¹ Basi ngo ekondana lya ndogo nditolee. ² Mkabe abelwa ekaribisha bageni , amamuna kweghajya bobio, bariri babakaribisha Malaika kwelege emanya. ³ Demeria balia bonse baleho gerezani , kola bulya mwale nabo kokio hamwe nabo, na kola mbele yenyu yaghairigwe kola yobo. ⁴ Basi ndoa njisokare bonse na basi bwehe bwa ndoa mbaghaigwe buseri , kwa mamuna Mugwe akeba hukumu basari na basinzinzi. ⁵ Basi nkondo jyienyu jya butolo njikakolwe huru kwa ekondana lya robiya .Umugolwe nmurisikana binto mule nabio . Bulya Mugwe wa abugire , "Nti umwe ebahaba enyie rari kala , ejagha ebatelekeza enyie". ⁶ Basi tulizikeni ibiga tushale kwa bughomi , "Mwegeri ni murasheria wawa; ntimueriala . Monto akehikia eghajia nje?" ⁷ Teterigai balia bale mbele babahetelate , balia bagambire ekalaga lya Mugwe kwenyu, na kumbukai matyokeo ja bulia bale na bwo : igayi yedekerya jiobo. ⁸ Yesu Kristo nwo egolo, nkieno , na nejagha kala na kala. ⁹ Habe eja ehetelwa na emanyerigwa na bageni baneni bale mbujaregu bulya nkolo yobokwe kwa bujaregu, ni ti kwa Sheria kwa bosho jojio jalimwe barasheria balia batolagwa kwa jojio. ¹⁰ Tule na madhabahu jilya balia batumikaga ajiyo ndane ya hekalu bati nsaba yuelagela . ¹¹ Kwekola ndaghami jya maranghu, jilia jahumirigwe dhabihu kwa ebuga ng'adaba , yaletewrwe ni Mwekorani mkolo ndane ya hantu haseri , ale mibele yobo yajaghirwen kaane ya nkambi. ¹² Ryolo Yesu neneatirrekire kaane ka mulyangu jwa nse . Ebuga kukolwe egitela Wakfu bantu ba Mugwe eteria ndaghami jyehe. ¹³ Na ryolo tugerei kwa mwehe kaane ka nkambi .Tulebare robiya jyehe. ¹⁴ Kwani tuti batolo bwa Kala na kala kwa mujyie jojo, Anamuna yehe tusore mujyie julya jujate . ¹⁵ Etiria Yesu tukondatwe tuhumagye sadaka kilasa yemutukuza Mugwe , emusifu bulya tunda lia moromo jyieto likili ebina lyehe. ¹⁶ Na kambe ebelwa eghajya bijaregagu na erasheria enyie kwa enyie , kwekola kwa sadaka kola eyo niyo Mugwe aghamerigagwa lionse muno . ¹⁷ sokai na eharokia kwa bekorani bienyu, ebuga mbendeleate ebarendela kwa ajilia yenyu kola balia bakeehumia hesabu . soka ebuga bulya bekorani bienyu bahikire ebarendela kwa eghamela nati kwe emana , ilya itimune ebarashareria . ¹⁸ Tweheheni, bulya ntule uhakika bulya ntule dhamira injaregu , tutamaniate etola Maisha ja nsoni kwa Makalaga jonse. ¹⁹ Na enyionse mbatiale nkongolo muno mghajiye bobio , ebuga hikiye ejoka kwenyu bobio kiriri. ²⁰ Ryolo Mugwe wa Edekerya , olya abaletire lenge eboka kwa Bakire mkijori mukolo wa ng'ondi, Mwegeri weto Yesu, kwa ndaghami ya agano lya kala na kala. ²¹ Akebaha buwezo kwa kila ekalaga lijaregu eghajia makondwa jehe, aghajia milemo ndane yeto lia njaregu yeghameria mesone jehe , etiria Yesu Kristo , kwehe bwobe mbutukufu kala na kala hau.HAUU. ²² Ryolo nkutiate nkolo njosere, mwondogo , etolelana makala je etia nkolo njaregu ilya kwa budiko naliandekire kwenyu. ²³ Manya bulya mondogo weto Timotheo nasube ehabelwa huru, olya hamwe na wo nkebabana kola nakeja oho Karibuni. ²⁴ Geshai bekorani bajio bonse na bahonokigwa bonse. balia babokate Italia mbakugashatie. ²⁵ Na bujaregu mbukolwe na enyie nyionse.