¹ Ryolo , nakwendekela we, Mkondwa mbareno yakabele ebuga ikubokye katika bughara . ² Ebuga kwamba uhikie eteria makalaga jalya jabugirwe gutyandi mbatomwa bazeragi egerania kyoloteryo kya Mugwe weto na muhonokya kwetu batomwa ³ Umanye ebuga ambereria , kwamba bajagheri mbakeja katika nkya jyian magero ebajagheria enye , bakegera obyo zei bulya bakonde . ⁴ Na babga "ileho goryeda yejoka? Babaa beto bulya basire, na bintyo mbio bile eboka bighaigwe. ⁵ Bageghayia obelywa ebuga nze negolo bianzire ebokana na mai nebokana na mai kala kalai gwekalaga lya Mugwe. ⁶ Na ebuga aleteria ekalaga lyehe na mai jakabanze kwa ngeron yeneyo, rari bobyo yojire mai nia ghara gharigwe. ⁷ Ale ryolo egolo na nse mbirenderwen kwekala lyene lelyo kwe kalaga lya moki. ⁸ Lele litimune bisa butomwa bwayo, bukondwa nebuga nkhemwe kwa Mugwe manga inkya magana ekomi na nkya magana ekomi na nkya magana ekomi manga inkyemwe . ⁹ Tiebuga Mugwe aghayatie karero karero eronyia gorieda , bobulya idemerigatwe byo, Lakini wo neghumererye kenyu enyie wo atirerehate rari omwe aharibeke, Lakini arerehate ehumia ngero ebuga bonse bahile ejokela bujaregu . ¹⁰ Amamuna ,nkya Ya Mugwe nikeja bomweb ,egolo ndigeheta kwetalongana bonto mbike haribwa kwa moki. Nse na binto byoonse bilyua bileho bikehingolwa hashe . ¹¹ Amamuna binto byoonse mbiggegharagharigwa kwa nkondo eno . Ale agekolwa monto aina ke? tola buseri na Madiko ja Mugwe . ¹² Iguhikerere emanya nebana ebosobosa eja lyakia nyia Mugwe . Nkya yene egolo ndike ghagharigwa kwa moki. Biinto mbike neneghigwa nehoya libibo . ¹³ Ale ebokana na gorieda yehe. tubeterere egolo lyambia na nse ya mbia , ebuga balya saba batole . ¹⁴ Ryolo bakondwa amamuna tubeterere binto bobyo, ebiboye uhaba sasabeke nehabe naga nanigwa nekolwa nasayo hamwe nene . ¹⁵ Na Njomererie eghumeria lya Mugwe weto kwe honokigwa, Bwe mukondwa mukolywe weto Paulo, bulya abandekere enyie , eboka na bwoge bulya aherwe . ¹⁶ Paulo agambelate jajio jonse eboka na mborwa nyehe. Hale binto ambayo mbibbo emanya . Bantu balya batio nsoni nabatiemire babaghara gharia binto byene, na bobyo baghayatie kwa mandeko. Badoratie esira lyobo . ¹⁷ Ryolo , bakondwa amamuna mjaje jajio .Erendelei enyika ebuga mhabe hongerigwa na bwerehi bwa basasabi nobia timi . ¹⁸ Ale kolai nekolwa na sayo nemanya lya Mugwe na mhonokia Yesu Kristo. Na ryolo gharana jile nene ryolo na kala Hau.