongoro ke? Na gwiki igho taaho omonto ono aratore kogwa haanse taata wenyu ange komenya he. ³⁰ Ghasi hata ekerengera kya shitukya shenyu shamara kogherwa. ³¹ Motakaobhoha koobhora mona ubwera bhokong'u ghokera shengonsho ³² Ono wonswe aranyikeeri mbere ya abhanto, naoni nendamwikeeri mbere ya tata weto ono arenge ihoro mwisaaro. ³³ Ghasi ono wonswe aranyange mbere ya abhanto, naoni wonswe nendamwange mbere ya taata ono arenge ighoro ³⁴ Motakaiteghera igha naasha koreta omorembe mukyaro tenaasha koreta moreembe he kasi nuumuhyo nareta. ³⁵ Koobhora nishire kotoora omonto are shenkani na suwabho umwiseke naanyakuwabho, umwiru naanyakubhyara wabho. ³⁶ Umubhisa wa omonto mbaara bharenge ³⁷ Oora ahanshire suwabho hanse nyakuwabho bhokong'u kokera oni uyo taing'areyi he. ³⁸ Ono atagheghe omosarabha nukundwa nyuma oni taing'areyi he. ³⁹ Ono oranyoore aratuna rimenya ryaye umwene nderamobhoe. Ghasi ono oranyoore nkosaryare rimenya ryaye kukughira ya oni uyo ⁴⁰ Ono arabha sereni noranyore ansereneri oni wonswe naono aranseereni na bheenyu bhonso nabhasereneri na wonswe antomire oni. ⁴¹ Ono wonswe arasereni omoroti kobhoora arenge igha na omoroti wonswe naranyore ituho ya obhoroti. Na ono arasereni omonto wa obhoheene kughira ya omonto wa obhoheene wonswe naranyoore ituho ya omonto ⁴² Ono wonswe arahaane omwe wa abhake bhano, nanyoora nkekombe ekya amanshe ghukunywa amarweeshu, Kobhora we numwegha, okobhateebyande, amaheene koonshera yoyonse tarebhora kento kyaye he."